Gaddar Awards 2025: తెలంగాణ గడ్దర్ ఫిల్మ్ అవార్డ్స్ 2025 విజేతల పూర్తి జాబితా ఇదే!

Gaddar Awards 2025: తెలంగాణ గడ్డపై కళాకారుల ప్రతిభకు పట్టం కడుతూ 2025 ఏడాదికి గాను ప్రతిష్టాత్మకమైన "గడ్దర్" అవార్డుల ప్రకటన వెలువడింది. ప్రజా గాయకుడు గడ్దర్ స్మారకార్థం ఏర్పాటు చేసిన ఈ పురస్కారాల్లో ఈసారి వైవిధ్యమైన చిత్రాలకు, విలక్షణమైన నటులకు చోటు దక్కడం విశేషం. చిత్ర పరిశ్రమలో ఎంతో ఆసక్తిగా ఎదురుచూస్తున్న ఈ అవార్డుల జాబితాలో వాణిజ్య సినిమాలతో పాటు సామాజిక సందేశం ఉన్న చిత్రాలు కూడా సత్తా చాటాయి. సినిమా రంగంలోని వివిధ విభాగాల్లో ఉత్తమ ప్రతిభ కనబరిచిన వారిని ఎంపిక చేస్తూ జ్యూరీ సభ్యులు నిర్ణయం తీసుకున్నారు.

ఈ ఏడాది ఉత్తమ నటుడిగా 'తండేల్' చిత్రంలో నటనకు గాను నాగచైతన్య ఎంపికయ్యారు. జాలరి పాత్రలో ఆయన చూపిన ఒదిగిపోయిన తీరుకు ఈ గౌరవం దక్కింది. అలాగే 'ది గర్ల్ ఫ్రెండ్' సినిమాలో తనదైన నటనతో ఆకట్టుకున్న రష్మిక మందన్న ఉత్తమ నటిగా నిలిచింది. ఇక సినిమాల విషయానికి వస్తే 'రాజు వెడ్స్ రాంబాయి' ఉత్తమ చిత్రంగా నిలిచి అందరి ప్రశంసలు అందుకుంది. రెండో ఉత్తమ చిత్రంగా 'దండోరా', మూడో ఉత్తమ చిత్రంగా 'ది ప్రీ వెడ్డింగ్ షో' అవార్డులను కైవసం చేసుకున్నాయి. దేశభక్తి నేపథ్యంలో తెరకెక్కిన 'తండేల్' చిత్రానికి నేషనల్ ఇంటిగ్రిటీ విభాగంలో కూడా పురస్కారం లభించింది.

సాంకేతిక విభాగాల్లో కూడా గట్టి పోటీ నెలకొంది. 'మిరాయ్' సినిమా తన విజువల్ వండర్స్‌తో స్పెషల్ ఎఫెక్ట్స్, సినిమాటోగ్రఫీ (కార్తీక్ ఘట్టమనేని),  ఎడిటింగ్ (శ్రీకర్ ప్రసాద్) విభాగాల్లో అవార్డులను కొల్లగొట్టింది. ఉత్తమ దర్శకుడిగా 'రాజు వెడ్స్ రాంబాయి' చిత్రానికి గాను ఎంపిక కాగా, ఉత్తమ సంగీత దర్శకుడిగా మార్క్ కె రాబిన్ తన ప్రతిభను చాటుకున్నారు. హాస్య నటుడిగా కృష్ణ తేజ, సపోర్టింగ్ యాక్టర్లుగా శివాజీ  భూమికలు తమ స్థానాలను సుస్థిరం చేసుకున్నారు. బాలల చిత్రంగా 'అనగనగనా' ఎంపికైంది.

కేవలం నటన, దర్శకత్వమే కాకుండా కథా బలానికి కూడా పెద్దపీట వేశారు. 'యుఫోరియా' చిత్రానికి గాను గుణశేఖర్ ఉత్తమ కథా రచయితగా, అనిల్ రావిపూడి ఉత్తమ స్క్రీన్ ప్లే రైటర్‌గా నిలిచారు. పర్యావరణ పరిరక్షణ ఇతివృత్తంతో వచ్చిన 'ఇగ్వా' ప్రత్యేక గుర్తింపు పొందింది. 'సంక్రాంతికి వస్తున్నాం' చిత్రం పూర్తిస్థాయి వినోదాన్ని అందించి వినోదాత్మక చిత్రంగా నిలిచింది. గాయనీ గాయకులు అనురాగ్, సాహితి చాగంటి తమ మధురమైన గొంతులతో అవార్డులను అందుకున్నారు. మేకప్, కాస్ట్యూమ్స్ వంటి విభాగాల్లో కూడా నిష్ణాతులైన వారికి గుర్తింపు లభించింది.

 2025 గడ్దర్ అవార్డుల జాబితా కొత్త పాత కలయికగా కనిపిస్తోంది. చిన్న సినిమాలకు, నూతన దర్శకులకు పెద్ద పీట వేయడం ద్వారా తెలంగాణ ప్రభుత్వం  జ్యూరీ సభ్యులు తెలుగు సినిమా రంగానికి కొత్త ఊపిరి పోశారని చెప్పవచ్చు. కళాకారులను ప్రోత్సహిస్తూ వారి కష్టానికి గుర్తింపునిచ్చే ఇటువంటి అవార్డులు భవిష్యత్తులో మరిన్ని మంచి సినిమాలు రావడానికి దోహదపడతాయి. విజేతలందరికీ చిత్ర పరిశ్రమ వర్గాలు  అభిమానులు అభినందనలు తెలుపుతున్నారు.