Transgender Welfare: ట్రాన్స్జెండర్ల సంక్షేమానికి ఏపీ ప్రభుత్వం కీలక ముందడుగు!
Transgender Welfare: ఆంధ్రప్రదేశ్లో ట్రాన్స్జెండర్ల సంక్షేమం కోసం రాష్ట్ర ప్రభుత్వం మరో ముఖ్య నిర్ణయం తీసుకుంది. ట్రాన్స్జెండర్ వెల్ఫేర్ బోర్డుకు కొత్త సభ్యులను నియమిస్తూ ప్రభుత్వం చర్యలు చేపట్టింది.
ట్రాన్స్ జెండర్ వెల్ఫేర్ బోర్డుకు సభ్యుల నియామకం..
ప్రాంతీయ ప్రతినిధులుగా విశాఖ, తిరుపతి కలెక్టర్లు..
ఆంధ్రప్రదేశ్లో ట్రాన్స్జెండర్ల సంక్షేమం కోసం రాష్ట్ర ప్రభుత్వం మరో ముఖ్య నిర్ణయం తీసుకుంది. ట్రాన్స్జెండర్ వెల్ఫేర్ బోర్డుకు కొత్త సభ్యులను నియమిస్తూ ప్రభుత్వం చర్యలు చేపట్టింది. సమాజంలో ట్రాన్స్జెండర్లకు గౌరవప్రదమైన స్థానం కల్పించడం, వారి సమస్యలకు పరిష్కారం చూపడం లక్ష్యంగా ఈ బోర్డు పనిచేయనుంది.
ప్రాంతీయ ప్రతినిధులుగా విశాఖపట్నం, తిరుపతి జిల్లాల కలెక్టర్లను ప్రభుత్వం నియమించింది. వీరు ఆయా ప్రాంతాల్లో ట్రాన్స్జెండర్ల సంక్షేమ కార్యక్రమాల అమలును పర్యవేక్షించనున్నారు. ప్రభుత్వ పథకాలు అర్హులైన ప్రతి ఒక్కరికీ చేరేలా చర్యలు తీసుకోనున్నారు.
అలాగే తూర్పుగోదావరి జిల్లా నుంచి కోటా ప్రేమ్ సాగర్ రాయ్, గుంటూరు జిల్లా నుంచి నక్క జీవన్ కుమారి, ప్రకాశం జిల్లా నుంచి బోను దుర్గలను బోర్డు సభ్యులుగా ఎంపిక చేశారు. ట్రాన్స్జెండర్ సమాజానికి చెందిన వారికే ప్రాధాన్యం ఇవ్వడం ద్వారా వారి సమస్యలను నేరుగా ప్రభుత్వం దృష్టికి తీసుకురావాలనే ఉద్దేశంతో ఈ నిర్ణయం తీసుకున్నట్లు తెలుస్తోంది.
సమాజంలో ఎన్నో సవాళ్లు ఎదుర్కొంటున్న ట్రాన్స్జెండర్లకు విద్య, ఉపాధి, ఆరోగ్యం, భద్రత వంటి అంశాల్లో మరింత సహాయం అందించేందుకు ఈ వెల్ఫేర్ బోర్డు కీలకంగా మారనుంది. ప్రభుత్వం తీసుకున్న ఈ నిర్ణయంపై ట్రాన్స్జెండర్ సంఘాలు హర్షం వ్యక్తం చేస్తున్నాయి.
ట్రాన్స్జెండర్ల హక్కులు, గౌరవం, సంక్షేమం కోసం ప్రభుత్వం ప్రత్యేక దృష్టి పెట్టడం మంచి పరిణామమని సామాజికవేత్తలు అభిప్రాయపడుతున్నారు.
Be the first to react
