Drishyam 3: బాక్సాఫీస్ వద్ద ‘దృశ్యం 3’ జోరు.. ప్రపంచవ్యాప్తంగా రూ.231 కోట్లకు పైగా వసూల్లు!

మోహన్‌లాల్ ‘దృశ్యం 3’ విజయయాత్ర కొనసాగుతోంది..

మిశ్రమ స్పందన మధ్యా బాక్సాఫీస్‌ను ఊపేస్తున్న ‘దృశ్యం 3’..

ముంబై: మలయాళ సూపర్ స్టార్ మోహన్‌లాల్ ప్రధాన పాత్రలో, దర్శకుడు జీతూ జోసెఫ్ తెరకెక్కించిన థ్రిల్లర్ చిత్రం ‘దృశ్యం 3’ బాక్సాఫీస్ వద్ద విజయవంతమైన ప్రదర్శనను కొనసాగిస్తోంది. మూడో వారంలోకి అడుగుపెట్టిన ఈ చిత్రం రోజువారీ వసూళ్లలో స్వల్ప తగ్గుదల కనిపించినప్పటికీ, ప్రేక్షకుల ఆదరణను నిలబెట్టుకుంటోంది.

ట్రేడ్ వర్గాల అంచనాల ప్రకారం, విడుదలైన 16వ రోజైన శనివారం ఈ చిత్రం భారతదేశంలో రూ.80 లక్షల నెట్ కలెక్షన్లు సాధించింది. అంతకుముందు రోజు వచ్చిన రూ.93 లక్షలతో పోలిస్తే ఇది సుమారు 14 శాతం తగ్గుదల. 16వ రోజు మొత్తం 851 షోల ద్వారా ఈ వసూళ్లు నమోదయ్యాయి.

ఇప్పటికే పలు మైలురాళ్లను అధిగమించిన ‘దృశ్యం 3’ దేశీయంగా రూ.103.43 కోట్ల నెట్ వసూళ్లు సాధించింది. భారతదేశంలో గ్రాస్ కలెక్షన్లు రూ.120.01 కోట్లకు చేరుకున్నాయి. విదేశీ మార్కెట్లలో కూడా ఈ సినిమా మంచి ఆదరణ పొందుతోంది. 16వ రోజు విదేశాల్లో రూ.10 లక్షల గ్రాస్ వసూలు చేసిన ఈ చిత్రం, మొత్తం ఓవర్సీస్ వసూళ్లను రూ.111.25 కోట్లకు చేర్చింది.

దీంతో ప్రపంచవ్యాప్తంగా సినిమా మొత్తం గ్రాస్ కలెక్షన్లు రూ.231.26 కోట్లకు చేరాయి. ఈ వసూళ్లలో మలయాళ వెర్షన్ ప్రధాన పాత్ర పోషించగా, తమిళ వెర్షన్ నుంచి స్వల్ప ఆదాయం మాత్రమే వచ్చింది.

16వ రోజు మలయాళ వెర్షన్ ఒక్కటే రూ.79 లక్షల నెట్ వసూలు చేసి 841 షోలలో 19 శాతం ఆక్యుపెన్సీ నమోదు చేసింది. తమిళ వెర్షన్ 10 షోల ద్వారా రూ.1 లక్ష వసూలు చేసి 27 శాతం ఆక్యుపెన్సీ సాధించింది.

సినిమా తొలి వారంలో వసూళ్లు మరింత బలంగా నమోదయ్యాయి. ఏడో రోజు రూ.6.65 కోట్ల వసూళ్లు సాధించిన ఈ చిత్రం 4,721 షోలలో 32.8 శాతం ఆక్యుపెన్సీ నమోదు చేసింది. ఎనిమిదో రోజు కూడా రూ.6.65 కోట్లే వసూలు చేయగా, షోల సంఖ్య 3,453కి తగ్గినా ఆక్యుపెన్సీ 40.8 శాతానికి పెరిగింది. తొలి వారాంతానికి సినిమా మొత్తం రూ.81.95 కోట్ల కలెక్షన్లు సాధించింది.

16వ రోజు ఆక్యుపెన్సీ వివరాలను పరిశీలిస్తే ఉదయం షోలతో పోలిస్తే సాయంత్రం, రాత్రి షోలకు ప్రేక్షకుల స్పందన ఎక్కువగా కనిపించింది. ఉదయం షోలలో 6 శాతం ఆక్యుపెన్సీ నమోదు కాగా, మధ్యాహ్నం 9.56 శాతం, సాయంత్రం 16.33 శాతం నమోదైంది. రాత్రి షోల్లో అత్యధికంగా 27.33 శాతం ఆక్యుపెన్సీ కనిపించింది.

రాష్ట్రాల వారీగా చూస్తే, కేరళలో 16వ రోజు రూ.85 లక్షల గ్రాస్ వసూళ్లు నమోదయ్యాయి. కర్ణాటక నుంచి రూ.4 లక్షలు, తమిళనాడు నుంచి రూ.2 లక్షలు వచ్చాయి. ఆంధ్రప్రదేశ్, తెలంగాణ రాష్ట్రాల నుంచి కలిపి రూ.1 లక్ష, మిగిలిన ప్రాంతాల నుంచి మరో రూ.1 లక్ష వసూలైంది.

‘దృశ్యం 3’ కథలో జార్జ్‌కుట్టి తన జీవితంలోనే అత్యంత క్లిష్టమైన సవాల్‌ను ఎదుర్కొంటాడు. సినిమా కథ, మలుపులపై ప్రేక్షకుల నుంచి మిశ్రమ స్పందన వచ్చినప్పటికీ, బాక్సాఫీస్ వద్ద మాత్రం ఈ చిత్రం విజయవంతమైన ప్రయాణాన్ని కొనసాగిస్తోంది. మోహన్‌లాల్ నటన, జీతూ జోసెఫ్ దర్శకత్వం మరోసారి ప్రేక్షకులను థియేటర్లకు రప్పించడంలో కీలక పాత్ర పోషిస్తున్నాయి.