Trump Comments: ట్రంప్ వ్యాఖ్యలతో పెరగనున్న అంతర్జాతీయ ఉద్రిక్తతలు! ఇరాన్ సరిహద్దుల్లో ఏం జరుగుతోంది?

• Gulf: కుర్దుల వల్ల అమెరికాకు ఎదురుదెబ్బ: ఇరాన్ ఆందోళనకారులకు అందాల్సిన ఆయుధాలు ఏమ్యేయి?
   
• ట్రంప్ వ్యాఖ్యలతో పెరగనున్న అంతర్జాతీయ ఉద్రిక్తతలు: ఇరాన్ గడ్డపై అమెరికా 'పరోక్ష యుద్ధం' బహిర్గతం..

America Trump Comments: అమెరికా అధ్యక్షుడు డొనాల్డ్ ట్రంప్ ఇరాన్‌లోని కుర్దుల తీరుపై తీవ్ర అసహనం వ్యక్తం చేస్తూ తన 'ట్రూత్ సోషల్' వేదికగా సంచలన వ్యాఖ్యలు చేశారు. ఇరాన్‌లో ప్రస్తుత ఇస్లామిక్ ప్రభుత్వాన్ని పడగొట్టాలనే వ్యూహంతో అక్కడి నిరసనకారులకు చేరవేయడానికి తాము రహస్యంగా భారీ ఎత్తున ఆయుధాలను పంపించామని, అయితే అవి లక్ష్యానికి చేరలేదని ఆయన బహిరంగంగా వెల్లడించారు. ఇరాన్ ప్రభుత్వ వ్యతిరేక పోరాటంలో భాగంగా నిరసనకారులకు మద్దతుగా పెద్ద సంఖ్యలో తుపాకులను పంపినట్లు తెలిపిన ట్రంప్, మధ్యవర్తులుగా ఉన్న కుర్దులు ఆ ఆయుధాలను నిరసనకారులకు అందించకుండా తమ వద్దే ఉంచుకున్నారని ఆరోపించారు. ఈ రహస్య ఆపరేషన్ విఫలం కావడానికి కుర్దుల స్వార్థమే కారణమని ఆయన తన పోస్ట్‌లో ధ్వజమెత్తారు.

గత ఏడాది డిసెంబర్‌లో ఇరాన్‌లో పెద్ద ఎత్తున ప్రజా ఆందోళనలు చెలరేగిన సమయంలో, ఆ అస్థిరతను ఉపయోగించుకుని అక్కడి పాలనను మార్చాలని అమెరికా భావించింది. ఈ క్రమంలోనే ఇరాన్ ప్రభుత్వానికి వ్యతిరేకంగా ఉన్న కుర్దుల ద్వారా నిరసనకారులకు ఆయుధాలను చేరవేసే బాధ్యతను అప్పగించింది. అయితే, తాజాగా ట్రంప్ చేసిన వ్యాఖ్యల ప్రకారం ఆ ఆయుధాలు ఆందోళనకారుల చేతికి అందలేదని, కుర్దులే వాటిని దారిమళ్లించారని స్పష్టమవుతోంది. అమెరికా అధ్యక్షుడే స్వయంగా ఇలాంటి రహస్య సైనిక సహకారం గురించి సోషల్ మీడియాలో బహిర్గతం చేయడం ఇప్పుడు అంతర్జాతీయ రాజకీయాల్లో పెను దుమారం రేపుతోంది.

ఈ వ్యవహారం ఇరాన్ మరియు అమెరికా మధ్య ఇప్పటికే ఉన్న ఉద్రిక్తతలను మరింత పెంచేలా కనిపిస్తోంది. ఒక దేశ అంతర్గత వ్యవహారాల్లో జోక్యం చేసుకోవడమే కాకుండా, ఆయుధాలను సరఫరా చేయడం వంటి తీవ్రమైన అంశాలను ట్రంప్ అంగీకరించడం గమనార్హం. కుర్దుల నమ్మకద్రోహం వల్లే తమ ప్రయత్నం ఫలించలేదని ఆయన చేసిన ఆరోపణలు, భవిష్యత్తులో కుర్దులకు మరియు అమెరికాకు మధ్య ఉన్న సంబంధాలపై కూడా ప్రభావం చూపే అవకాశం ఉంది. ఈ పరిణామాల నేపథ్యంలో ఇరాన్ ప్రభుత్వం ఎలా స్పందిస్తుందోనని ప్రపంచ దేశాలు ఆసక్తిగా గమనిస్తున్నాయి.