దసరా బరిలో ఎవరికి ఎక్కువ లాభం! బాక్సాఫీస్ వద్ద పోటాపోటీ వార్!

• సంక్రాంతి తర్వాత బిగ్గెస్ట్ సీజన్.. దసరా సెలవులపై ఇండస్ట్రీ భారీ ఆశలు!

• కరెక్ట్ హిట్ పడితే కలెక్షన్ల జాతర.. విజయదశమి బరిలో నిలిచేదెవరు?

• రజనీకాంత్ ‘జైలర్ 2’ మేనియా.. పంపిణీ హక్కులతో నాగవంశీ దూకుడు!

Entertainment: తెలుగు చిత్రసీమలో దసరా సీజన్‌కు ఉన్న ప్రాధాన్యత అంతా ఇంతా కాదు. సంక్రాంతి పండుగ తర్వాత చిత్ర పరిశ్రమకు, డిస్ట్రిబ్యూటర్లకు, బయ్యర్లకు అత్యంత కీలకమైన సెలవుల సమయం విజయదశమి మాత్రమే. పాఠశాలలు, కళాశాలలకు వరుస సెలవులు ఉండటంతో పాటు కుటుంబ సమేతంగా ప్రేక్షకులు థియేటర్లకు తరలివచ్చే సీజన్ కావడంతో ప్రతీ ఏటా చిత్ర నిర్మాతలు ఈ విండోను టార్గెట్ చేస్తారు. సరైన కంటెంట్‌తో ఒక్క పాజిటివ్ టాక్ వస్తే చాలు, బాక్సాఫీస్ రికార్డులను తిరగరాసే కలెక్షన్ల వర్షం కురవడం ఖాయం.

దసరా బరిలో నిలిచే క్రేజీ చిత్రాలు

ఈ ఏడాది విజయదశమి రేసులో నిలిచేందుకు పలు ఆసక్తికర ప్రాజెక్టులు సిద్ధమవుతున్నాయి. బాక్సాఫీస్ వద్ద ఎక్కువ లాభాన్ని ఏ సినిమా దక్కించుకుంటుందనే చర్చ సినీ వర్గాల్లో జోరుగా సాగుతోంది. ఇప్పటికే పలువురు హీరోలు తమ విడుదల తేదీలను ఖరారు చేసుకుని ప్రేక్షకుల్లో ఆసక్తిని రేకెత్తించే ప్రయత్నాలు చేస్తున్నారు. పండుగకు కాస్త ముందుగానే అక్టోబర్ 9న థియేటర్లలోకి అడుగుపెట్టేందుకు కొన్ని చిత్రాలు సిద్ధమవగా, ఆ వెంటనే మరికొన్ని భారీ చిత్రాలు బరిలోకి దిగుతున్నాయి.

శ్రీవిష్ణు ‘కామ్రేడ్ కళ్యాణ్’ పోటీకి సై

విభిన్నమైన కథలను ఎంచుకుంటూ తనకంటూ ప్రత్యేక గుర్తింపు తెచ్చుకున్న యంగ్ హీరో శ్రీవిష్ణు నటిస్తున్న తాజా చిత్రం 'కామ్రేడ్ కళ్యాణ్'. ఈ సినిమా దసరా రేసులో అక్టోబర్ 9న విడుదలయ్యేందుకు ఇప్పటికే రంగం సిద్ధం చేసుకుంది. వాయిదా పడుతుందన్న పుకార్లకు చెక్ పెడుతూ, అధికారికంగా అదే తేదీతో ప్రమోషన్లను సైతం ముమ్మరం చేశారు. కంటెంట్ ఆధారిత చిత్రాలతో అలరించే శ్రీవిష్ణు, దసరా పండుగ సెలవులను పూర్తిస్థాయిలో క్యాష్ చేసుకోవాలని గట్టి నమ్మకంతో ఉన్నారు.

రజనీకాంత్భా‘కామ్రేడ్ కళ్యాణ్’రీ మేనియా

శ్రీవిష్ణు సినిమా వచ్చిన వారం తిరక్కుండానే సూపర్ స్టార్ రజనీకాంత్ నటించిన భారీ చిత్రం ‘జైలర్ 2’ బాక్సాఫీస్ బరిలోకి దిగనుంది. నెల్సన్ దిలీప్‌కుమార్ దర్శకత్వంలో వచ్చిన తొలి భాగం ఇండస్ట్రీ హిట్ కావడంతో ఈ సీక్వెల్‌‌పై తెలుగు రాష్ట్రాల్లోనూ ఆకాశమే హద్దుగా హైప్ నెలకొంది. దీనికి తోడు ప్రముఖ నిర్మాత నాగవంశీ ఈ చిత్ర తెలుగు పంపిణీ హక్కులను దక్కించుకోవడంతో, తెలుగు నాట థియేటర్ల లభ్యత, భారీ స్క్రీన్ కౌంట్ విషయంలో ఈ చిత్రానికి తిరుగులేని అడ్వాంటేజ్ దక్కనుంది.

స్టార్ పవర్ వర్సెస్ కంటెంట్ సవాల్

విజయదశమి బరిలో ఒకవైపు భారీ స్టార్ కాస్టింగ్‌తో వచ్చే పాన్-ఇండియా తరహా సినిమాలు, మరోవైపు విభిన్న కథాంశాలతో వస్తున్న మీడియం బడ్జెట్ సినిమాలు తలపడుతున్నాయి. సాధారణంగా ఇలాంటి మల్టీ-క్లాష్ సమయాల్లో బలమైన స్టార్ డమ్ ఉన్న చిత్రాలకే ఓపెనింగ్స్ పరంగా స్పష్టమైన ఆధిక్యం ఉంటుంది. అయితే ఎంతటి భారీ తారాగణం ఉన్నా, నేటి ప్రేక్షకులు కంటెంట్ బాగుంటేనే థియేటర్లకు బ్రహ్మరథం పడుతున్న నేపథ్యంలో చిన్న, మీడియం చిత్రాలు కూడా గట్టి పోటీ ఇచ్చే అవకాశాలు మెండుగా ఉన్నాయి.

దసరా విజేత ఎవరో తేలేది అప్పుడే

ప్రస్తుతానికి దసరా బరిలోని చిత్రాలకు సంబంధించి సోషల్ మీడియాలో సాధారణ బజ్ కనిపిస్తున్నప్పటికీ, విడుదలకు సమీపించే కొద్దీ ప్రమోషన్లు ఊపందుకోనున్నాయి. ట్రైలర్లు, పాటలతో అంచనాలు తారుమారయ్యే అవకాశం ఉంది. వేర్వేరు జానర్లలో సినిమాలు ప్రేక్షకుల ముందుకు వస్తుండటంతో, ఎవరికీ వారు తమ ప్రత్యేకతను చాటుకోవాలని చూస్తున్నారు. దసరా బరిలో అసలైన బ్లాక్‌బస్టర్ విజయాన్ని ఎవరు అందుకుంటారు, ఎవరికి ఎక్కువ లాభాలు దక్కుతాయనేది తొలి ఆట టాక్‌తోనే పూర్తిగా తేలనుంది.