Butchaiah Chowdary: జగన్ మళ్లీ అధికారంలోకి వచ్చే అవకాశం లేదు.. ఎమ్మెల్యే గోరంట్ల బుచ్చయ్యచౌదరి కీలక వ్యాఖ్యలు!

జగన్ మళ్లీ అధికారంలోకి వచ్చే అవకాశం లేదు..

సంక్షేమం దిశగా కూటమి ప్రభుత్వం ముందుకెళ్తోంది..

తూర్పుగోదావరి జిల్లాలో నిర్వహించిన కార్యక్రమంలో ఎమ్మెల్యే గోరంట్ల బుచ్చయ్య చౌదరి కీలక రాజకీయ వ్యాఖ్యలు చేశారు. మాజీ ముఖ్యమంత్రి వైఎస్ జగన్ మోహన్ రెడ్డి మళ్లీ అధికారంలోకి వచ్చే అవకాశం లేదని స్పష్టం చేశారు. ప్రస్తుతం కూటమి ప్రభుత్వం సంక్షేమం దిశగా ముందుకు సాగుతోందని పేర్కొన్నారు.

రాష్ట్ర ప్రజల అవసరాలను దృష్టిలో ఉంచుకుని ప్రభుత్వం ఇప్పటికే సీఎం సహాయ నిధి ద్వారా సుమారు రూ.1,300 కోట్లు ఖర్చు పెట్టిందని ఆయన వెల్లడించారు. త్వరలోనే కొత్త పెన్షన్లు విడుదల చేయబోతున్నామని, అర్హులైన ప్రతి ఒక్కరికీ లబ్ధి చేకూరేలా చర్యలు తీసుకుంటున్నామని తెలిపారు.

మహిళా సాధికారతపై మాట్లాడుతూ, మహిళలకు 33 శాతం రిజర్వేషన్ తప్పనిసరిగా రావాలని ఆయన అభిప్రాయపడ్డారు. రాజకీయ ప్రయోజనాల కోసమే మహిళా బిల్లును ఆపారని విమర్శించారు. మహిళల అభివృద్ధి కోసం స్పష్టమైన విధానాలు అవసరమని చెప్పారు.

ఇక ఉప ముఖ్యమంత్రి పవన్ కళ్యాణ్ ఆరోగ్య పరిస్థితిపై స్పందిస్తూ, ఆయన త్వరగా కోలుకోవాలని ఆకాంక్షించారు. ప్రజల కోసం పనిచేసే నాయకులు ఆరోగ్యంగా ఉండాలని ఆయన అన్నారు.