ప్రస్తుత జీవనశైలిలో చాలామంది ఉదయం ఇంటి నుండి బయటకు వెళ్లి, రాత్రి వరకు షూ లేదా బూట్లు ధరిచే పరిస్థితిలో ఉంటున్నారు. ఉద్యోగస్తులు, విద్యార్థులు, కార్మికులు ఇలా చాలామందికి రోజు పొడవునా పాదాలు పూర్తిగా మూసివున్నట్లే. అయితే వైద్య నిపుణులు చెబుతున్నట్లు, ఇలా గంటల తరబడి షూ ధరించడం వల్ల పాదాల ఆరోగ్యంపై చెడు ప్రభావం పడే అవకాశం చాలా ఎక్కువగా ఉంటుంది.
పాదాలకు అవసరమైన గాలి అందకపోవడం, ఎక్కువగా చెమట పట్టడం వల్ల ఫంగస్, బ్యాక్టీరియా పెరిగి స్కిన్ ఇన్ఫెక్షన్లు రావచ్చు. కొంతమందికి బొబ్బలు పడటం, గడ్డలు రావడం, చర్మం మందపోవడం వంటి సమస్యలు కనిపించొచ్చు. అంతేకాకుండా, కండరాలపై అధిక ఒత్తిడి పడటం వల్ల పాదాలు బలహీనపడే ప్రమాదం ఉంటుంది. ఇది కాలక్రమేణా నడక తీరు మీద కూడా ప్రభావం చూపించవచ్చు.
ఇలా అవకండా ఉండాలంటే కొన్ని జాగ్రత్తలు తీసుకోవాలి. రోజులో ఎంతైనా కొంతసేపు షూ తొలగించి పాదాలకు విశ్రాంతినివ్వాలి. అవకాశం ఉన్నప్పుడు పాదాలను శుభ్రంగా కడిగి, పొడిగా ఉంచాలి. షూలను కూడా తరచుగా శుభ్రపరచడం, వాటిని శుభ్రమైన ప్రదేశంలో ఉంచడం మంచిది. ఎప్పటికప్పుడు ఫుట్‌వేర్ మార్చడం, షూ వాడకం తగ్గించేందుకు అవసరమైన చోట సాఫ్ట్ స్లిప్‌అన్స్ వాడడం వల్ల మంచి ఫలితం కనిపిస్తుంది.
విఖ్యాత పాదవైద్యులు చెబుతున్నట్లు, పాదాల ఆరోగ్యాన్ని నిర్లక్ష్యం చేయడం వల్ల తర్వాత పెద్ద సమస్యలు తలెత్తే అవకాశం ఉంటుంది. కాబట్టి రోజంతా షూ ధరించే వారు తప్పనిసరిగా ఈ సూచనలు పాటించాలని నిపుణులు అంటున్నారు. ఆరోగ్యంగా ఉండాలంటే పాదాలను కూడా తగిన శ్రద్ధతో కాపాడాలి.
