వర్షాకాలం జలుబు, దగ్గు గంటలో మాయం: 5 నిమిషాల్లో ఈ సూప్ కాసుకొని తాగండి!
Ginger Garlic Soup Recipe:వాతావరణంలో మార్పులు, చలి కారణంగా జలుబు, దగ్గు వంటి సమస్యలు ఇబ్బంది పెడుతుంటాయి. ఇలాంటి సమయంలో వేడి వేడి సూప్ తీసుకుంటే గొంతుకు హాయిగా అనిపించడంతో పాటు శరీరానికి కూడా వెచ్చదనం కలుగుతుంది. ముఖ్యంగా అల్లం, వెల్లుల్లి, మిరియాలతో తయారు చేసే ఈ సూప్ రుచిగా ఉండటమే కాకుండా చల్లని వాతావరణంలో ఓదార్పునిచ్చే పానీయంగా ఉపయోగపడుతుంది.
- అల్లం, వెల్లుల్లి, నల్ల మిరియాలతో ఈ వేడి వేడి సూప్ తయారు చేసుకోవచ్చు.
- చల్లని వాతావరణంలో వేడిగా తీసుకుంటే గొంతుకు హాయిగా, శరీరానికి వెచ్చదనంగా అనిపించవచ్చు.
Ginger Garlic Soup Recipe:వాతావరణంలో మార్పులు, చలి కారణంగా జలుబు, దగ్గు వంటి సమస్యలు ఇబ్బంది పెడుతుంటాయి. ఇలాంటి సమయంలో వేడి వేడి సూప్ తీసుకుంటే గొంతుకు హాయిగా అనిపించడంతో పాటు శరీరానికి కూడా వెచ్చదనం కలుగుతుంది. ముఖ్యంగా అల్లం, వెల్లుల్లి, మిరియాలతో తయారు చేసే ఈ సూప్ రుచిగా ఉండటమే కాకుండా చల్లని వాతావరణంలో ఓదార్పునిచ్చే పానీయంగా ఉపయోగపడుతుంది.
అల్లం-వెల్లుల్లి సూప్ కు ముందుగా వెల్లుల్లి రెబ్బలు, అల్లం ముక్కలు, నల్ల మిరియాలను తీసుకుని మెత్తగా కాకుండా కొద్దిగా ముతకగా దంచుకోవాలి. ఇలా చేయడం వల్ల వాటిలోని సహజ నూనెలు, సువాసన బాగా విడుదలవుతాయి. అనంతరం ఒక పాత్రలో కొద్దిగా నూనె వేసి వేడి చేసి, దంచుకున్న అల్లం, వెల్లుల్లి, మిరియాల మిశ్రమాన్ని వేసి తేలికగా వేయించాలి.
ఆ తర్వాత సన్నగా తరిగిన క్యారెట్, క్యాప్సికమ్ వంటి కూరగాయలను వేసి కొద్దిసేపు వేయించాలి. కూరగాయలు పూర్తిగా మెత్తబడకుండా కొద్దిగా క్రిస్పీగా ఉండేలా చూసుకుంటే సూప్‌కు మంచి టెక్స్చర్ వస్తుంది.
ఇప్పుడు తగినంత నీరు పోసి మరిగించాలి. అల్లం, వెల్లుల్లి, మిరియాల రుచి నీటిలో బాగా కలిసే వరకు కొద్దిసేపు సిమ్మర్ చేయాలి. అనంతరం నీటిలో కలిపిన కార్న్‌ఫ్లోర్‌ను నెమ్మదిగా పోస్తూ కలపాలి. దీంతో సూప్‌కు కొద్దిగా చిక్కటి, మెరిసే ఆకృతి వస్తుంది.
చివరగా కొద్దిగా నిమ్మరసం, తాజాగా తరిగిన కొత్తిమీర వేసి కలిపితే రుచికరమైన అల్లం-వెల్లుల్లి సూప్ సిద్ధమవుతుంది. వేడిగా ఉన్నప్పుడే సర్వ్ చేస్తే చల్లని వాతావరణంలో మరింత హాయిగా ఉంటుంది.
మొత్తం మీద ఈ సూప్ ఆరోగ్యపరంగా మంచి ఉపశమన్నాని కలిగిస్తుంది. ఈ అల్లం, వెల్లుల్లి, నల్ల మిరియాల రుచికి నిమ్మరసం, కొత్తిమీర మంచి కాంబినేషన్‌గా నిలుస్తాయి. జలుబు లేదా దగ్గు సమయంలో ఈ సూప్ గొంతుకు తాత్కాలికంగా ఉపశమన భావన కలిగించవచ్చు. అయితే ఇది వైద్య చికిత్సకు ప్రత్యామ్నాయం కాదు. లక్షణాలు ఎక్కువగా ఉంటే వైద్యుల సలహా తీసుకోవడం మంచిది.
