భారత సంతతికి చెందిన (Nalini Joshi ) ప్రముఖ గణిత శాస్త్రవేత్త కు అంతర్జాతీయ స్థాయిలో అరుదైన గౌరవం లభించింది. 2025 సంవత్సరానికి గాను న్యూ సౌత్ వేల్స్ రాష్ట్ర ప్రభుత్వం అందించే అత్యంత ప్రతిష్ఠాత్మకమైన పురస్కారాన్ని ఆమెకు ప్రకటించింది. గణిత శాస్త్ర రంగంలో ఆమె చేసిన దీర్ఘకాలిక పరిశోధనలు, విద్యాబోధనలో చూపిన అంకితభావం, శాస్త్ర విజ్ఞానాన్ని సమాజానికి చేరువ చేసే ప్రయత్నాలకు గుర్తింపుగా ఈ అవార్డు లభించింది.
ఈ పురస్కారం అందుకున్న తొలి గణిత శాస్త్రవేత్తగా నళిని జోషి చరిత్ర సృష్టించారు. అలాగే సిడ్నీ నగరానికి చెందిన మహిళా ప్రొఫెసర్గా ఈ గౌరవాన్ని అందుకున్న మొదటి వ్యక్తిగా ఆమె పేరు ప్రత్యేకంగా నిలిచింది. నళిని జోషి జీవన ప్రయాణం ఎంతో ప్రేరణాత్మకం. ఆమె జన్మించినది మయన్మార్లో. చిన్న వయసులోనే కుటుంబంతో కలిసి ఆస్ట్రేలియాకు వలస వెళ్లారు.
కొత్త దేశం, కొత్త సంస్కృతి మధ్య చదువును కొనసాగించినప్పటికీ, గణితంపై ఆమె ఆసక్తి మాత్రం మరింత పెరిగింది. సిడ్నీలోనే ప్రాథమిక విద్య నుంచి ఉన్నత విద్య వరకు పూర్తి చేసిన ఆమె, చదువులో ఎప్పుడూ ముందుండేవారు. సిడ్నీ విశ్వవిద్యాలయం నుంచి గణిత శాస్త్రంలో పట్టభద్రులయ్యారు. ఆ తరువాత ఉన్నత పరిశోధనల కోసం అమెరికా వెళ్లి ప్రిన్స్టన్ విశ్వవిద్యాలయంలో గణిత శాస్త్రంలో డాక్టరేట్ సాధించారు.
డాక్టరేట్ పూర్తయ్యాక ఆమె తిరిగి ఆస్ట్రేలియాకు వచ్చి లో గణిత శాస్త్ర ప్రొఫెసర్గా బాధ్యతలు చేపట్టారు. ఈ పదవిని పొందిన తొలి మహిళగా ఆమె మరో మైలురాయిని నమోదు చేశారు. బోధనతో పాటు పరిశోధనలకు సమాన ప్రాధాన్యం ఇచ్చే నళిని జోషి, క్లిష్టమైన గణిత సూత్రాలను సులభంగా అర్థమయ్యేలా వివరించే కొత్త పద్ధతులను అభివృద్ధి చేశారు. ముఖ్యంగా గణిత శాస్త్రంలోని సంక్లిష్ట వ్యవస్థలపై ఆమె చేసిన పరిశోధనలు ప్రపంచవ్యాప్తంగా గుర్తింపు పొందాయి.
ఆమె సేవలకు గతంలో కూడా ఎన్నో గౌరవాలు లభించాయి. 2016లో ఆస్ట్రేలియా ప్రభుత్వం అందించే అత్యున్నత పౌర గౌరవాల్లో ఒకటైన ‘ఆర్డర్ ఆఫ్ ఆస్ట్రేలియా’ పురస్కారాన్ని ఆమె అందుకున్నారు. ప్రస్తుతం ఆమె అంతర్జాతీయ స్థాయిలో గణిత శాస్త్ర అభివృద్ధికి కృషి చేస్తున్న లో కీలక బాధ్యతలు నిర్వహిస్తున్నారు. ఆ సంఘం కార్యవర్గ సభ్యురాలిగా, ప్రతినిధిగా ఆమె సేవలందిస్తున్నారు.
నళిని జోషి సాధించిన ఈ ఘనత భారతీయులకు గర్వకారణంగా నిలుస్తోంది. ముఖ్యంగా గణిత శాస్త్రం వంటి క్లిష్టమైన రంగంలో మహిళలు కూడా అత్యున్నత స్థాయికి చేరుకోవచ్చని ఆమె జీవితం స్పష్టంగా చాటుతోంది. పట్టుదల, క్రమశిక్షణ, నిరంతర అధ్యయనం ఉంటే ప్రపంచ వేదికలపై కూడా గుర్తింపు సాధించవచ్చన్న సందేశాన్ని ఆమె విజయం యువతకు అందిస్తోంది.
