తెలంగాణలో సంక్రాంతి పండగ సందడి మొదలయ్యే వేళ రాష్ట్ర ప్రభుత్వం విద్యార్థులకు శుభవార్త చెప్పింది. పాఠశాలలు, కళాశాలలకు సెలవులను ఖరారు చేసింది ఇంకొద్ది రోజుల్లో తెలుగు ఇళ్లలో పండగ వాతావరణం నిండబోతోంది. ఇంటి ముందు రంగురంగుల ముగ్గులు, పండగ వంటల వాసనలు, గ్రామాల్లో కోడిపందేలు, గంగిరెద్దుల ఆటలు ఇలా అన్ని చోట్లా సంక్రాంతి కోలాహలం కనిపించనుంది. ఉద్యోగాలు, చదువుల కోసం పట్టణాల్లో ఉన్నవారు సైతం తమ స్వస్థలాలకు వెళ్లేందుకు సిద్ధమవుతున్నారు.
ఈ నేపథ్యంలో విద్యార్థులు ఎలాంటి ఆందోళన లేకుండా పండగను ఆస్వాదించేందుకు ప్రభుత్వం సెలవుల షెడ్యూల్ను ప్రకటించింది. పాఠశాల విద్యాశాఖ ఉత్తర్వుల మేరకు ఈ నెల 10వ తేదీ నుంచి 16వ తేదీ వరకు రాష్ట్రంలోని అన్ని ప్రభుత్వ, ప్రైవేటు పాఠశాలలు, కళాశాలలు, ఇతర విద్యాసంస్థలకు సెలవులు వర్తించనున్నాయి. శనివారం రోజున స్కూళ్లు సెలవులు మళ్లీ తెరుచుకునేది వచ్చే శనివారం కావడం విశేషం. దీంతో విద్యార్థులకు వరుసగా వారం రోజుల పాటు పూర్తిస్థాయి విరామం లభించనుంది.
సంక్రాంతి అంటే తెలుగువారికి కేవలం పండగ మాత్రమే కాదు, కుటుంబ బంధాలను మరింత బలపరిచే సందర్భం కూడా. ఈ పండగ రోజుల్లో తాతమ్మ, అవ్వ, నానమ్మ, తాతయ్యలతో కలిసి గడపడం, పాత జ్ఞాపకాలను గుర్తు చేసుకోవడం ఒక ప్రత్యేక అనుభూతి. భోగి పండగతో మొదలయ్యే వేడుకలు, మరుసటి రోజు సంక్రాంతి, ఆ తర్వాత కనుమ వరకు కొనసాగుతాయి. ఈ మూడు రోజులు గ్రామాల్లో ప్రత్యేక సందడి కనిపిస్తుంది. పశువులకు పూజలు చేయడం, కొత్త బట్టలు ధరించడం, పెద్దల ఆశీస్సులు తీసుకోవడం వంటి సంప్రదాయాలు ఇప్పటికీ కొనసాగుతూనే ఉన్నాయి.
పాఠశాలలు తిరిగి 17వ తేదీ నుంచి సాధారణ తరగతులు ప్రారంభించనున్నాయి. ఈలోగా విద్యార్థులు పండగను సంతోషంగా జరుపుకుని, మళ్లీ కొత్త ఉత్సాహంతో చదువులపై దృష్టి పెట్టాలని విద్యాశాఖ సూచించింది. రాష్ట్రంలోని అన్ని విద్యాసంస్థలు ఈ ఉత్తర్వులను తప్పనిసరిగా అమలు చేయాలని అధికారులు స్పష్టం చేశారు.
