Kollu Ravindra: నారా లోకేష్కు మంత్రి కొల్లు రవీంద్ర శుభాకాంక్షలు! యువ నాయకత్వంతో రాష్ట్రానికి కొత్త దిశ..
Kollu Ravindra: ఆంధ్రప్రదేశ్ రాజకీయాల్లో యువ నాయకత్వానికి కొత్త ఊపు తెచ్చిన నారా లోకేష్ కు మంత్రి కొల్లు రవీంద్ర శుభాకాంక్షలు తెలిపారు. లోకేష్ నాయకత్వంలో పార్టీకి కొత్త ఉత్సాహం వస్తుందని ఆయన పేర్కొన్నారు.
కష్టపడే కార్యకర్తలకు అండగా నారా లోకేష్..
గూగుల్, అర్సెలార్ మిట్టల్ లోకేష్ కృషికి నిదర్శనం..
ఆంధ్రప్రదేశ్ రాజకీయాల్లో యువ నాయకత్వానికి కొత్త ఊపు తెచ్చిన నారా లోకేష్ కు మంత్రి కొల్లు రవీంద్ర శుభాకాంక్షలు తెలిపారు. లోకేష్ నాయకత్వంలో పార్టీకి కొత్త ఉత్సాహం వస్తుందని ఆయన పేర్కొన్నారు.
లోకేష్కు రాష్ట్ర అభివృద్ధిపై స్పష్టమైన దృష్టి ఉందని మంత్రి కొల్లు రవీంద్ర అన్నారు. కష్టపడే కార్యకర్తలకు ఎప్పుడూ అండగా నిలిచే నాయకుడిగా ఆయన గుర్తింపు పొందారని చెప్పారు.
విద్యాశాఖలో లోకేష్ తీసుకొచ్చిన మార్పులను మంత్రి ప్రత్యేకంగా ప్రస్తావించారు. పేరెంట్-టీచర్ మీటింగ్స్ను ప్రవేశపెట్టి పాఠశాల వ్యవస్థలో కొత్త మార్పులకు శ్రీకారం చుట్టారని తెలిపారు. ఈ చర్యలు విద్యా ప్రమాణాలను మెరుగుపరిచే దిశగా కీలకంగా మారాయని అభిప్రాయపడ్డారు.
గూగుల్, అర్సెలార్ మిట్టల్ వంటి అంతర్జాతీయ సంస్థలను రాష్ట్రానికి ఆకర్షించడంలో లోకేష్ కీలక పాత్ర పోషించారని మంత్రి పేర్కొన్నారు. అలాగే రాష్ట్రానికి క్వాంటం కంప్యూటింగ్ సెంటర్ తీసుకురావడం ఆయన దూరదృష్టికి నిదర్శనమని కొనియాడారు.
‘యువగళం’ పాదయాత్ర ద్వారా ప్రజల సమస్యలను లోతుగా అర్థం చేసుకున్న లోకేష్, అధికారంలోకి వచ్చిన తర్వాత వాటి పరిష్కారానికి కృషి చేశారని చెప్పారు. ప్రజలతో నేరుగా మమేకమవుతూ వారి సమస్యలను పరిష్కరించడం ఆయన ప్రత్యేకతగా మంత్రి అభివర్ణించారు.
పార్టీలో కష్టపడిన కార్యకర్తలకు నామినేటెడ్ పదవులు, పార్టీ పోస్టుల్లో సముచిత గౌరవం కల్పిస్తున్నారని మంత్రి తెలిపారు. ఇది కార్యకర్తల్లో మరింత ఉత్సాహాన్ని నింపుతుందని అన్నారు. లోకేష్ నాయకత్వంలో టీడీపీ కొత్త దిశగా ముందుకు సాగుతుందని మంత్రి కొల్లు రవీంద్ర విశ్వాసం వ్యక్తం చేశారు. యువ నాయకత్వం, అభివృద్ధి దృష్టితో రాష్ట్రానికి మంచి భవిష్యత్తు ఉంటుందని ఆశాభావం వ్యక్తమవుతోంది.
Be the first to react
