Redmi నుంచి మరో రెండు బడ్జెట్ ధరలో ఫోన్లు! 6,000mAh బ్యాటరీ తో అదిరిపోయే ఫీచర్లు!

Redmi R80 5G Series Coming Soon: ప్రముఖ స్మార్ట్‌ఫోన్ తయారీ సంస్థ షావోమీకి చెందిన రెడ్‌మీ బ్రాండ్ నుంచి మరో రెండు కొత్త 5G స్మార్ట్‌ఫోన్లు మార్కెట్లోకి రానున్నాయి. Redmi R80 5G, Redmi R80m 5G పేర్లతో ఈ ఫోన్లను విడుదల చేసేందుకు కంపెనీ సన్నాహాలు చేస్తోంది. ఇప్పటికే చైనాకు చెందిన Xiaomi Mall అధికారిక వెబ్‌సైట్‌లో ఈ రెండు ఫోన్లు లిస్ట్ అయ్యాయి. ఈ వివరాలతో పాటు వీటి ధరలు, RAM, స్టోరేజ్ వేరియంట్లు, కలర్ ఆప్షన్లు కూడా వెల్లడయ్యాయి. ముఖ్యంగా 6,000mAh భారీ బ్యాటరీ, 120Hz రిఫ్రెష్ రేట్ డిస్‌ప్లే, MediaTek Dimensity 6300 ప్రాసెసర్ వంటి ఫీచర్లు ఈ ఫోన్లలో ఉండనున్నాయి.

Redmi R80 5G Series Coming Soon
Redmi R80 5G Series Coming Soon

Redmi R80 5G, R80m 5G ఫోన్లు వచ్చేస్తున్నాయ్.. 6,000mAh బ్యాటరీ, 120Hz డిస్‌ప్లేతో అదరగొట్టే ఫీచర్లు..

120Hz డిస్‌ప్లే, భారీ బ్యాటరీతో Redmi R80 5G సిరీస్.. ధరలు ఎంతంటే?..

ప్రముఖ స్మార్ట్‌ఫోన్ తయారీ సంస్థ షావోమీకి చెందిన రెడ్‌మీ బ్రాండ్ నుంచి మరో రెండు కొత్త 5G స్మార్ట్‌ఫోన్లు మార్కెట్లోకి రానున్నాయి. Redmi R80 5G, Redmi R80m 5G పేర్లతో ఈ ఫోన్లను విడుదల చేసేందుకు కంపెనీ సన్నాహాలు చేస్తోంది. ఇప్పటికే చైనాకు చెందిన Xiaomi Mall అధికారిక వెబ్‌సైట్‌లో ఈ రెండు ఫోన్లు లిస్ట్ అయ్యాయి. ఈ వివరాలతో పాటు వీటి ధరలు, RAM, స్టోరేజ్ వేరియంట్లు, కలర్ ఆప్షన్లు కూడా వెల్లడయ్యాయి. ముఖ్యంగా 6,000mAh భారీ బ్యాటరీ, 120Hz రిఫ్రెష్ రేట్ డిస్‌ప్లే, MediaTek Dimensity 6300 ప్రాసెసర్ వంటి ఫీచర్లు ఈ ఫోన్లలో ఉండనున్నాయి.

Redmi R80 5G, R80m 5G ధరలు ఎంతంటే?

Xiaomi Mallలో వెల్లడైన వివరాల ప్రకారం Redmi R80 5G మూడు వేరియంట్లలో అందుబాటులోకి రానుంది. ఇందులో 4GB RAM + 128GB స్టోరేజ్ మోడల్ ధర సుమారు రూ.24,000గా ఉంది. 6GB RAM + 128GB స్టోరేజ్ వేరియంట్ ధర దాదాపు రూ.28,000 కాగా, 6GB RAM + 256GB స్టోరేజ్ మోడల్ ధర సుమారు రూ.34,000గా నిర్ణయించినట్లు లిస్టింగ్ సూచిస్తోంది.

మరోవైపు Redmi R80m 5G రెండు స్టోరేజ్ వేరియంట్లలో రానుంది. 6GB RAM + 128GB స్టోరేజ్ మోడల్ ధర సుమారు రూ.28,000గా ఉండగా, 6GB RAM + 256GB స్టోరేజ్ వేరియంట్ ధర దాదాపు రూ.36,130గా ఉంది. ఇవి చైనా మార్కెట్ లిస్టింగ్ ఆధారంగా భారత కరెన్సీలో అంచనా వేసిన ధరలు మాత్రమే. భారత మార్కెట్లో విడుదలైతే ధరల్లో మార్పులు ఉండే అవకాశం ఉంది.

నాలుగు కలర్ ఆప్షన్లలో ఫోన్లు

కలర్ ఆప్షన్ల విషయానికి వస్తే ఈ స్మార్ట్‌ఫోన్లు Phoenix Feather White, Black, Leather Brown, Flowing Clouds Blue రంగుల్లో అందుబాటులోకి రానున్నాయి. వినియోగదారుల అభిరుచులకు అనుగుణంగా విభిన్న రంగులను కంపెనీ అందించనున్నట్లు లిస్టింగ్ ద్వారా తెలుస్తోంది.

6.9 అంగుళాల డిస్‌ప్లే.. 120Hz రిఫ్రెష్ రేట్

ఈ రెండు స్మార్ట్‌ఫోన్లలోనూ 6.9 అంగుళాల LCD HD+ డిస్‌ప్లేను అందించనున్నారు. ఇది 1600 x 720 పిక్సెల్స్ రిజల్యూషన్‌తో పనిచేస్తుంది. అలాగే 120Hz వరకు రిఫ్రెష్ రేట్, 240Hz టచ్ శాంప్లింగ్ రేట్‌కు సపోర్ట్ ఉంటుంది. దీంతో ఫోన్‌లో స్క్రోలింగ్ చేయడం, యాప్స్ ఉపయోగించడం, సాధారణ గేమింగ్ వంటి పనులు మరింత సౌకర్యవంతంగా ఉండనున్నాయి.

MediaTek Dimensity 6300 ప్రాసెసర్

పనితీరు విషయానికి వస్తే Redmi R80 5G, R80m 5G రెండు ఫోన్లలోనూ MediaTek Dimensity 6300 చిప్‌సెట్‌ను ఉపయోగించనున్నారు. ఇది 5G నెట్‌వర్క్ కనెక్టివిటీకి మద్దతు ఇస్తుంది. వీటిలో LPDDR4X RAM, UFS 2.2 స్టోరేజ్ టెక్నాలజీని అందించనున్నారు. సాఫ్ట్‌వేర్ పరంగా Xiaomi HyperOS 3 ఆపరేటింగ్ సిస్టమ్‌తో ఈ ఫోన్లు పనిచేయనున్నాయి. రోజువారీ వినియోగం, మల్టీటాస్కింగ్ వంటి అవసరాలను దృష్టిలో పెట్టుకుని వీటిని రూపొందించినట్లు తెలుస్తోంది.

13MP కెమెరా.. 5MP సెల్ఫీ కెమెరా

కెమెరా విభాగంలో ఈ రెండు ఫోన్లలోనూ 13 మెగాపిక్సెల్ ప్రైమరీ రియర్ కెమెరాను అందించనున్నారు. సెల్ఫీలు తీసుకోవడానికి, వీడియో కాల్స్ మాట్లాడుకోవడానికి ముందు భాగంలో 5 మెగాపిక్సెల్ కెమెరా ఉంటుంది. కెమెరా స్పెసిఫికేషన్లను పరిశీలిస్తే ఇవి ప్రాథమిక ఫోటోగ్రఫీ, వీడియో కాలింగ్ అవసరాలను దృష్టిలో పెట్టుకుని రూపొందించిన ఫోన్లుగా కనిపిస్తున్నాయి.

6,000mAh బ్యాటరీ.. 33W ఫాస్ట్ ఛార్జింగ్

బ్యాటరీ విషయంలో ఈ రెండు ఫోన్లలోనూ 6,000mAh సామర్థ్యంతో కూడిన భారీ బ్యాటరీని అందించనున్నారు. దీనికి 33W వైర్డ్ ఫాస్ట్ ఛార్జింగ్ సపోర్ట్ కూడా ఉంటుంది. దీంతో తరచూ ఛార్జింగ్ పెట్టుకోవాల్సిన అవసరాన్ని తగ్గించుకునే అవకాశం ఉంటుంది. అయితే బ్యాటరీ బ్యాకప్ ఎంతసేపు వస్తుందనేది వినియోగ విధానం, ఇతర సాంకేతిక అంశాలపై ఆధారపడి ఉంటుంది.

ప్రస్తుతం Redmi R80 5G, Redmi R80m 5G స్మార్ట్‌ఫోన్లు చైనాకు చెందిన Xiaomi Mall వెబ్‌సైట్‌లో మాత్రమే లిస్ట్ అయ్యాయి. వీటి అధికారిక లాంచ్ తేదీ, విక్రయాలు ప్రారంభమయ్యే సమయం గురించి షావోమీ ఇంకా ఎలాంటి ప్రకటన చేయలేదు. అలాగే భారత్‌లో ఈ ఫోన్లను విడుదల చేస్తారా? చేస్తే ఎలాంటి ధరలకు అందుబాటులోకి తీసుకొస్తారనే దానిపై స్పష్టత రావాల్సి ఉంది. కంపెనీ అధికారిక ప్రకటన వెలువడిన తర్వాతే పూర్తి వివరాలు తెలిసే అవకాశం ఉంది.

Tags

Be the first to react

Latest