పుచ్చు వంకాయ గాళ్లను ఏ చెప్పుతో కొట్టాలి! మళ్లీ మొదలెట్టిన పాచిపోయిన రాగం!

• రూ.60,000 కోట్ల పనుల వేళ వర్షపు మట్టికే రాద్ధాంతమా?.. సోషల్ మీడియాలో ట్రోలర్ల ఆటకట్టు!

• గంట వర్షానికే మహానగరాలు జలమయం.. అమరావతిలో క్షణాల్లో మాయమైన వర్షపు నీరు!

• బాబు వస్తే వర్షాలు పడవు అన్నోళ్ల నోళ్లు బంద్.. ఏపీ వ్యాప్తంగా భారీ వర్షాలు, కళకళలాడుతున్న ప్రాజెక్టులు!

Amaravati: ఆంధ్రప్రదేశ్‌లో భారీ వర్షాలు కురుస్తున్న నేపథ్యంలో, రాజధాని అమరావతిని లక్ష్యంగా చేసుకుని కొందరు సాగిస్తున్న దుష్ప్రచారం సోషల్ మీడియాలో తీవ్ర చర్చనీయాంశంగా మారింది. హైకోర్టుకు వెళ్లే రహదారిలో కారులో ప్రయాణిస్తూ, కారుపై లాయర్ లోగోతో ఉన్న ఒక మహిళ.. రోడ్లపై వర్షపు నీరు నిలిచిందని, అంతా మట్టి కుప్పలేనని, ఇది అమరావతి కాదు 'భ్రమరావతి' అంటూ వ్యంగ్యంగా దూషిస్తూ వీడియోను సర్క్యులేట్ చేశారు. అమరావతి మునిగిపోయిందని, జీవరాశి కొట్టుకుపోయిందనే రీతిలో యుగాంతం వచ్చినట్లు చిత్రీకరించిన ఆ వీడియోపై నెటిజన్లు తీవ్రస్థాయిలో ఆగ్రహం వ్యక్తం చేశారు.

గంట వ్యవధిలోనే గ్రౌండ్ రియాలిటీ వీడియోతో సమాధానం

ఆ తప్పుడు ప్రచార వీడియో బయటకు వచ్చిన కేవలం గంట, రెండు గంటల వ్యవధిలోనే మరొక వ్యక్తి క్షేత్రస్థాయికి వెళ్లి అదే హైకోర్టు రోడ్డులో ప్రత్యక్ష వాస్తవాలను వీడియో తీసి చూపించారు. వర్షం ఆగిపోయిన కొద్దిసేపటికే రోడ్డుపై చుక్క నీరు కూడా లేకుండా డ్రైనేజీ వ్యవస్థ ద్వారా నీరంతా వెళ్లిపోవడం స్పష్టంగా కనిపించింది. నాలుగు రోజులుగా కురుస్తున్న ఎడతెరిపిలేని వర్షాల వల్ల ఎక్కడైనా సహజంగా కాసేపు నీరు నిలుస్తుందని, పక్కనే వేగంగా పూర్తవుతున్న ఐకానిక్ టవర్లు, భారీ భవనాలు కనిపించకుండా కేవలం తవ్వకాల మట్టిని చూపిస్తూ బురదజల్లడం ఎంత దుర్మార్గమో నిరూపించారు.

రూ.60 వేల కోట్ల పనులు – అండర్‌గ్రౌండ్ డ్రైనేజీ నెట్‌వర్క్

ప్రస్తుతం అమరావతిలో ఎన్డీయే కూటమి ప్రభుత్వం అధికారంలోకి వచ్చిన తర్వాత దాదాపు రూ.60,000 కోట్ల విలువైన రాజధాని పనులకు టెండర్లు పిలిచి వేగంగా నిర్వహిస్తోంది. విద్యుత్ తీగలు, గ్యాస్ పైప్‌లైన్లు, తాగునీరు, వరదనీటి పారుదల వ్యవస్థలను భూగర్భంలోనే నిర్మించేందుకు భారీ స్థాయిలో రోడ్ల పక్కన కందకాలు తవ్వుతున్నారు. అంతర్జాతీయ స్థాయి మౌలిక సదుపాయాల కోసం పునాదులు, పైపులైన్ల నిర్మాణం జరుగుతున్నప్పుడు తవ్విన మట్టి వర్షానికి రోడ్డుపైకి రావడం సర్వసాధారణం. ఆ సహజ నిర్మాణ ప్రక్రియను చూపిస్తూ అమరావతి కొట్టుకుపోయిందనడం కుట్రపూరిత వైఖరిని స్పష్టం చేస్తోంది.

హైదరాబాద్, ముంబై నగరాలతో అమరావతి పోలిక

హైదరాబాద్, ముంబై, చెన్నై, కోల్‌కతా వంటి పెద్ద మహానగరాల్లో కేవలం గంటపాటు భారీ వర్షం పడితే కాలనీలన్నీ జలదిగ్బంధంలో చిక్కుకుని, మ్యాన్‌హోల్స్ పొంగిపొర్లి, కిలోమీటర్ల మేర ట్రాఫిక్ స్తంభించిపోతుందన్నది జగమెరిగిన సత్యం. గతంలో గ్రేటర్ హైదరాబాద్ పరిధిలో నెలల తరబడి నీరు నిలిచిపోయిన సందర్భాలున్నాయి. అలాంటి మహానగరాలతో పోలిస్తే, ఇంకా నిర్మాణ దశలోనే ఉన్న అమరావతిలో భారీ వర్షం పడినా అంత వేగంగా నీరు దిగిపోవడం అక్కడి సహజ డ్రైనేజీ ప్లానింగ్ సామర్థ్యాన్ని చాటిచెబుతోంది.

'ఎల్లో నీనో' ట్రోలర్లకు వర్షాలతో గట్టి చెంపపెట్టు

గత కొద్దిరోజులుగా కూటమి ప్రభుత్వం, చంద్రబాబు నాయుడు అధికారంలోకి వస్తే కరవు వస్తుందని, ఎల్నీనో కాస్త 'ఎల్లో నీనో' అయిపోయిందని ప్రతిపక్ష వర్గాలు చేసిన ఎగతాళి వ్యాఖ్యలకు తాజా వర్షాలు బలమైన సమాధానం చెప్పాయి. చంద్రబాబు వస్తే చుక్క నీరు ఉండదని హేళన చేసిన కొద్దిరోజుల్లోనే రాష్ట్రవ్యాప్తంగా విస్తారంగా వానలు కురిశాయి. ఒక వ్యక్తి పాదమహిమ వల్లే వర్షాలు పడటం లేదా కరవు రావడం జరుగుతుందని విమర్శించే మూఢనమ్మకాల రాజకీయాలను ప్రకృతి పరిణామాలు తుత్తునియలు చేశాయి.

వర్షపాత లోటు మాయం – కళకళలాడుతున్న జలాశయాలు

రాష్ట్రంలో గత వారం పది రోజుల క్రితం వరకు 50 నుంచి 60 శాతంగా ఉన్న తీవ్ర వర్షపాత లోటు, తాజా అల్పపీడనం, తుఫాన్ ప్రభావంతో కేవలం 30 శాతానికి పడిపోయింది. కోస్తాంధ్రతో పాటు రాయలసీమ ప్రాంతాల్లోనూ విస్తారంగా వర్షాలు కురవడంతో ఎండిపోయిన వాగులు, వంకలు నిండుగా ప్రవహిస్తున్నాయి. పోలవరం ప్రాజెక్టు నుంచి సుమారు 2.5 లక్షల క్యూసెక్కుల వరద నీరు దిగువకు విడుదలవుతుండగా, ప్రకాశం బ్యారేజీ వద్ద సీజన్‌లో తొలిసారి గేట్లు ఎత్తి 13,000 క్యూసెక్కుల నీటిని విడుదల చేశారు.

రైతుల్లో చిగురించిన ఆశలు – తొలగిన తాగు, సాగునీటి గండం

విశాఖపట్నంలో ఏకంగా 277.9 మిమీ రికార్డు వర్షపాతం నమోదు కాగా, రాష్ట్రవ్యాప్తంగా అనేక ప్రాంతాల్లో 18 సెం.మీ పైచిలుకు వర్షం కురిసింది. గాలుల తాకిడికి 1,460 గ్రామాల్లో తాత్కాలికంగా విద్యుత్ అంతరాయం ఏర్పడినా, ప్రభుత్వం యుద్ధప్రాతిపదికన సహాయక చర్యలు చేపట్టింది. ప్రాజెక్టులు నిండటంతో రానున్న రోజుల్లో తాగునీరు, సాగునీటి ఎద్దడి ఉండదనే ధీమా ప్రజల్లో వ్యక్తమవుతోంది. నిన్నటివరకు విమర్శలు గుప్పించిన వారు ఇప్పుడు ఈ సమృద్ధి జలకళను ప్రభుత్వానికి ఆపాదిస్తారా అని విశ్లేషకులు ప్రశ్నిస్తున్నారు.

నిజాల ముందు నిలవని తప్పుడు ప్రచారాలు

రాజధాని అమరావతి అభివృద్ధిని సహించలేక కొందరు పనిగట్టుకుని ఇలాంటి ఫేక్ నెరేటివ్‌లను సృష్టిస్తున్నారని, కానీ డిజిటల్ యుగంలో వాస్తవాలు కొన్ని నిమిషాల్లోనే ప్రజల ముందుకు వస్తున్నాయని స్పష్టమైంది. ప్రజల రాజధానిగా శరవేగంగా రూపుదిద్దుకుంటున్న అమరావతిని కేవలం రాజకీయ ప్రయోజనాల కోసం బద్నాం చేయడం మానుకోవాలని, అభివృద్ధిని సానుకూల దృక్పథంతో చూడాలని విశ్లేషకులు హితవు పలుకుతున్నారు.