Mivi One 5G: బడ్జెట్‌లో మేడ్ ఇన్ ఇండియా 5G స్మార్ట్‌ఫోన్.. శామ్‌సంగ్, రెడ్‌మీలను తట్టుకోవడం మివి వల్ల అవుతుందా?

• సెప్టెంబర్ 24న 'మివి వన్ 5G' పేరుతో తొలి ఫోన్ విడుదల....
• Gadgets: భారత స్మార్ట్‌ఫోన్ మార్కెట్‌లోకి అడుగుపెడుతున్న 'మివి'...

Mivi One 5G: ఇప్పటివరకు ఇయర్ బడ్స్, హెడ్‌ఫోన్స్, సౌండ్‌బార్ల వంటి ఆడియో పరికరాలతో భారత వినియోగదారుల ఆదరణ పొందిన హైదరాబాద్ ఆధారిత టెక్ బ్రాండ్ 'మివి' (Mivi) ఇప్పుడు మొబైల్ మార్కెట్లోకి అడుగుపెడుతోంది. తన తొలి స్మార్ట్‌ఫోన్ ‘మివి వన్ 5G’ (Mivi One 5G) ను ఈ నెల సెప్టెంబర్ 24న భారత మార్కెట్లో అధికారికంగా విడుదల చేయనున్నట్లు కంపెనీ ప్రకటించింది. ఇప్పటికే ఈ ఫోన్‌కు సంబంధించిన అధికారిక టీజర్‌ను విడుదల చేయగా, టెక్ వర్గాల్లో ఇది తీవ్ర ఆసక్తిని రేకెత్తిస్తోంది.

ప్రత్యేక డిజైన్ మరియు స్వదేశీ తయారీ..
 కంపెనీ విడుదల చేసిన టీజర్ ఆధారంగా ఈ స్మార్ట్‌ఫోన్ వెనుక భాగంలో డిఫరెంట్ అండ్ ట్రెండీ లుక్‌తో వస్తోంది.

• ప్రీమియమ్ లుక్: ఒలివ్ గ్రీన్ రంగులో కనిపించిన ఈ ఫోన్ వెనుకవైపు ఫ్లాట్ ప్యానెల్‌తో, గుండ్రని అంచులను కలిగి ఉంది. డ్యూయల్ కెమెరా సెటప్‌ను పక్కపక్కనే (డయాగనల్‌గా) ప్రత్యేక వృత్తాకార మోడ్యూల్‌లో అమర్చగా, దాని పక్కనే ఒక పిల్-షేప్డ్ ఎల్‌ఈడీ ఫ్లాష్ ఉంది.

• మేక్ ఇన్ ఇండియా: 'మేక్ ఇన్ ఇండియా' మంత్రానికి అత్యంత ప్రాధాన్యతనిస్తూ, ఈ స్మార్ట్‌ఫోన్‌ను పూర్తిగా హైదరాబాద్‌లోని స్వంత ప్లాంట్‌లోనే తయారు చేస్తుండటం విశేషం.

స్నాప్‌డ్రాగన్ ప్రాసెసర్ మరియు గూగుల్ భాగస్వామ్యం..
ఈ స్మార్ట్‌ఫోన్ క్వాల్‌కామ్ స్నాప్‌డ్రాగన్ 5G (Qualcomm Snapdragon 5G) ప్రాసెసర్‌తో పనిచేస్తుందని మివి అధికారికంగా ధ్రువీకరించింది. ఇది ఆ విభాగంలో మెరుగైన పనితీరును అందిస్తుందని మార్కెట్ వర్గాలు భావిస్తున్నాయి.

సాఫ్ట్‌వేర్ పరంగా వినియోగదారులకు ఎలాంటి ఇబ్బంది లేకుండా క్లీన్ యూజర్ ఎక్స్‌పీరియన్స్ అందించేందుకు మివి టెక్ దిగ్గజం గూగుల్‌తో ప్రత్యేక భాగస్వామ్యం కుదుర్చుకుంది. ఎలాంటి అనవసరమైన థర్డ్-పార్టీ యాప్‌లు (Bloatware) లేని దాదాపు స్టాక్ ఆండ్రాయిడ్ అనుభవం ఇందులో లభించనుంది.

'మివి వన్ 5G' స్మార్ట్‌ఫోన్ ప్రముఖ ఈ-కామర్స్ ప్లాట్‌ఫామ్ ఫ్లిప్‌కార్ట్ (Flipkart) ద్వారా ప్రత్యేకంగా అందుబాటులోకి రానుంది. 
అంచనా ధర: మార్కెట్ విశ్లేషకుల అభిప్రాయం ప్రకారం, ఈ ఫోన్ ధర రూ. 15,000 లోపే ఉండే అవకాశం ఉంది.

ఇప్పటికే రూ. 15,000 బడ్జెట్ 5G స్మార్ట్‌ఫోన్ విభాగంలో చైనా బ్రాండ్ల మధ్య తీవ్ర పోటీ ఉంది. స్వదేశీ బ్రాండ్ అయిన మివి సరసమైన ధరకే స్నాప్‌డ్రాగన్ చిప్‌సెట్‌తో 5G ఫోన్ తీసుకువస్తే, బడ్జెట్ విభాగంలో గట్టి పోటీ ఖాయంగా కనిపిస్తోంది.