Atchennaidu: ఖరీఫ్‌ రైతుకు అండగా ప్రభుత్వం.. విత్తనాలు, ఎరువులు, నీటితో పూర్తి సన్నద్ధత!

రైతులకు సమృద్ధిగా విత్తనాలు, ఎరువులు, సాగునీరు..

ముందస్తు ప్రణాళికతో వ్యవసాయ రంగానికి పూర్తి మద్దతు..

అమరావతి: రాష్ట్రంలో ఖరీఫ్–2026 సీజన్‌ను విజయవంతంగా నిర్వహించేందుకు ప్రభుత్వం సమగ్ర ప్రణాళికతో ముందుకు సాగుతోంది. రైతులకు అవసరమైన విత్తనాలు, ఎరువులు, సాగునీరు సమయానికి అందేలా అన్ని ఏర్పాట్లు చేశామని వ్యవసాయ శాఖ మంత్రి కింజరాపు అచ్చెన్నాయుడు తెలిపారు.

రైతులకు ఎలాంటి ఇబ్బందులు లేకుండా ముందస్తు చర్యలు తీసుకుంటున్నామని, మే 15 నుంచే దశలవారీగా సాగునీటి విడుదల ప్రారంభమవుతుందని ఆయన వెల్లడించారు. 2026-27 సంవత్సరానికి రూ.294 కోట్ల బడ్జెట్‌తో 7.46 లక్షల క్వింటాళ్ల విత్తనాలను రాయితీపై రైతులకు అందించనున్నారు.

పచ్చిరొట్ట ఎరువు విత్తనాలు 93 వేల క్వింటాళ్లు – 50% రాయితీ
ఇప్పటికే 30 వేల క్వింటాళ్లు సిద్ధం
వేరుశనగ విత్తనాలు 2.20 లక్షల క్వింటాళ్లు – 40% రాయితీ (మే 20 నుంచి పంపిణీ)
వరి విత్తనాలు 1.62 లక్షల క్వింటాళ్లు – మే 15 నుంచి పంపిణీ
చిరుధాన్యాలు, అపరాలు – జూన్ 15 నుంచి అందుబాటులో

అన్ని విత్తనాలను నాణ్యతా పరీక్షలు పూర్తి చేసిన తర్వాతే రైతు సేవా కేంద్రాలకు పంపిస్తున్నామని మంత్రి స్పష్టం చేశారు. కొత్త విత్తన రకాల అభివృద్ధికి సవరించిన సమగ్ర పథకం అమలు చేస్తున్నారు.

ఇప్పటివరకు 1,03,901 క్వింటాళ్ల విత్తనోత్పత్తి
2026-27 లక్ష్యం: 1,20,678 క్వింటాళ్లు
రాయితీలు – రైతులకు పెద్ద ఊరట

ప్రభుత్వం పలు పంటలపై ఆకర్షణీయ రాయితీలు అందిస్తోంది:
వరి విత్తనాలకు రూ.500–1000 వరకు రాయితీ
చిరుధాన్యాలు – 50%
పప్పుధాన్యాలు – 30%
శనగ – 25%
వేరుశనగ, నువ్వులు – 40%
పచ్చిరొట్ట విత్తనాలు – 50%
గిరిజన రైతులకు 90% వరకు, ప్రకృతి విపత్తుల సమయంలో 80% వరకు ప్రత్యేక రాయితీలు ఇస్తున్నారు.
ఎరువుల కొరత లేదు

ఖరీఫ్ సీజన్‌కు అవసరమైన ఎరువులు పుష్కలంగా ఉన్నాయని మంత్రి తెలిపారు.
మొత్తం కేటాయింపు: 18.09 లక్షల మెట్రిక్ టన్నులు
ప్రస్తుతం అందుబాటులో: 8.84 లక్షల మెట్రిక్ టన్నులు
నిల్వలు: 7.77 లక్షల మెట్రిక్ టన్నులు

యూరియా, డీఏపీ, ఎంఓపీ, కాంప్లెక్స్, ఎస్‌ఎస్‌పీ ఎరువులు సమృద్ధిగా ఉన్నాయని చెప్పారు. కృత్రిమ కొరత సృష్టిస్తే కఠిన చర్యలు తీసుకుంటామని హెచ్చరించారు.

రాష్ట్రవ్యాప్తంగా నీటిపారుదలపై ప్రత్యేక దృష్టి సారించారు.
మే 15 నుంచి దశలవారీగా నీటి విడుదల
జూన్ నుంచి ఖరీఫ్ సాగు ప్రారంభం

ప్రాజెక్టుల పరిస్థితి:
గోదావరి డెల్టా: 51.67 టీఎంసీలు నీరు
కృష్ణా డెల్టా (పులిచింతల): 24.43 టీఎంసీలు
ఉత్తరాంధ్ర: 9.22 టీఎంసీలు
నాగార్జునసాగర్: 27.07 టీఎంసీలు

కాలువల మరమ్మతులు, శుభ్రపరిచే పనులు వేగంగా కొనసాగుతున్నాయి. జిల్లాల వారీగా నీటి విడుదల తేదీలు నిర్ణయిస్తున్నారు.

గత రెండేళ్లలో రికార్డు సాగు
2025-26 ఖరీఫ్: 99.35 లక్షల ఎకరాలకు సాగునీరు
2024-25 ఖరీఫ్: 96.22 లక్షల ఎకరాలు

గోదావరి, కృష్ణా డెల్టాలు, నాగార్జునసాగర్, వంశధార వంటి ప్రధాన ప్రాజెక్టుల ద్వారా లక్షల ఎకరాలకు నీరు అందింది.

విత్తనాలు, ఎరువులు, సాగునీటి సరఫరాపై ప్రభుత్వం నిరంతరం పర్యవేక్షణ చేస్తోందని మంత్రి తెలిపారు. వ్యవసాయ, నీటిపారుదల శాఖలు సమన్వయంతో పనిచేస్తూ రైతులకు పూర్తి మద్దతు అందిస్తాయని స్పష్టం చేశారు. ఈ ఖరీఫ్ సీజన్‌లో రైతులు నమ్మకంతో ముందుకు సాగాలని, ప్రభుత్వం అండగా ఉంటుందని మంత్రి అచ్చెన్నాయుడు భరోసా ఇచ్చారు.