ఆకులు, కాయలు కాదు రా.. చికెన్ లాగించండి! భూమి ని కాపాడండి! షాక్ లకు షాక్!

• వెజ్, నాన్‌వెజ్ ఫుడ్‌పై జరిగే చర్చకు ఈ బోర్డు హాస్యభరితమైన ట్విస్ట్ ఇచ్చింది.
• సాధారణంగా నాన్‌వెజ్ తినేవారికి శాకాహారులు ఇచ్చే సలహాలకు ఇది రివర్స్ కౌంటర్‌గా కనిపిస్తోంది.

Vegetarian vs Non Vegetarian: సోషల్ మీడియాలో రోజుకో వింత విషయం వైరల్ అవుతుంటుంది. ముఖ్యంగా ఫుడ్‌కు సంబంధించిన సరదా వీడియోలు, ఫన్నీ పోస్టులు నెటిజన్లను తెగ ఆకట్టుకుంటుంటాయి. తాజాగా వెజ్, నాన్‌వెజ్ ఫుడ్‌పై సరదాగా సాగుతున్న చర్చకు ఓ రెస్టారెంట్ యజమాని తనదైన స్టైల్‌లో ఇచ్చిన కౌంటర్ నెట్టింట నవ్వులు పూయిస్తోంది.

సాధారణంగా మాంసాహారం తినేవారికి శాకాహారులు ఆరోగ్యం, పర్యావరణం వంటి అంశాలను ప్రస్తావిస్తూ సలహాలు ఇవ్వడం చూస్తుంటాం. అయితే ఓ నాన్‌వెజ్ రెస్టారెంట్ యజమాని మాత్రం దీనికి పూర్తి భిన్నంగా ఆలోచించాడు. తన రెస్టారెంట్ ముందు ఓ ఫన్నీ బోర్డును ఏర్పాటు చేసి.. శాకాహారులకే చమత్కారమైన సందేశాన్ని ఇచ్చాడు.

ఆ బోర్డుపై “ఆకులు, కాయలు కాదు.. చికెన్ తినండి.. భూమిని కాపాడండి” అంటూ రాసి ఉన్నట్లు తెలుస్తోంది. ఈ వాక్యం వెనుక ఉన్న సరదా లాజిక్ నెటిజన్లను ఆకట్టుకుంటోంది. సాధారణంగా మొక్కలు, చెట్లను కాపాడాలని చెప్పే వాదనకు ఇది పూర్తిగా రివర్స్‌లో ఉండటంతో బోర్డు సోషల్ మీడియాలో వైరల్‌గా మారింది.

శాకాహారం, మాంసాహారం విషయంలో సోషల్ మీడియాలో తరచూ భిన్నాభిప్రాయాలు వ్యక్తమవుతుంటాయి. అయితే ఈ బోర్డు మాత్రం ఎలాంటి సీరియస్ వాదనకు వెళ్లకుండా.. కేవలం హాస్యభరితంగా స్పందించినట్టుగా కనిపిస్తోంది.

ప్రస్తుతం ఈ రెస్టారెంట్ బోర్డుకు సంబంధించిన వీడియో, ఫొటోలు సోషల్ మీడియాలో చక్కర్లు కొడుతున్నాయి. బోర్డుపై ఉన్న చమత్కారమైన సందేశాన్ని చూసిన నెటిజన్లు తమదైన శైలిలో కామెంట్లు చేస్తూ షేర్ చేస్తున్నారు. దీంతో ఈ ఫన్నీ రెస్టారెంట్ బోర్డు నెట్టింట వైరల్ టాపిక్‌గా మారింది.