టీచర్ విభాగంలో కొనసాగించాలని వారికి దేశవ్యాప్తంగా టీచింగ్ నాన్ టీచింగ్ పోస్టులను కేంద్ర ప్రభుత్వాం నోటిఫికేషన్ విడుదల చేయడం జరిగినది. కేంద్రీయ విద్యాలయాల్లో భారీ ఉద్యోగాల భర్తీకి దారితీస్తూ (KVS) దేశవ్యాప్తంగా 14,967 టీచింగ్, నాన్ టీచింగ్ పోస్టుల కోసం భారీ నోటిఫికేషన్ విడుదల చేసింది. విద్యాశాఖ ఆధ్వర్యంలో సీబీఎస్ఈ ఈ నియామక ప్రక్రియను నిర్వహిస్తోంది. దేశంలోని అన్ని రాష్ట్రాల్లో ఉన్న కేంద్రీయ విద్యాలయాలు, నవోదయ పాఠశాలల్లో ఖాళీగా ఉన్న పోస్టులను భర్తీ చేయడానికి ఆన్లైన్ దరఖాస్తులను స్వీకరిస్తున్నారు. ఇప్పటికే నవంబర్ 14 నుంచి ప్రారంభమైన దరఖాస్తుల ప్రక్రియ డిసెంబర్ 4తో ముగియనుంది.
ఈ నోటిఫికేషన్లో అసిస్టెంట్ కమిషనర్, ప్రిన్సిపల్, వైస్ ప్రిన్సిపల్, పీజీటీ, టీజీటీ, ప్రాధమిక ఉపాధ్యాయులు, అడ్మినిస్ట్రేటివ్ ఆఫీసర్, ఇంజినీర్లు, స్టెనోగ్రాఫర్, మల్టీ-టాస్కింగ్ స్టాఫ్ వంటి పలు కీలక పోస్టులు ఉన్నాయి. వివిధ విద్యార్హతల ప్రకారం విస్తృత అవకాశాలు అందుబాటులో ఉండటంతో, ఉపాధ్యాయ వృత్తిని లక్ష్యంగా పెట్టుకున్న వేలాది మంది అభ్యర్థులకు ఇది పెద్ద అవకాశంగా భావిస్తున్నారు.
విద్యార్హతల్లో పీజీటీ పోస్టులకు సంబంధిత సబ్జెక్టులో మాస్టర్స్ డిగ్రీతో పాటు బీఏడ్ తప్పనిసరి. టీజీటీ పోస్టులకు ఇంటిగ్రేటెడ్ డిగ్రీ లేదా గ్రాడ్యుయేషన్ + బీఏడ్ అవసరం. అలాగే సీటెట్ పాసై ఉండాలి. ప్రాధమిక ఉపాధ్యాయుల కోసం 12వ తరగతిలో 50% మార్కులు, టీచర్ ట్రైనింగ్ డిప్లొమా లేదా బీఈ.ఎడ్./డీ.లెడ్ అర్హత ఉండాలి. కంప్యూటర్ సైన్స్ పీజీటీ పోస్టులకు ఎంఎస్సీ/ఎంసీఏ లేదా సంబంధిత టెక్నాలజీ మాస్టర్స్ క్వాలిఫికేషన్ ఉండాలి.
రాబోయే నెలల్లో రెండు దశల్లో ఎగ్జామ్స్ జరుగుతాయి. మొదట టియర్-1, ఆపై టియర్-2 పరీక్షలు నిర్వహిస్తారు. తరువాత ఇంటర్వ్యూ/స్కిల్ టెస్ట్ జరిగే అవకాశం ఉంది. టియర్-2 మార్కులకు 85%, ఇంటర్వ్యూకు 15% వెయిటేజ్ ఇవ్వబడనుంది. కఠినమైన పోటీ ఉండే అవకాశం నేపథ్యంలో అభ్యర్థులు సిలబస్ పూర్తిగా చదవాలని నిపుణులు సూచిస్తున్నారు.
దరఖాస్తు ప్రక్రియ పూర్తిగా ఆన్లైన్ విధానంలోనే ఉంటుంది. www.cbse.gov.in, www.kvsangathan.nic.in మరియు www.navodaya.gov.in వెబ్సైట్ల ద్వారా నమోదు చేసుకోవచ్చు. దరఖాస్తులో వ్యక్తిగత వివరాలు, విద్యార్హతలు, పత్రాలు సమర్పించి ఫీజు చెల్లించాలి. అర్హత కలిగిన అభ్యర్థులు చివరి నిమిషంలో సర్వర్ సమస్యలు రాకుండా ముందుగానే దరఖాస్తు చేయడం మంచిది.
ప్రభుత్వ విద్యా వ్యవస్థలో కేంద్ర ప్రభుత్వ ఉద్యోగం అంటే భద్రమైన భవిష్యత్తు, ప్రమోషన్లలో అవకాశాలు, మంచి వేతనం, అలవెన్సులు, పెన్షన్ వంటి ప్రయోజనాలు ఉండడం వల్ల కేవీఎస్ పోస్టులకు ఎప్పుడూ భారీ పోటీ ఉంటుంది. ఈసారి నోటిఫికేషన్ పరిమాణం దాదాపు 15 వేల పోస్టులు ఉండటం ప్రత్యేక ఆకర్షణగా మారింది. దాంతో దేశవ్యాప్తంగా లక్షలాది మంది అభ్యర్థులు ఈ నోటిఫికేషన్పై దృష్టి పెడుతున్నారు.
ఈ ఉద్యోగాల భర్తీ ప్రక్రియలో కీలక తేదీలు ఇప్పటికే ప్రకటించబడటంతో అభ్యర్థులు తగిన సన్నద్ధతతో ముందుకు సాగుతున్నారు. అధికారికంగానూ పూర్తి వివరాలు నోటిఫికేషన్లో అందుబాటులో ఉండటంతో దరఖాస్తు చేసుకునే ముందుగా ప్రతి ఒక్కరూ దాన్ని జాగ్రత్తగా చదవాలని అధికారులు సూచిస్తున్నారు.
