Realme P4 Lite 5G: ₹13 వేల లోపే అదిరిపోయే 5G ఫోన్.. రియల్‌మీ P4 లైట్ ఫీచర్లు ఇవే!

Realme P4 Lite 5G: స్మార్ట్‌ఫోన్ ప్రియులకు రియల్‌మీ సంస్థ మరో అదిరిపోయే వార్త చెప్పింది. తన పాపులర్ P-సిరీస్‌లో భాగంగా రియల్‌మీ P4 లైట్ 5G  ఫోన్‌ను భారత మార్కెట్లోకి గురువారం విడుదల చేసింది. తక్కువ ధరలో ఎక్కువ ఫీచర్లు కోరుకునే వారే లక్ష్యంగా ఈ ఫోన్‌ను రూపొందించారు. ముఖ్యంగా ఇందులో ఉన్న భారీ బ్యాటరీ సామర్థ్యం టెక్ ప్రియులను ఆకట్టుకుంటోంది.

బ్యాటరీ  డిస్‌ప్లే హైలైట్స్

ఈ ఫోన్‌లో ప్రధానంగా చెప్పుకోవాల్సింది దీని 7,000mAh బ్యాటరీ గురించి. బడ్జెట్ ఫోన్లలో ఇంత పెద్ద బ్యాటరీ రావడం ఇదే మొదటిసారి అని చెప్పవచ్చు. దీనివల్ల ఫోన్ ఛార్జింగ్ ఒక్కసారి పెడితే రెండు రోజుల పాటు నిరంతరాయంగా వాడుకోవచ్చు. ఇక డిస్‌ప్లే విషయానికొస్తే, ఇందులో 6.8 అంగుళాల పెద్ద స్క్రీన్‌ను ఇచ్చారు. ఇది 144Hz రిఫ్రెష్ రేట్‌తో పనిచేస్తుంది, దీనివల్ల గేమింగ్ ఆడేటప్పుడు లేదా వీడియోలు చూసేటప్పుడు స్క్రీన్ చాలా స్మూత్‌గా ఉంటుంది.

పనితీరు  కెమెరా

ఈ ఫోన్ మీడియాటెక్ డైమెన్సిటీ 6300 ప్రాసెసర్‌పై రన్ అవుతుంది. ఇది 5G కనెక్టివిటీకి సపోర్ట్ చేస్తుంది కాబట్టి ఇంటర్నెట్ వేగం చాలా బాగుంటుంది. ఫోన్ వేడెక్కకుండా ఉండేందుకు ఇందులో ప్రత్యేకమైన 'వేపర్ ఛాంబర్' కూలింగ్ సిస్టమ్‌ను కూడా అమర్చారు. కెమెరాల విషయానికి వస్తే, వెనుక వైపు 13 మెగాపిక్సెల్ మెయిన్ కెమెరా, ముందు వైపు సెల్ఫీల కోసం 5 మెగాపిక్సెల్ కెమెరా ఉన్నాయి. ఈ ఫోన్ ఆండ్రాయిడ్ 16 వెర్షన్‌తో పనిచేయడం మరో విశేషం.

ధర  ఆఫర్లు

రియల్‌మీ P4 లైట్ 5G మొత్తం మూడు వేరియంట్లలో లభిస్తుంది:

 4GB + 64GB: రూ. 12,999

 4GB + 128GB: రూ. 13,999

 6GB + 128GB: రూ. 15,999

లంచ్ ఆఫర్ కింద రూ. 1,000 ఫ్లాట్ డిస్కౌంట్‌తో పాటు, ఎంపిక చేసిన బ్యాంకు కార్డులపై రూ. 500 అదనపు తగ్గింపు లభిస్తుంది. పాత రియల్‌మీ ఫోన్లను ఎక్స్ఛేంజ్ చేసేవారికి మరో రూ. 500 అదనపు బోనస్ కూడా ఉంది. ఈ ఫోన్ ఫ్లిప్‌కార్ట్  రియల్‌మీ అధికారిక వెబ్‌సైట్లలో మొజాయిక్ బ్లూ, మొజాయిక్ గ్రీన్ రంగుల్లో అందుబాటులో ఉంటుంది.