దేశంలో పెరుగుతున్న రైలు ప్రయాణికులకు అనుగుణంగా రైళ్ల సామర్థ్యాన్ని పెంచే దిశగా కేంద్రం కీలక నిర్ణయం తీసుకుంది. దేశంలోని 48 ప్రధాన నగరాల నుంచి బయల్దేరే రైళ్ల సామర్ధ్యాన్ని రాబోయే ఐదేళ్లలో రెట్టింపు చేసేందుకు ప్రణాళికలు సిద్ధం చేసింది.
రాబోయే సంవత్సరాల అవసరాలను తీర్చేందుకు ప్రస్తుత మౌలిక సదుపాయాలను మరింత బలోపేతం చేయాల్సి ఉందని రైల్వే మంత్రిత్వ శాఖ అభిప్రాయపడింది. రైల్వే శాఖ ప్రణాళికలో తెలుగు రాష్ట్రాల నుంచి హైదరాబాద్, విశాఖపట్నం, విజయవాడ, తిరుపతి రైల్వేస్టేషన్లు ఉన్నాయి.
2030 నాటికి ఈ సామర్థ్యాన్ని రెట్టింపు చేయడంలో భాగంగా ప్రస్తుత టర్మినల్స్లో అదనపు ప్లాట్ఫారాలు నిర్మించడం, నగరాల చుట్టుపక్కల కొత్త టర్మినల్స్ ఏర్పాటు, నిర్వహణ సౌకర్యాలు మెరుగుపరచడం, సెక్షనల్ కెపాసిటీ పెంచడం వంటివి ఉన్నాయని రైల్వే మంత్రిత్వ శాఖ తెలిపింది. దేశవ్యాప్తంగా 48 ప్రధాన నగరాల స్టేషన్లకు సంబంధించిన సమగ్ర ప్రణాళికను రైల్వే ప్లానింగ్ డైరెక్టరేట్కు సమర్పించనున్నారు. తె
లుగు రాష్ట్రాల నుంచి హైదరాబాద్, విశాఖపట్నం, విజయవాడ, తిరుపతితో పాటు దిల్లీ, ముంబయి, చెన్నై, బెంగళూరు, పట్నా, పుణె, వంటి స్టేషన్లు ఉన్నాయి. ఈ ప్రణాళికలో ఇప్పటికే ఆమోదం పొందిన, ప్రతిపాదిత ప్రణాళికలు ఉంటే వాటిని కూడా ఇందులో చేర్చి నిర్దేశిత గడువులోగా పూర్తి చేయాలని లక్ష్యంగా పెట్టుకున్నట్లు రైల్వే మంత్రిత్వ శాఖ తెలిపింది.
ప్రస్తుత మౌలిక సదుపాయాలు పెరుగుతున్న జనాభాకు సరిపోవని రైల్వే మంత్రిత్వ శాఖ గుర్తించింది. అందుకే రాబోయే ఐదేళ్లలో అత్యంత వేగంగా పనులు పూర్తి చేయాలని లక్ష్యంగా పెట్టుకుంది. ఇప్పటికే ఆమోదం పొందిన ప్రాజెక్టులతో పాటు, కొత్త ప్రతిపాదనలను కూడా ఈ భారీ ప్లాన్లో చేర్చారు. దీనివల్ల ప్రయాణికులకు వెయిటింగ్ లిస్ట్ సమస్య తగ్గి, కన్ఫర్మ్ టికెట్లు దొరికే అవకాశం పెరుగుతుంది.
48 నగరాల పూర్తి జాబితా
అందించిన అధికారిక పట్టిక ప్రకారం ఎంపికైన కొన్ని ముఖ్యమైన నగరాలు ఇవే:
నార్త్ ఇండియా: ఢిల్లీ, లక్నో, వారణాసి, కాన్పూర్, అమృత్సర్.
వెస్ట్ ఇండియా: ముంబై, అహ్మదాబాద్ (అమ్దాబాద్), ఇండోర్, జైపూర్, సూరత్.
ఈస్ట్ ఇండియా: కోల్కతా, పాట్నా, గువహటి, రాంచీ, భువనేశ్వర్.
సౌత్ ఇండియా: చెన్నై, బెంగళూరు, కొచ్చిన్ (కొచ్చి), కోయంబత్తూరు, మైసూర్.
రైల్వే శాఖ తీసుకున్న ఈ నిర్ణయం సామాన్య ప్రయాణికులకు పెద్ద ఊరట. ఐదేళ్లలో ఈ పనులు పూర్తయితే మన ప్రయాణం మరింత వేగవంతం మరియు సుఖమయం కానుంది. ముఖ్యంగా తెలుగు రాష్ట్రాల మధ్య కనెక్టివిటీ పెరిగి వ్యాపార, పర్యాటక రంగాలకు కూడా ఊతం లభిస్తుంది.
