AP HighCourt: ఏపీలో అనధికార లేఅవుట్లకు బిగ్ షాక్... హైకోర్టు కీలక తీర్పు... NRI లకు తస్మత్ జాగ్రత్త!
AP HighCourt: స్థానిక మునిసిపాలిటీలు, పంచాయతీలు లేదా అభివృద్ధి సంస్థల (CRDA వంటివి) నుంచి ఎన్ఓసీ (NOC) లేదా లేఅవుట్ అనుమతి పత్రాలు లేకపోతే ఎట్టి పరిస్థితుల్లోనూ విద్యుత్ కనెక్షన్లు ఇవ్వకూడదని స్పష్టం చేసింది.
అక్రమ లేఅవుట్ల నియంత్రణకు ఏపీ హైకోర్టు బిగ్ మూవ్...
డిస్కంలకు ఏపీ హైకోర్టు కీలక ఆదేశం....
ఎన్ఓసీ లేకపోతే కరెంట్ కనెక్షన్ నో...
AP HighCourt: అనుమతులు లేని అక్రమ లేఅవుట్లలో (Unauthorized Layouts) కట్టడాలకు విద్యుత్ కనెక్షన్ల మంజూరుపై ఆంధ్రప్రదేశ్ హైకోర్టు అత్యంత కీలకమైన తీర్పును వెలువరించింది. సత్ప్రవర్తన, నిబంధనల పాటించని నిర్మాణాలకు సంబంధిత స్థానిక సంస్థల నుంచి ఎన్ఓసీ (NOC - No Objection Certificate) లేకుండా ఎట్టి పరిస్థితుల్లోనూ విద్యుత్ కనెక్షన్లు ఇవ్వకూడదని స్పష్టం చేసింది. ఈ మేరకు స్థానిక మునిసిపల్, పంచాయతీ చట్టాలు మరియు ఏపీఈఆర్సీ (APERC) నిబంధనలను కఠినంగా అమలు చేయాలని ఏపీ విద్యుత్ పంపిణీ సంస్థలను (DISCOMs) ఆదేశించింది.
పిటిషన్పై హైకోర్టు సమగ్ర విచారణ
అక్రమ లేఅవుట్లలో ఎలాంటి ప్రణాళికలు, స్థానిక సంస్థల అనుమతులు లేకుండా కడుతున్న నిర్మాణాలకు విద్యుత్ కనెక్షన్లు ఇవ్వడం వల్ల అక్రమ లేఅవుట్ల సంఖ్య పెరుగుతోందని, దీనివల్ల ప్రజలకు ప్రాథమిక మౌలిక వసతులు కరువవుతున్నాయని పేర్కొంటూ దాఖలైన పిటిషన్లపై హైకోర్టు ధర్మాసనం సుదీర్ఘంగా విచారించింది.
ప్రణాళికాబద్ధమైన పట్టణీకరణ: అనుమతులు లేని లేఅవుట్లకు కనెక్షన్లు ఇస్తే అది చట్టవ్యతిరేక కార్యకలాపాలను ప్రోత్సహించినట్లే అవుతుందని ధర్మాసనం అభిప్రాయపడింది.
స్థానిక సంస్థల అధికారం: పంచాయతీలు, మునిసిపాలిటీలు మరియు పట్టణాభివృద్ధి సంస్థలు (CRDA, VUDA తదితర) ఇచ్చే అనుమతులు లేదా లేఅవుట్ అప్రూవల్ డాక్యుమెంట్లు ఉన్నప్పుడే విద్యుత్ కనెక్షన్ దరఖాస్తులను పరిశీలించాలని ఆదేశించింది.
డిస్కంలకు స్పష్టమైన మార్గదర్శకాలు
హైకోర్టు తన తీర్పులో విద్యుత్ శాఖ అధికారులకు మరియు డిస్కంలకు స్పష్టమైన ఆదేశాలు జారీ చేసింది:
దరఖాస్తుదారులు స్థానిక సంస్థల నుంచి పొందిన అనుమతి పత్రాలు లేదా NOC తప్పనిసరిగా సమర్పించాలి.
అనుమతి లేని లేఅవుట్ అని తేలితే ఎలాంటి తాత్కాలిక లేదా శాశ్వత విద్యుత్ కనెక్షన్లు మంజూరు చేయకూడదు.
నిబంధనలను ఉల్లంఘించి కనెక్షన్లు ఇచ్చే అధికారులపై కూడా చట్టపరమైన శాఖాపర చర్యలు ఉంటాయని హెచ్చరించింది.
రియల్ ఎస్టేట్, కొనుగోలుదారులపై ప్రభావం ముఖ్యంగా ఎన్ఆర్ఐలకు కూడా
హైకోర్టు వెలువరించిన ఈ తీర్పు ఏపీ రియల్ ఎస్టేట్ రంగంలో పెద్ద సంచలనానికి దారితీసింది. అనుమతులు లేని అక్రమ లేఅవుట్లలో ప్లాట్లు కొనుగోలు చేసి ఇళ్లు నిర్మించుకునే వారికి ఈ తీర్పుతో విద్యుత్ సరఫరా పొందడం కష్టతరం కానుంది. కాబట్టి ప్లాట్లు లేదా ఇళ్లు కొనుగోలు చేసే ప్రజలు ముందస్తుగా పంచాయతీ, మునిసిపల్ లేదా విన్యాస (మ్యాప్) అనుమతులు సరిగ్గా ఉన్నాయో లేదో సరిచూసుకోవాలని నిపుణులు సూచిస్తున్నారు. అక్రమ లేఅవుట్ల విక్రయాలకు అడ్డుకట్ట వేసేందుకు ఈ తీర్పు ఎంతగానో ఉపయోగపడుతుందని చట్ట నిపుణులు అభిప్రాయపడుతున్నారు.
విదేశాల్లో ఉండే భారతీయులు (NRIs) తమ సొంత ఊళ్లలో, భారతదేశంలో ఉన్న ఆస్తులు, పెట్టుబడులు మరియు డిజిటల్ వ్యవహారాలలో అత్యంత అప్రమత్తంగా ఉండాలని నిపుణులు మరియు చట్టపరిరక్షణ సంస్థలు హెచ్చరిస్తున్నాయి. ముఖ్యంగా ఏపీ రాజధాని ప్రాంతంలో స్థలాలు, ఇళ్లు కొనుగోలు చేసేందుకు ఎన్ఆర్ఐలు ఆసక్తి చూపుతుండటంతో, ఎన్ఆర్ఐలను లక్ష్యంగా చేసుకుని కేటుగాళ్లు అనేక మోసాలకు పాల్పడే ప్రమాదం ఉందని... అందువల్ల రాజధాని అమరావతి లేదా ఏపీలోని ఇతర ప్రాంతాల్లో ఆస్తులు కొనేముందు ఎన్ఆర్ఐలు తప్పనిసరిగా జాగ్రత్తలు పాటించాలని నిపుణులు హెచ్చరిస్తున్నారు.
Tags
Be the first to react
