నందమూరి బాలకృష్ణ నటించిన అఖండ చిత్రం విడుదలకు ముందే ఆపరేషన్ రేంజ్లోనే కాదు, విదేశాల్లో కూడా అసాధారణమైన క్రేజ్ను సంతరించుకుంది. ముఖ్యంగా ఓవర్సీస్ మార్కెట్లో ఈ సినిమాకు డిమాండ్ పెరుగుతూనే ఉంది. జర్మనీకి సంబంధించిన రైట్స్ కోసం అనేక డిస్ట్రిబ్యూషన్ సంస్థలు పోటీ పడినప్పటికీ, చివరకు అత్యధిక ధరతో బిడ్ వేసి రికార్డు స్థాయిలో రేటు చెల్లించి తారకరామ ఎంటర్టైన్మెంట్స్ ఈ హక్కులను సొంతం చేసుకుంది. దీనితో ఇప్పటివరకు ఏ సీనియర్ హీరో సినిమా పొందని భారీ ఆఫర్ను అఖండ సాధించడం ప్రత్యేకంగా నిలిచింది. ఈ సందర్భంగా సంస్థ ప్రతినిధి శ్రీకాంత్ కుడితిపూడి మాట్లాడుతూ, ఈ రైట్స్ సాధనలో సహకరించిన 14 రీల్స్, పరుచూరి కోటి, రిలయన్స్ శ్రీధర్, UK డ్రీమ్స్ ఎంటర్టైన్మెంట్ రామ్, శ్రీను గోగినేని తదితరులకు ధన్యవాదాలు తెలిపారు.
సినిమా విడుదలకు ముందు ప్రమోషన్స్ను భారీ స్థాయిలో నిర్వహించేందుకు తారకరామ ఎంటర్టైన్మెంట్స్ ప్రత్యేక ప్రణాళిక రూపొందించింది. ప్రతి పెద్ద పట్టణంలోనూ, ముఖ్యంగా జర్మనీ అంతటా నందమూరి అభిమానులను ఒకచోట చేర్చి అఖండ ఫీవర్ను ప్రజల్లోకి తీసుకెళ్లే ప్రయత్నాలు జరుగుతున్నాయి. ఈ కార్యక్రమాల్లో భాగంగా సుమంత్ కొరపాటి మాట్లాడుతూ, స్థానిక అభిమాన సంఘాలతో కలిసి థియేటర్ మీట్స్, పోస్టర్ క్యాంపెయిన్స్, ఫ్యాన్ ఫెస్ట్లు నిర్వహిస్తున్నామని తెలిపారు. విదేశాల్లో తెలుగు సినిమాల్లో ఇంత పెద్ద స్థాయి ప్రమోషన్ చాలా అరుదని ఆయన పేర్కొన్నారు.
ప్రమోషన్లలో భాగంగా మొదటి టికెట్ను ‘ఫ్యాన్ టికెట్’గా వేలం వెయ్యగా, జర్మనీ–ఫ్రాంక్ఫర్ట్కు చెందిన రాజశేఖర్ పార్ణపల్లి అత్యధికంగా 1000 యూరోలు (సుమారు ఒక లక్ష రూపాయలు) చెల్లించి ఈ ప్రతిష్టాత్మకమైన మొదటి టికెట్ను దక్కించుకున్నారు. అనంతపూర్ నుంచి జర్మనీకి వచ్చినా, బాలయ్యపై అభిమానం మాత్రం ఎన్నడూ తగ్గలేదని రాజశేఖర్ ఆనందం వ్యక్తం చేశారు. భారత్లో జరిగే ప్రమోషన్ స్టైల్ను జర్మనీలోనూ అదే ఉత్సాహంతో నిర్వహిస్తున్న తారకరామ ఎంటర్టైన్మెంట్స్కి ప్రత్యేక ధన్యవాదాలు తెలిపారు. “అఖండ తాండవం ఎలా ఉండబోతోందో చూడటానికి ఇక ఆతృతగా ఎదురుచూస్తున్నాం” అని ఆయన పేర్కొన్నారు.
ఫ్రాంక్ఫర్ట్లో జరిగిన ఈ వేలం ఒక్కటే కాదు. రాబోయే రోజుల్లో మ్యూనిక్, స్టుట్గార్ట్, డ్యుసెల్డార్ఫ్, న్యూరెంబర్గ్ వంటి నగరాల్లో కూడా ఇదే తరహా కార్యక్రమాలు నిర్వహించి, మరిన్ని ‘ఫ్యాన్ టికెట్’ విన్నర్లను ప్రకటించనున్నట్లు సుమంత్ కొరపాటి తెలిపారు. దీనితో జర్మనీ వ్యాప్తంగా అఖండ సినిమా చుట్టూ ఏర్పడుతున్న హైప్ మరింత పెరుగుతుందని అంచనా. ఓవర్సీస్లో ఇంతటి స్పందన రావడం, బాలయ్య చిత్రం ప్రపంచవ్యాప్తంగా ఎంతటి అంచనాలు ఏర్పరిచిందో స్పష్టంగా చూపిస్తోంది. డిస్ట్రిబ్యూషన్ సంస్థలు కూడా ఇది జర్మనీ మార్కెట్లో ఆల్టైమ్ రికార్డు బిజినెస్ చేస్తుందని నమ్ముతున్నాయి.
