Railways: ప్రయాణికులకు కేంద్రం గుడ్ న్యూస్! హైదరాబాద్ నుంచి 8 కొత్త వీక్లీ ట్రైన్స్!
Railways: హైదరాబాద్ నగర రైలు కనెక్టివిటీకి పెద్ద ఊతం లభించింది. కేంద్ర ప్రభుత్వం నగరంలోని పలు స్టేషన్ల నుంచి ఎనిమిది కొత్త వారాంత (వీక్లీ) రైలు సర్వీసులను ప్రకటించింది.
కాచిగూడ, చెర్లపల్లి, నాంపల్లి స్టేషన్ల నుండి కొత్త రైళ్లు..
తిరుపతి, తిరుచానూరు దేవాలయాలకు వెళ్లే భక్తులకు ఊరట..
హైదరాబాద్ నగర రైలు కనెక్టివిటీకి పెద్ద ఊతం లభించింది. కేంద్ర ప్రభుత్వం నగరంలోని పలు స్టేషన్ల నుంచి ఎనిమిది కొత్త వారాంత (వీక్లీ) రైలు సర్వీసులను ప్రకటించింది. ఈ నిర్ణయం కేంద్ర మంత్రి జి. కిషన్ రెడ్డి చొరవతో తీసుకోబడినట్లు తెలుస్తోంది. రైల్వే మంత్రి అశ్విని వైష్ణవ్తో చర్చించి, చాలా కాలంగా ఉన్న డిమాండ్లను ఆయన ముందుకు తీసుకువచ్చారు.
ఈ కొత్త రైళ్లు కాచిగూడ, చెర్లపల్లి, నాంపల్లి స్టేషన్ల నుంచి నడవనున్నాయి. వీటి ద్వారా ఆంధ్రప్రదేశ్, రాజస్థాన్, ఒడిశా రాష్ట్రాల్లోని ముఖ్య నగరాలకు సౌకర్యవంతమైన ప్రయాణం కలగనుంది.
ముఖ్యంగా తిరుపతి, తిరుచానూరు దేవాలయాలకు వెళ్లే భక్తులకు ఇది పెద్ద ఉపశమనం. మొత్తం ఎనిమిది రైళ్లలో ఐదు రైళ్లు ప్రత్యేకంగా ఈ పవిత్ర క్షేత్రాలకు కేటాయించబడ్డాయి. అదేవిధంగా శ్రీ గంగానగర్, జైపూర్, భువనేశ్వర్ వంటి దూర ప్రాంతాలకు కూడా కొత్త రైలు మార్గాలు ఏర్పాటు చేయడం విశేషం.
ఈ సర్వీసులు వచ్చే నెల నుంచే ప్రారంభం కానున్నాయి. మే 5న చెర్లపల్లి-భువనేశ్వర్ వీక్లీ ప్రత్యేక రైలు ప్రారంభమవుతుంది. అనంతరం అదే నెలలో చెర్లపల్లి, కాచిగూడ నుంచి తిరుపతి, తిరుచానూరు వైపు పలు సర్వీసులు నడవనున్నాయి. జూలై 14 నుంచి శ్రీ గంగానగర్కు వారానికి ఒకసారి రైలు ప్రారంభమవుతుంది. ఇక నాంపల్లి-జైపూర్ ప్రత్యేక రైలు ప్రారంభ తేదీని దక్షిణ మధ్య రైల్వే త్వరలో ప్రకటించనుంది.
ఈ కొత్త రైళ్లు ప్రారంభమవడంతో వేలాది మంది ప్రయాణికులకు సౌకర్యవంతమైన, అందుబాటులో ఉన్న ప్రయాణ అవకాశాలు లభిస్తాయని అధికారులు భావిస్తున్నారు. ఈ నిర్ణయానికి సహకరించిన ప్రధాన మంత్రి నరేంద్ర మోదీ, రైల్వే మంత్రి అశ్విని వైష్ణవ్లకు కేంద్ర మంత్రి కిషన్ రెడ్డి కృతజ్ఞతలు తెలిపారు.
Be the first to react
