భారత విదేశాంగ శాఖ మళ్లీ స్పష్టంగా తెలియజేసింది ఏమిటంటే అరుణాచల్ ప్రదేశ్ అనేది భారత దేశంలో అంతర్భాగం అని ఈ విషయంలో చైనా లేదా ఇతర దేశాలు జోక్యం చేసుకోవడం అంగీకారయోగ్యం కాదని ఈ ప్రకటనకు కారణం ఇటీవల చైనాలోని షాంఘై విమానాశ్రయంలో అరుణాచల్ ప్రదేశ్కు చెందిన భారతీయ పాస్పోర్ట్ హోల్డర్ ప్రెమా వంగ్జోమ్ థాంగ్డోక్ను ఇమ్మిగ్రేషన్ అధికారులు నిలిపివేయటం. ఆమె పుట్టిన స్థలం అరుణాచల్ ప్రదేశ్ కావడంతో ప్రయాణ పత్రాలపై వివరణ ఇవ్వాల్సిందిగా చైనా అధికారులు ఒత్తిడి చేసినట్లు సమాచారం.
ప్రెమా థాంగ్డోక్ యునైటెడ్ కింగ్డమ్ నుంచి జపాన్ వెళ్లే సమయంలో షాంఘైలో ట్రాన్సిట్ కోసం దిగినప్పుడు ఈ ఘటన జరిగింది. ఆమె ప్రయాణ పత్రాలపై ఎలాంటి సమస్య లేకపోయినా చైనా అధికారులు అరుణాచల్ ప్రదేశ్ను తమ భూభాగం గా చూపుతూ అనవసరంగా ప్రశ్నలు అడిగారని ఆమె తన అనుభవాన్ని సోషల్ మీడియాలో వివరించింది.
ఈ విషయంపై భారత ప్రభుత్వం వెంటనే స్పందించి బీజింగ్లోని చైనా ప్రభుత్వానికి బలమైన సమాధానం ఇచ్చింది. భారత విదేశాంగ శాఖ ప్రతినిధి రంధీర్ జైశ్వాల్ మాట్లాడుతూ, చైనా విమానాశ్రయాల్లో భారతీయ పౌరులను లక్ష్యంగా చేసుకోవడం లేదా ఇబ్బంది పెట్టడం అంతర్జాతీయ విమాన నిబంధనలకు విరుద్ధమని చెప్పారు. భారత ప్రభుత్వం స్పష్టంగా చైనా తన వ్యవస్థలను సరిచేసుకొని భారతీయ ప్రయాణికులకు వివక్ష లేని వాతావరణం అందించాల్సిందిగా కోరారు.
భారత విదేశాంగ శాఖ చైనా మీద అనుమానాలు ఉన్నట్లయితే భారతీయులు అక్కడికి ప్రయాణించే ముందు జాగ్రత్తలు తీసుకోవాలని సూచించింది. చైనా విమానాశ్రయాల్లో ఇలాంటి సంఘటనలు పునరావృతం కావడం ద్వైపాక్షిక సంబంధాలను ప్రభావితం చేసే అవకాశం ఉందని భారత ప్రభుత్వం అభిప్రాయపడుతోంది.
గత ఏడాది నుంచి లద్ధాఖ్ సరిహద్దులో ఉద్రిక్తతలు తగ్గినప్పటికీ ఇలాంటి ఘటనలు రెండు దేశాల మధ్య నమ్మకాన్ని దెబ్బతీయగలవని నిపుణులు అంటున్నారు. భారత ప్రభుత్వం మాత్రం మరల స్పష్టం చేసింది అరుణాచల్ ప్రదేశ్ భారతదేశానికి విడదీయలేని భాగం అని దీనిపై ఎలాంటి చర్చ అవసరం లేదని.
ఈ సంఘటన అంతర్జాతీయ ప్రయాణాల్లో పాస్పోర్ట్ సమాచారం మరియు భూభాగ వివాదాలు ప్రయాణికులపై ఎలా ప్రభావం చూపుతాయో చూపిస్తోంది. ఈ వివాదం చైనా వైఖరి ఎంతవరకు విమాన ప్రయాణ నియమాలను అతిక్రమిస్తున్నదనే దానిపై ప్రశ్నలు పెంచుతోంది.
