కేంద్ర ప్రభుత్వం వ్యవసాయ రంగాన్ని బలోపేతం చేసేందుకు పలు ముఖ్యమైన schemes ప్రవేశపెట్టింది. వీటి ద్వారా రైతుల ఆర్థిక స్థితి మెరుగవడమే కాకుండా, పంటల నష్టాల నుంచి రక్షణ, పెట్టుబడులపై ఆదాయం, తక్కువ వడ్డీ రుణాలు, మార్కెట్కు నేరుగా దారితీసే అవకాశాలు లభిస్తున్నాయి. ఈ పథకాల లక్ష్యం రైతుల జీవన ప్రమాణాన్ని మెరుగుపరచడమే. ముఖ్యంగా PM-KISAN, PMFBY, KCC వంటి పథకాలు పెద్ద మొత్తంలో రైతులకు ఉపయోగపడుతున్నాయి.
PM-KISAN పథకం ద్వారా ప్రతి సంవత్సరం రైతులకు రూ.6,000 చొప్పున మూడు విడతలుగా డైరెక్ట్గా బ్యాంక్ ఖాతాల్లో జమ చేస్తారు. ఇది వ్యవసాయానికి తక్షణ ఆర్థిక సహాయంగా మారుతోంది. అలాగే PM ఫసల్ బీమా యోజన రైతులను పంట నష్టాల బాదుడునుంచి రక్షిస్తుంది. తక్కువ ప్రీమియంతోనే భారీ బీమా పరిరక్షణ లభిస్తుంది.
కిసాన్ క్రెడిట్ కార్డు (KCC) పథకం ద్వారా రైతులు తక్కువ వడ్డీ రేటుతో అవసరమైన నిధులను పొందవచ్చు. అలాగే PM-KUSUM పథకం ద్వారా సౌరశక్తిపై ఆధారిత పంపింగ్ సిస్టమ్స్ ను అందిస్తూ రైతుల విద్యుత్ ఖర్చు తగ్గించడమే కాక, పర్యావరణ పరిరక్షణకూ తోడ్పడుతోంది. ఇదే సమయంలో E-NAM అనే ఆన్లైన్ ట్రేడింగ్ ప్లాట్ఫారమ్ ద్వారా రైతులు మధ్యవర్తుల పాలు లేకుండా తమ పంటలను నేరుగా మార్కెట్లో అమ్ముకునే అవకాశాన్ని పొందుతున్నారు.
అంతేకాదు, Agriculture Infra Fund స్కీమ్ ద్వారా గోదాములు, శీతలగదులు వంటి మౌలిక వసతుల నిర్మాణానికి తక్కువ వడ్డీ రుణాలు అందిస్తున్నాయి. రైతులు ఈ online ద్వారా కూడా దరఖాస్తు చేయవచ్చు. ఆధార్, భూమి పత్రాలు, బ్యాంక్ వివరాలు వంటి ప్రాథమిక డాక్యుమెంట్లు అవసరం. పూర్తి సమాచారం కోసం గ్రామ కార్యదర్శిని లేదా మండల వ్యవసాయ అధికారిని సంప్రదించవచ్చు. ఈ విధంగా కేంద్ర పథకాలు రైతుల బలోపేతానికి మార్గం సుగమం చేస్తున్నాయి.
