Chandrababu: జూబ్లీహిల్స్‌లో ముఖ్యమంత్రుల భేటీ.. పవన్ ఆరోగ్యంతో పాటు రాష్ట్ర పరిస్థితులపై చంద్రబాబు చర్చ.!

• హైదరాబాద్‌లోని పవన్ నివాసానికి వెళ్లి ఆరోగ్య పరిస్థితిపై ఆరా తీసిన చంద్రబాబు..
   
• Politics: తన నివాసానికి వచ్చిన చంద్రబాబుకు కృతజ్ఞతలు తెలిపిన పవన్..

Chandrababu: ఆంధ్రప్రదేశ్ ముఖ్యమంత్రి నారా చంద్రబాబు నాయుడు శనివారం సాయంత్రం హైదరాబాద్‌లో పర్యటించి, ఉప ముఖ్యమంత్రి పవన్ కల్యాణ్‌ను పరామర్శించారు. ఇటీవల ముక్కుకు శస్త్రచికిత్స చేయించుకుని జూబ్లీహిల్స్‌లోని తన నివాసంలో విశ్రాంతి తీసుకుంటున్న పవన్‌ను కలిసేందుకు సీఎం స్వయంగా విచ్చేశారు. ముఖ్యమంత్రికి పవన్ కల్యాణ్ దంపతులు సాదర స్వాగతం పలకగా, ఈ సందర్భంగా చంద్రబాబు ఆయన ఆరోగ్య పరిస్థితిని సుదీర్ఘంగా అడిగి తెలుసుకున్నారు. ఆపరేషన్ అనంతర పరిణామాలు, కోలుకుంటున్న తీరుపై ఆరా తీసిన సీఎం, ఆరోగ్యం పూర్తిగా కుదుటపడే వరకు వైద్యుల సూచనల మేరకు తగిన విశ్రాంతి తీసుకోవాలని, హడావిడిగా పనుల్లో నిమగ్నం కావొద్దని పవన్‌కు ఆత్మీయంగా సూచించారు.

ఈ పరామర్శ అనంతరం ఇరువురు నేతలు కొద్దిసేపు ఏకాంతంగా సమావేశమై రాష్ట్రంలోని తాజా రాజకీయ పరిణామాలు మరియు పాలనాపరమైన అంశాలపై క్లుప్తంగా చర్చించినట్లు సమాచారం. తన ఆరోగ్యం పట్ల ప్రత్యేక శ్రద్ధ చూపి, తీరిక లేని షెడ్యూల్‌లోనూ తన నివాసానికి వచ్చి పరామర్శించినందుకు ముఖ్యమంత్రి చంద్రబాబుకు పవన్ కల్యాణ్ హృదయపూర్వక కృతజ్ఞతలు తెలియజేశారు. కూటమి ప్రభుత్వంలో కీలక భాగస్వాములుగా ఉన్న వీరిద్దరి భేటీ రాజకీయ వర్గాల్లో ప్రాధాన్యత సంతరించుకుంది. పవన్ కల్యాణ్ త్వరగా కోలుకుని తిరిగి ప్రజాక్షేత్రంలోకి రావాలని అభిమానులు, కూటమి శ్రేణులు ఆకాంక్షిస్తున్నారు.