OnePlus 15T: స్మార్ట్ఫోన్ ప్రియులు ఎంతగానో ఎదురుచూస్తున్న వన్ ప్లస్ 15T (OnePlus 15T) లాంచ్కు ముహూర్తం ఖరారైంది. చైనా మార్కెట్లో మార్చి 24న సాయంత్రం ఈ ఫోన్ను అధికారికంగా విడుదల చేయనున్నారు. ఇప్పటికే ఒప్పో ఆన్లైన్ స్టోర్ ద్వారా ప్రీ-బుకింగ్స్ కూడా మొదలయ్యాయి. వన్ ప్లస్ నుంచి వస్తున్న ఈ సరికొత్త మోడల్ తన పాత ఫోన్ల కంటే ఎన్నో రెట్లు మెరుగైన టెక్నాలజీతో మార్కెట్లోకి అడుగుపెడుతోంది. ముఖ్యంగా గేమింగ్ లవర్స్ కోసం ప్రత్యేక ఫీచర్లను ఇందులో జోడించారు.
ఈ ఫోన్ డిజైన్ విషయానికి వస్తే, వెనుక భాగంలో స్క్వేర్ షేప్ కెమెరా మాడ్యూల్తో చాలా క్లాసిక్గా కనిపిస్తుంది. హీలింగ్ వైట్ చాక్లెట్, ప్యూర్ కోకో, రిలాక్సింగ్ మాచా అనే మూడు సరికొత్త రంగుల్లో ఇది అందుబాటులోకి రానుంది. అంతేకాకుండా, దీనికి అత్యంత శక్తివంతమైన IP69K రేటింగ్ ఇచ్చారు. అంటే నీటిలో పడినా, దుమ్ము ధూళి తగిలినా ఫోన్కు ఏమీ కాదు. సెక్యూరిటీ కోసం ఇందులో అల్ట్రాసోనిక్ ఫింగర్ ప్రింట్ స్కానర్ను అమర్చారు.
డిస్ప్లే పరంగా చూస్తే, ఇందులో 6.32 అంగుళాల ఫ్లాట్ డిస్ప్లే ఉంటుంది. దీని స్పెషాలిటీ ఏంటంటే, ఇది 165Hz రిఫ్రెష్ రేట్ను సపోర్ట్ చేస్తుంది. దీనివల్ల ఫోన్ వాడుతున్నప్పుడు చాలా స్మూత్గా ఉంటుంది, ముఖ్యంగా హై-ఎండ్ గేమ్స్ ఆడేటప్పుడు ఎక్కడా లాగ్ అవ్వదు. కళ్లకు ఇబ్బంది కలగకుండా టీయూవీ రైన్ల్యాండ్ సర్టిఫికేషన్ కూడా పొందింది. ప్రాసెసర్ విషయానికి వస్తే, ఇందులో అత్యంత వేగవంతమైన స్నాప్డ్రాగన్ 8 ఎలైట్ జెన్ 5 చిప్సెట్ను వాడారు.
కెమెరా విభాగంలో వన్ ప్లస్ తన మార్క్ చూపిస్తోంది. ఇందులో వెనుకవైపు రెండు 50 మెగాపిక్సెల్ కెమెరాలు ఉన్నాయి. ప్రైమరీ కెమెరాకు సోనీ అల్ట్రా విజన్ సెన్సార్ను వాడటం వల్ల తక్కువ వెలుతురులో కూడా అద్భుతమైన ఫోటోలు తీసుకోవచ్చు. అలాగే, 3.5x ఆప్టికల్ జూమ్ ఇచ్చే పెరిస్కోప్ టెలిఫోటో లెన్స్ ద్వారా దూరంగా ఉన్న వస్తువులను కూడా స్పష్టంగా బంధించవచ్చు. దీని ద్వారా 4K అల్ట్రా HD వీడియోలను కూడా రికార్డ్ చేసుకోవచ్చు.
ఇక ఈ ఫోన్ లో హైలైట్ ఏంటంటే దీని బ్యాటరీ ఏకంగా 7,500mAh భారీ బ్యాటరీతో ఇది వస్తోంది. ఒక్కసారి ఛార్జ్ చేస్తే సుమారు 22 గంటల పాటు నిరంతరంగా వీడియోలు చూసుకోవచ్చని కంపెనీ చెబుతోంది. దీనికి తోడు 100W ఫాస్ట్ ఛార్జింగ్, 50W వైర్లెస్ ఛార్జింగ్ సదుపాయం కూడా ఉంది. ధర విషయానికి వస్తే, పాత మోడల్ 13T కంటే కొంచెం ఎక్కువగా ఉండే అవకాశం ఉంది. ఆండ్రాయిడ్ 16 ఆధారిత కలర్ ఓఎస్ మీద నడిచే ఈ ఫోన్కు ఐదేళ్ల పాటు సెక్యూరిటీ అప్డేట్స్ ఇస్తామని వన్ ప్లస్ ప్రకటించింది.
