మీకు ప్రయాణాలు అంటే ఇష్టమా? విదేశాలకు వెళ్లాలనుకుంటున్నారా? అయితే ఈ బంపర్ ఆఫర్ మీ కోసమే. ట్రావెల్ లవర్స్కు శుభవార్త చెబుతూ అట్లీస్ (Atlys) సంస్థ వీసా ప్రాసెసింగ్ కోసం కేవలం ఒక రూపాయికే సేవలు అందిస్తోంది. ఈ ప్రత్యేక ఆఫర్ ద్వారా భారతీయులు 15 దేశాలకు వీసాను పొందవచ్చు.
అట్లీస్ వన్ వే అవుట్ (Atlys One Way Out):
ఆఫర్ వివరాలు: ఈ ఆఫర్ ఆగస్టు 4వ తేదీ ఉదయం 6 గంటల నుంచి ఆగస్టు 5వ తేదీ రాత్రి 12 గంటల వరకు మాత్రమే అందుబాటులో ఉంటుంది.
ఆఫర్ వర్తించే దేశాలు: భారతీయులు యూఏఈ, యూకే, వియత్నాం, ఇండోనేషియా, ఆస్ట్రేలియా, దక్షిణాఫ్రికా, ఈజిప్ట్, హాంకాంగ్, జార్జియా, ఒమన్, మొరాకో, ఖతర్, కెన్యా, తైవాన్ దేశాలలో ఏ దేశానికైనా ఒక రూపాయికే వీసా కోసం దరఖాస్తు చేసుకోవచ్చు.
దరఖాస్తు విధానం: ఈ ఆఫర్ పొందడానికి, ఆగస్టు 4 లేదా 5 తేదీలలో అట్లీస్ వెబ్సైట్లోకి వెళ్లి వీసా కోసం దరఖాస్తు చేయగానే, ఈ ప్రత్యేక ఆఫర్ ఆటోమేటిక్గా వర్తిస్తుంది.
గమనిక: ప్రాసెసింగ్ ఫీజు ఒక రూపాయి మాత్రమే అయినప్పటికీ, కాన్సులేట్, బయోమెట్రిక్ రుసుములను మాత్రం అభ్యర్థులు చెల్లించాల్సి ఉంటుంది. అంతేకాక, మీరు వెళ్లాలనుకుంటున్న దేశం యొక్క ఎంబసీ విధించిన నిబంధనలను కచ్చితంగా పాటించాలి. లేకపోతే వీసా తిరస్కరణకు గురయ్యే అవకాశం ఉంది. ఈ ఆఫర్ కేవలం వీసా ప్రాసెసింగ్ సేవలకే వర్తిస్తుంది.
ఈ అరుదైన అవకాశాన్ని ఉపయోగించుకుని, మీరు ప్రయాణించాలనుకుంటున్న దేశానికి వీసా కోసం దరఖాస్తు చేసుకోవచ్చు. అయితే దరఖాస్తు చేసే ముందు, అన్ని నిబంధనలు, షరతులను క్షుణ్ణంగా పరిశీలించడం ముఖ్యం.
