ప్రోటీన్ తీసుకోవడం ఆరోగ్యానికి ఎంత ముఖ్యమో ప్రతి పరిశోధనలోనూ స్పష్టమవుతోంది. దినసరి ఆహారంలో సరిపడా ప్రోటీన్ చేరితే కండరాల బలం పెరుగుతుంది, మెటాబాలిజం మెరుగుపడుతుంది, ఆకలి నియంత్రణలో ఉంటుంది. చాలా మంది ప్రోటీన్ కోసం ఎక్కువగా చికెన్ బ్రెస్ట్పైనే ఆధారపడతారు. 3 ఔన్సుల వండిన చికెన్ బ్రెస్ట్లో సుమారు 24 గ్రాముల ప్రోటీన్ ఉండటంతో ఇది మంచి మూలంగా భావిస్తారు. అయితే దీనికంటే ఎక్కువ ప్రోటీన్ అందించే మరో నాలుగు ఆహారాలు కూడా ఉన్నాయని పోషక నిపుణులు చెబుతున్నారు. ఈ ఆహారాలు పోషక విలువల పరంగా కూడా సమృద్ధిగా ఉంటాయి.
బీఫ్ 3 ఔన్సుల లీన్ బీఫ్లో దాదాపు 26 గ్రాముల ప్రోటీన్ ఉంటుంది. వండే విధానాన్ని బట్టి రుచిలో, గుణమేలుకులో మార్పులు వచ్చినా, పోషక విలువ మాత్రం చాలా అధికంగా ఉంటుంది. బీఫ్లో పొటాషియం, ఫోలేట్, విటమిన్ B12, కాల్షియం, మాగ్నీషియం, జింక్ వంటి అనేక ఖనిజాలు ఉంటాయి. ఉడికించడం, గ్రిల్ చేయడం, రోస్ట్ చేయడం వంటి విభిన్న రకాలుగా తయారు చేయవచ్చు. ఎక్కువ ప్రోటీన్ కావాలనుకునేవారికి ఇది ఆహార పట్టికలో మంచి ఎంపిక.
ఇక టర్కీ బ్రెస్ట్ కూడా చికెన్కు మంచి ప్రత్యామ్నాయం. అదే పరిమాణంలో టర్కీ బ్రెస్ట్ తీసుకుంటే సుమారు 25.6 గ్రాముల ప్రోటీన్ లభిస్తుంది. ప్రోటీన్ ఎక్కువగా ఉండేది బ్రెస్ట్ భాగంలోనే. టర్కీలో పాస్పరస్, పొటాషియం, మాగ్నీషియం, ఫోలేట్ వంటి శరీరానికి ఉపయోగకరమైన పోషకాలు కూడా పుష్కలంగా ఉంటాయి. చికెన్తో పోలిస్తే కొంచెం తక్కువ కొవ్వు ఉండటం వల్ల ఆరోగ్యానికి మంచిదిగా పరిగణించబడుతుంది.
ప్రోటీన్ అంటే చాలామంది చేపలను కూడా గుర్తు చేసుకుంటారు. ముఖ్యంగా ట్యూనా చేపలో ప్రోటీన్ అధికంగా ఉంటుంది. 3 ఔన్సుల పచ్చి లేదా వండిన యెల్లోఫిన్ ట్యూనాలో దాదాపు 24.8 గ్రాముల ప్రోటీన్ ఉంటుంది. క్యాన్ చేసిన ట్యూనా కూడా సౌకర్యవంతమైన ఎంపిక స్నాక్స్ నుండి సలాడ్ల వరకు ఎన్నో వంటకాల్లో దీన్ని ఉపయోగించవచ్చు. అయితే ట్యూనాలో పాదరసం (మెర్క్యురీ) స్థాయులు ఎక్కువగా ఉండే అవకాశం ఉండటంతో గర్భిణులు, పిల్లలకు ఎక్కువగా ఇస్తే మంచిది కాదు. FDA సూచించే మేరకు ‘లైట్ ట్యూనా’ వంటి రకాలను మాత్రమే మితంగా తీసుకోవడం మంచిదని వైద్యులు సూచిస్తున్నారు.
పార్మిజాన్ చీజ్ ఒక ఔన్సు పార్మిజాన్ చీజ్లో సుమారు 10 గ్రాముల ప్రోటీన్ ఉంటుంది. చికెన్తో సమాన పరిమాణం పోలిస్తే, గ్రాముకు గ్రాము అదనంగా ప్రోటీన్ ఇస్తుంది. ఈ చీజ్లో కాల్షియం, సోడియం కూడా అధికంగా ఉంటుంది. చాలా మందికి లాక్టోస్ అసహనం ఉండే పరిస్థితుల్లో కూడా పార్మిజాన్ చీజ్ సులభంగా జీర్ణమవుతుంది. ఎందుకంటే తయారీ ప్రక్రియలో పాలలోని నీటి భాగం, లాక్టోస్ పూర్తిగా తొలగించబడుతుంది.
రోజుకి అవసరమైన ప్రోటీన్ పరిమాణం సుమారు 50 గ్రాములు. దీన్ని సమతుల్యంగా పొందేందుకు ఆహారంలో వైవిధ్యం చాలా ముఖ్యమని నిపుణులు చెబుతున్నారు. మిగిలిన రోజువారీ ఆహారాల్లో పాలు, గ్రీక్ యోగర్ట్, బాదం, సార్డిన్ వంటి చిన్న చేపలను కూడా చేర్చడం మంచిది. శరీరానికి అవసరమైన ప్రోటీన్ను కేవలం చికెన్పై ఆధారపడకుండా, ఎన్నో ప్రత్యామ్నాయాల ద్వారా పొందవచ్చు. ఇది ఆరోగ్యాన్ని మరింత సమతుల్యంగా, బలంగా ఉండేలా చేస్తుందని పోషక నిపుణులు సూచిస్తున్నారు.
ఈ న్యూట్రిషన్ కేవలం మీ అవగాహనకు మాత్రమే మీ ఆరోగ్య పరిస్థితి రిత్యా ముందుగా మీ డాక్టర్ ని సంప్రదించి మీరు ఏ విధమైన ఆహారాన్ని ఎంపిక చేసుకోవాలో తెలుసుకోండి.
