Australia: ఆస్ట్రేలియాలో అమరావతి కోసం ఐక్యంగా తెలుగు తమ్ముళ్ళు..

ఎన్ఆర్ఐ టీడీపీ ఆధ్వర్యంలో బ్రిస్బేన్‌లో అమరావతి సంబరాలు..

విదేశాల్లోనూ అమరావతి కోసం ఐక్యంగా తెలుగు కుటుంబాలు.. 

ఆస్ట్రేలియా బ్రిస్బేన్ లో నివసిస్తున్న తెలుగు ప్రజలు అమరావతిని ఆంధ్రప్రదేశ్ రాజధానిగా గుర్తిస్తూ ఆనందోత్సాహాలతో వేడుకలు జరుపుకున్నారు. ఎన్‌ఆర్‌ఐ టీడీపీ బ్రిస్బేన్  విభాగం ఆధ్వర్యంలో నిర్వహించిన ఈ కార్యక్రమం భారీగా జరిగింది.

ఈ వేడుకలకు బ్రిస్బేన్లో ఉన్న తెలుగు కుటుంబాలు, టీడీపీ కార్యకర్తలు పెద్ద సంఖ్యలో హాజరై తమ ఐక్యతను చాటుకున్నారు. ఈ కార్యక్రమాన్ని గూడూరు రామ కృష్ణ సమన్వయం చేశారు.  కార్యక్రమంలో వైట్ల హరి, బోదెపుడి నగేష్, ఈదర అనురాధ, డా. బోదెపుడి నాయుడు, రాచా నరేష్, గుత్తా రంగరావు, గిరిధర్, గౌతమ్, ఎర్రమంచు శివ, కృష్ణ, అన్నే శశి, అన్నే శాంతి తదితరులు పాల్గొన్నారు. అలాగే జనసేన అభిమానులు దీపక్, హేమ నాయుడు, గనిశెట్టి కులదీప్ పాల్గొన్నారు.

అమరావతి నిర్మాణం రాష్ట్ర అభివృద్ధికి కీలకమని, భవిష్యత్తులో ఆంధ్రప్రదేశ్‌ను అభివృద్ధి దిశగా నడిపించే ప్రధాన కేంద్రంగా నిలుస్తుందని పాల్గొన్నవారు అభిప్రాయపడ్డారు. రాష్ట్ర అభివృద్ధి కోసం ప్రతి ఒక్కరు కలిసి పనిచేయాల్సిన అవసరం ఉందని కూడా వారు పేర్కొన్నారు.

విదేశాల్లో ఉన్నా తమ మాతృభూమి పట్ల ఉన్న బాధ్యతను మరవకూడదని నిర్వాహకులు తెలిపారు. అమరావతి నిర్మాణానికి మద్దతు తెలపాలనే ఉద్దేశంతో ఈ కార్యక్రమాన్ని నిర్వహించినట్లు వెల్లడించారు.

వేడుకలలో భాగంగా జెండా ఆవిష్కరణ, కేక్ కట్టింగ్, దేశభక్తి నినాదాలు, సాంస్కృతిక కార్యక్రమాలు నిర్వహించారు. మొత్తం కార్యక్రమం ఉత్సాహభరిత వాతావరణంలో సాగి, పాల్గొన్న వారిలో ఆనందాన్ని నింపింది.

ఈ భారీ సమాహారం బ్రిస్బేన్ లోని తెలుగు సమాజ ఐక్యతను ప్రతిబింబించింది. అమరావతి రాజధాని కోసం తమ మద్దతు ఎల్లప్పుడూ కొనసాగుతుందని పాల్గొన్నవారు స్పష్టం చేశారు.

కార్యక్రమం చివరలో నిర్వాహకులు పాల్గొన్న ప్రతి ఒక్కరికీ కృతజ్ఞతలు తెలుపుతూ, ఈ వేడుకలు అందరిలో గర్వభావాన్ని, ఐక్యతను మరింత బలపరిచాయని పేర్కొన్నారు.