AP Development: 6 జిల్లాల్లో 525 ఘాట్లు, మెగా సిటీగా ఆ ప్రాంతం... రూపు రేఖలు మారబోతున్నాయ్...!!

Politics- పోలవరంపై సీఎం చంద్రబాబు మెగా రివ్యూ…

ఇప్పటి నుంచే ఏర్పాట్లు షురూ చేయాలన్న సీఎం చంద్రబాబు…

2027 పుష్కరాలకు ముస్తాబవుతున్న గోదావరి తీరం…

AP Development: ఆంధ్రప్రదేశ్ పునర్నిర్మాణంలో అత్యంత కీలకమైన పోలవరం ప్రాజెక్టును వచ్చే సాధారణ ఎన్నికల లోపు ఎలాగైనా పూర్తి చేయాలని రాష్ట్ర ప్రభుత్వం పట్టుదలతో ఉంది. ఈ దిశగా పనులను వేగవంతం చేయడంతో పాటు, ప్రతిష్టాత్మకమైన గోదావరి పుష్కరాలు-2027 నిర్వహణపై ముఖ్యమంత్రి నారా చంద్రబాబు నాయుడు ఉన్నతాధికారులతో కలిసి ఒక ఉన్నత స్థాయి సమీక్షా సమావేశాన్ని నిర్వహించారు. ప్రాజెక్టుల పురోగతి, నిధుల సమీకరణ మరియు రాబోయే ఐదేళ్ల ప్రణాళికలపై అమరావతిలో జరిగిన ఈ సమావేశంలో సీఎం పలు కీలక ఆదేశాలు జారీ చేశారు.

ఈ సమీక్షలో భాగంగా సీఎం చంద్రబాబు నాయుడు మాట్లాడుతూ, గత ప్రభుత్వ హయాంలో నిర్లక్ష్యానికి గురైన పోలవరం ప్రాజెక్టు పనులను మళ్లీ పట్టాలెక్కించడమే తమ ప్రథమ ప్రాధాన్యత అని స్పష్టం చేశారు. ప్రాజెక్టు నిర్మాణాన్ని అనుకున్న గడువులోగా పూర్తి చేసి, రాష్ట్ర రైతాంగానికి సాగునీరు అందించేందుకు యుద్ధప్రతిపాదికన చర్యలు చేపట్టాలని జలవనరుల శాఖ అధికారులను ఆదేశించారు. కేంద్ర ప్రభుత్వం నుండి రావాల్సిన నిధులను ఎప్పటికప్పుడు రాబట్టుకుంటూ, నిర్మాణంలో ఎలాంటి నాణ్యతా లోపాలు లేకుండా అంతర్జాతీయ ప్రమాణాలతో పనులు ముగించాలని దిశానిర్దేశం చేశారు.

 2027లో రాబోయే మహా గోదావరి పుష్కరాలను అత్యంత వైభవంగా, భక్తులకు ఎలాంటి ఇబ్బందులు కలగకుండా నిర్వహించేందుకు ఇప్పుటి నుంచే కార్యాచరణ సిద్ధం చేయాలని సీఎం సూచించారు. పుష్కరాల నాటికి గోదావరి పరివాహక ప్రాంతాల్లోని ఘాట్ల నిర్మాణం, రోడ్ల మరమ్మతులు మరియు రవాణా సౌకర్యాలను మెరుగుపరచాలని అధికారులను ఆదేశించారు. గత పుష్కరాల అనుభవాలను దృష్టిలో ఉంచుకుని భద్రత, పారిశుధ్యం మరియు తాగునీటి సరఫరా విషయంలో పక్కా ప్రణాళికలతో ముందుకు వెళ్లాలని స్పష్టం చేశారు.

రాష్ట్రవ్యాప్తంగా పెండింగ్‌లో ఉన్న ఇతర సాగునీరు మరియు ఉత్తరాంధ్ర సుజల స్రవంతి వంటి కీలక ప్రాజెక్టులను కూడా ఈ సమీక్షలో ప్రస్తావించారు. రాయలసీమ ప్రాంతానికి కృష్ణా జలాలను తరలించే ప్రాజెక్టులతో పాటు, వంశధార-నాగావళి నదుల అనుసంధాన ప్రక్రియను వేగవంతం చేయాలని సీఎం అధికారులను కోరారు. నీటిపారుదల రంగానికి అవసరమైన నిధులను బడ్జెట్‌లో కేటాయించడంతో పాటు, ప్రత్యామ్నాయ వనరుల ద్వారా నిధులను సమీకరించుకునే మార్గాలను అన్వేషించాలని ఆర్థిక శాఖకు సూచించారు.

పోలవరం ప్రాజెక్టును గడువులోగా పూర్తి చేయడం మరియు గోదావరి పుష్కరాలను విజయవంతం చేయడం ద్వారా రాష్ట్ర ప్రతిష్టను గ్లోబల్ స్థాయిలో నిలబెట్టాలని ప్రభుత్వం భావిస్తోంది. అభివృద్ధి పనుల్లో జాప్యాన్ని సహించేది లేదని, ప్రతి వారం ప్రాజెక్టుల పురోగతిపై క్షేత్రస్థాయి నివేదికలను తనకు సమర్పించాలని సీఎం చంద్రబాబు నాయుడు ఈ సందర్భంగా అధికారులను ఖరాఖండిగా ఆదేశించారు.