చంద్రబాబు లాంటి లీడర్ మాకు లేనందుకు ఎక్కి ఎక్కి ఏడుస్తున్నాము!
అమరావతి అభివృద్ధి మరియు ఏపీ ముఖ్యమంత్రి చంద్రబాబు నాయుడు విజన్ పై తెలంగాణ ప్రజలు ప్రశంసల జల్లు కురిపించారు. గత ప్రభుత్వ పరదాల చాటు పాలన, గ్రాఫిక్స్ విమర్శలను తిప్పికొడుతూ.. చంద్రబాబు, పవన్ కళ్యాణ్, లోకేష్ల సమన్వయంతో అమరావతి ప్రజా రాజధానిగా పూర్వ వైభవాన్ని సంతరించుకుంటోందని, తెలంగాణలో చంద్రబాబు లాంటి నాయకుడు లేరని సివిఆర్ న్యూస్ లైవ్ డిబేట్లో కాలర్లు స్పష్టం చేశారు.
- అమరావతిపై తెలంగాణ వాసి సంచలన వ్యాఖ్యలు.. చంద్రబాబు లాంటి విజనరీ లీడర్ మాకు లేరని ఆవేదన!
ఆపినా ఆగని అమరావతి ప్రగతి రథం.. కృష్ణా తీరంలో ప్రపంచ స్థాయి నవనగరం!
గ్రాఫిక్స్ అన్నవాళ్లు వచ్చి భవనాలు చూసి దూకాలి.. గత పాలకుల విమర్శలపై కాలింగ్ షోలో కౌంటర్!
Amaravati: ఆంధ్రప్రదేశ్ రాజధాని అమరావతి పునర్నిర్మాణం, కూటమి ప్రభుత్వ సమన్వయం మరియు ముఖ్యమంత్రి నారా చంద్రబాబు నాయుడు పాలనా దక్షతపై సరిహద్దు రాష్ట్రమైన తెలంగాణ ప్రజల నుంచి అనూహ్యమైన ప్రశంసలు వ్యక్తమవుతున్నాయి. ఒక ప్రముఖ లైవ్ ఫోన్-ఇన్ కార్యక్రమంలో మాట్లాడిన పలువురు కాలర్లు ఏపీలో జరుగుతున్న రాజకీయ, పారిశ్రామిక మార్పులపై తమ అభిప్రాయాలను కుండబద్దలు కొట్టారు. ఒక బలమైన విజనరీ లీడర్ ఉన్నప్పుడు ఎవరెన్ని కుట్రలు పన్నినా రాజధాని అమరావతి నిర్మాణం ఆగదని, ప్రజా సంకల్పంతో అమరావతి మళ్లీ పూర్వ వైభవాన్ని సంతరించుకుంటోందని స్పష్టం చేశారు.
గ్రాఫిక్స్ అన్నవారికి గట్టి చెంపపెట్టు
గత ప్రభుత్వ హయాంలో అమరావతిని కేవలం 'గ్రాఫిక్స్' అంటూ గేలి చేసిన విమర్శకులపై తెలంగాణకు చెందిన కాలర్ తీవ్రస్థాయిలో ధ్వజమెత్తారు. "అమరావతి గ్రాఫిక్స్ అన్నవాళ్లు అక్కడికి వెళ్లి, ఆ ఆకాశహర్మ్యాలు, భవనాల పైకెక్కి దూకితే అది నిజమైన భవనాలా లేక గ్రాఫిక్సా అనేది అర్థమవుతుంది" అంటూ ఘాటుగా సమాధానమిచ్చారు. సినిమా షూటింగ్లు కాకుండా కృష్ణా నదీ తీరంలో కళ్లముందే భారీ రాజధాని కట్టడాలు రూపుదిద్దుకుంటుంటే, ఇంకా మోసపు మాటలు మాట్లాడేవారిని ప్రజలు నమ్మే పరిస్థితి లేదని తేల్చిచెప్పారు.
గత చీకటి పాలన – పరదాల చాటు పరిపాలన
గత ప్రభుత్వ పాలనను ప్రస్తావిస్తూ.. అప్పట్లో అధికారంలో ఉన్న నాయకులు రోడ్లపై చెట్లను నరికించి, పరదాల చాటున తిరిగారని, సామాన్యుడు సోషల్ మీడియాలో ఒక్క పోస్ట్ పెట్టినా అర్ధరాత్రి జైళ్లకు పంపిన అణచివేత పరిస్థితులు ఉండేవని కాలర్ గుర్తుచేశారు. గంజాయి, రౌడీషీటర్ల ఆగడాలతో రాష్ట్రంలో శాంతిభద్రతలు క్షీణించాయని, ప్రశ్నించే వారి గొంతు నొక్కారని విమర్శించారు. అయితే కూటమి ప్రభుత్వం వచ్చిన తర్వాత ప్రజలకు ప్రశ్నించే స్వేచ్ఛ వచ్చిందని, ప్రభుత్వ పాలనలో ఎక్కడైనా చిన్న తప్పు జరిగినా సీఎం చంద్రబాబు వెంటనే దిద్దుబాటు చర్యలు తీసుకుంటూ బాధ్యతాయుతంగా వ్యవహరిస్తున్నారని ప్రశంసించారు.
చంద్రబాబు, పవన్ కళ్యాణ్, లోకేష్ల సమన్వయ పాలన
కూటమి సర్కారులో సీఎం చంద్రబాబు నాయుడు, ఉప ముఖ్యమంత్రి పవన్ కళ్యాణ్, మంత్రి నారా లోకేష్లు పూర్తి సమన్వయంతో, ప్రభుత్వ పాలనను అత్యున్నత ప్రమాణాలతో నడిపిస్తున్నారని కాలర్లు కొనియాడారు. ప్రజలకు నేటి అసెంబ్లీ ఒక పవిత్ర దేవాలయంలా, మేధావులకు విశ్వవిద్యాలయంలా, యువతకు భవిష్యత్ గ్రంథాలయంలా సేవలందిస్తోందని అభివర్ణించారు. ప్రతి కుటుంబానికి సంక్షేమంతో పాటు భవిష్యత్తు తరాలకు అవసరమైన రాజధాని, కంపెనీలు, ఉద్యోగావకాశాలను కల్పించే బాధ్యతను ప్రభుత్వం భుజానకెత్తుకుందని పేర్కొన్నారు.
తెలంగాణలో అలాంటి లీడర్ లేరని ఆవేదన – ఉమ్మడి రాష్ట్రం నాటి జ్ఞాపకాలు
తెలంగాణలో ప్రస్తుతం చంద్రబాబు వంటి దీర్ఘదృష్టి ఉన్న నాయకుడు లేకపోవడంపై బాధ వ్యక్తం చేస్తూ, ఉమ్మడి ఆంధ్రప్రదేశ్ విభజన కాకుండా ఉండి ఉంటే తెలుగు రాష్ట్రం యావత్ దేశానికే ఆదర్శంగా నిలిచేదని భావోద్వేగానికి లోనయ్యారు. రాజధాని లేకపోతే రాష్ట్ర యువత ఎక్కడికి వెళ్లాలి? ఎక్కడ ఉద్యోగాలు చేయాలి? వలసలు పోవాల్సిందేనా? అని ప్రశ్నించిన కాలర్.. అమరావతి నిర్మాణమే ఏపీ యువత భవిష్యత్తుకు భరోసా అని, స్వార్థ ప్రయోజనాలు పక్కనపెట్టి రాజధాని నిర్మాణానికి ప్రతి ఒక్కరూ సహకరించాలని పిలుపునిచ్చారు.
Be the first to react
