Bandla Ganesh: బండ్ల గణేశ్ ఇంట్లో పెళ్లి బాజాలు.. జూబ్లీహిల్స్లో సినీ, రాజకీయ ప్రముఖుల సందడి!
Bandla Ganesh: ప్రముఖ సినీ నటుడు, నిర్మాత బండ్ల గణేశ్ కుమార్తె జనని నిశ్చితార్థ వేడుక ఆదివారం ఉదయం జరిగింది. పశ్చిమ గోదావరి జిల్లాకు చెందిన సూర్యతేజతో జనని వివాహం జరగనుంది.
- Cinema: ఆదివారం ఉదయం జనని, సూర్యతేజ నిశ్చితార్థ వేడుక..
- వధూవరులను ఆశీర్వదించిన రాజకీయ, సినీ ప్రముఖులు..
Bandla Ganesh: ప్రముఖ సినీ నటుడు, నిర్మాత బండ్ల గణేశ్ ఇంట్లో పెళ్లి వేడుకలు మొదలయ్యాయి. ఆయన కుమార్తె జనని నిశ్చితార్థ వేడుక ఆదివారం ఉదయం హైదరాబాద్లో అత్యంత వైభవంగా జరిగింది. పశ్చిమ గోదావరి జిల్లాకు చెందిన సూర్యతేజతో జనని వివాహం నిశ్చయమవగా, ఈ శుభకార్యం సందర్భంగా బంధుమిత్రులు మరియు ఆత్మీయుల సమక్షంలో నిశ్చితార్థం ఘనంగా నిర్వహించారు. ఈ వేడుకకు సినీ రంగానికి చెందిన ప్రముఖులతో పాటు రాజకీయ దిగ్గజాలు కూడా పెద్ద సంఖ్యలో హాజరై, కాబోయే వధూవరులను ఆశీర్వదించారు.
ఈ వేడుకలో మాజీ ఉపరాష్ట్రపతి ముప్పవరపు వెంకయ్యనాయుడు ప్రత్యేక ఆకర్షణగా నిలిచారు. ఆయనతో పాటు సినీ దర్శకేంద్రుడు కె. రాఘవేంద్రరావు, హాస్య బ్రహ్మ బ్రహ్మానందం, దర్శకుడు శ్రీను వైట్ల, నటుడు శివాజీ, ప్రముఖ రచయిత కోన వెంకట్, నిర్మాత సి. కల్యాణ్ తదితరులు విచ్చేశారు. అలాగే రాజకీయ రంగం నుండి విజయవాడ మాజీ ఎంపీ లగడపాటి రాజగోపాల్తో పాటు తెలుగు రాష్ట్రాలకు చెందిన పలువురు కీలక నాయకులు ఈ వేడుకకు హాజరై సందడి చేశారు. తన కుమార్తె నిశ్చితార్థానికి విచ్చేసిన అతిథులందరికీ బండ్ల గణేశ్ సాదరంగా స్వాగతం పలికి కృతజ్ఞతలు తెలియజేశారు. ఇందుకు సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. చిత్ర పరిశ్రమలో 'బ్లాక్ బస్టర్' నిర్మాతగా గుర్తింపు పొందిన బండ్ల గణేశ్ కుమార్తె వివాహం ఎప్పుడు జరుగుతుందనే దానిపై త్వరలో అధికారిక ప్రకటన రానుంది.
Be the first to react
