పులివెందుల, ఒంటిమిట్ట జెడ్పీటీసీ ఎన్నికల విషయంలో వైఎస్ఆర్ కాంగ్రెస్ పార్టీ వేసిన రేపోలింగ్ పిటీషన్‌ను హైకోర్టు తిరస్కరించింది. ఈ ఎన్నికల్లో అక్రమాలు జరిగాయని ఆరోపిస్తూ, మళ్లీ పోలింగ్ నిర్వహించాలని వైఎస్ఆర్‌సీపీ కోరింది. అయితే, ఈ విషయంపై విచారణ చేసిన హైకోర్టు, ఎన్నికల కమీషన్ తీసుకునే నిర్ణయాల్లో తాము జోక్యం చేసుకోలేమని స్పష్టం చేసింది.
తుది నిర్ణయం పూర్తిగా ఎన్నికల కమీషన్‌దే అని కోర్టు పేర్కొంది. ఎన్నికల ప్రక్రియకు సంబంధించిన వ్యవహారాలు స్వతంత్రంగా, కమీషన్ నిర్ణయాల ప్రకారం సాగాలని కోర్టు అభిప్రాయపడింది. దీంతో, ఈ కేసులో రేపోలింగ్‌కు అవకాశం లేకుండా, ఎన్నికల కమీషన్ నిర్ణయం అమల్లో కొనసాగనుంది.
