దేశంలోని ప్రముఖ మేనేజ్మెంట్ విద్యాసంస్థలలో ఒకటైన IIM బెంగళూరు ఇకపై పీజీ ప్రవేశ పరీక్ష (CAT) రాయకుండానే నేరుగా ఇంటర్మీడియట్ పూర్తి చేసిన విద్యార్థులకు ప్రవేశ అవకాశాలు కల్పిస్తోంది. ఇటీవలే ప్రకటించిన కొత్త విధానంతో, 12వ తరగతి తర్వాతే ప్రీమియర్ స్థాయి మేనేజ్మెంట్ చదువుకు తొలి మెట్టులను అధిగమించాలనుకునే విద్యార్థులకు ఇది ఒక కీలక అవకాశంగా మారింది.
IIM బెంగళూరు ప్రస్తుతం రెండు నాలుగేళ్ల అండర్గ్రాడ్యుయేట్ డిగ్రీలను అందిస్తోంది ఈ కానామిక్స్లో BSc (హానర్స్) మరియు డేటా సైన్స్లో BSc (హానర్స్). రెండు కోర్సుల్లోనూ విద్యార్థులు బిజినెస్ స్టడీస్, డేటా అనలిటిక్స్ వంటి ఆధునిక అంశాల్లో మైనర్ కూడా చేయవచ్చు. దేశంలో పెరుగుతున్న డేటా సైన్స్, పాలసీ అనాలిసిస్, మేనేజ్మెంట్ రంగాల డిమాండ్ను దృష్టిలో ఉంచుకుని IIMB ఈ కోర్సులను రూపొందించింది.
ఈ ప్రోగ్రామ్లలో ప్రవేశం పొందాలంటే విద్యార్థులు కొన్ని అర్హతలు కలిగి ఉండాలి. ముఖ్యంగా 10వ తరగతి మరియు 12వ తరగతుల్లో గణితంలో కనీసం 60 శాతం మార్కులు తప్పనిసరి. అర్హత ఉంటే తదుపరి దశ—IIMB అండర్గ్రాడ్యుయేట్ అడ్మిషన్స్ టెస్ట్ (IIMB–UGAT). ఈ ప్రత్యేక ప్రవేశ పరీక్షలో సాధించిన స్కోరు ఆధారంగా షార్ట్లిస్టింగ్ జరుగుతుంది. పరీక్షలో విజయం సాధించిన అభ్యర్థులను వ్యక్తిగత ఇంటర్వ్యూ సహా ఇతర మైనర్ అంచనాలు ఎదుర్కొనే దశకు పిలుస్తారు.
ఈ కోర్సులు పూర్తిగా రెసిడెన్షియల్ ప్రోగ్రామ్లు కావడం ప్రత్యేక ఆకర్షణగా మారింది. క్యాంపస్ జీవితంలో విద్యార్థులకు విద్యతో పాటు పరిశోధన, ఇన్నోవేషన్, ప్రాజెక్ట్ వర్క్, ఇండస్ట్రీ ఎక్స్పోషర్ వంటి అనేక అవకాశాలు లభిస్తాయి. ఆధునిక డేటా టూల్స్, ఎకానామిక్ పాలసీ మోడల్స్, బిజినెస్ ఎనలిటిక్స్ వంటి రంగాల్లో ప్రత్యక్ష అనుభవం పొందే వీలుంది.
IIM బెంగళూరులో ఈ అవకాశాలకి తోడు, దేశంలోని ఇతర IIMల్లో కూడా 12వ తరగతి తర్వాత నేరుగా ప్రవేశం పొందే ప్రత్యామ్నాయ మార్గాలు అందుబాటులో ఉన్నాయి.
ఉదాహరణకు
• IIM ఇండోర్, IIM రోహ్తక్ అందిస్తున్న IPM (ఇంటిగ్రేటెడ్ ప్రోగ్రాం ఇన్ మేనేజ్మెంట్) కోసం IPMAT పరీక్ష రాయాలి.
• IIM బోధ్ గయా, IIM జమ్మూ JIPMAT స్కోరుతో ప్రవేశం అందిస్తున్నాయి.
• IIM రాంచి SAT పరీక్ష స్కోరును పరిగణనలోకి తీసుకుంటుంది.
మేనేజ్మెంట్లో కెరీర్ను చిన్న వయసులోనే లక్ష్యంగా పెట్టుకున్న విద్యార్థులకు ఈ మార్గాలు కొత్త అవకాశాల ద్వారాలను తెరవనున్నాయి. భారతీయ మేనేజ్మెంట్ విద్యాసంస్థలు ప్రపంచ ప్రమాణాలకు సరిపడే నైపుణ్యాలను పెంపొందించే దిశగా UG ప్రోగ్రామ్లను బలపరుస్తున్న నేపథ్యంలో, IIM బెంగళూరు ప్రారంభించిన ఈ ప్రవేశ విధానం యువతలో భారీ ఆసక్తి రేకేత్తిస్తోంది.
