స్మార్ట్ఫోన్ ప్రియులకు కొత్త ఏడాది అదిరిపోయే ఆఫర్లతో ప్రారంభమైంది. ప్రముఖ మొబైల్ బ్రాండ్ రియల్మి (Realme) భారత మార్కెట్లో తన సరికొత్త '16 ప్రో' సిరీస్ను విడుదల చేసేందుకు సిద్ధమైంది. మరోవైపు, గతేడాది విడుదలైన పాపులర్ మోడల్ రియల్మి P3 5G ఇప్పుడు బడ్జెట్ ధరలోనే అందుబాటులోకి వచ్చింది. మీరు కొత్త ఫోన్ కొనాలని ప్లాన్ చేస్తున్నారా? అయితే రియల్మి కొత్త లాంచ్లు మరియు ప్రస్తుత ఆఫర్ల గురించి ఈ పూర్తి వివరాలు మీకోసమే.
రియల్మి అభిమానులు ఎంతగానో ఎదురుచూస్తున్న రియల్మి 16 ప్రో (Realme 16 Pro) మరియు రియల్మి 16 ప్రో ప్లస్ (Realme 16 Pro+) స్మార్ట్ఫోన్లు ఎల్లుండి, అంటే జనవరి 6వ తేదీన అధికారికంగా విడుదల కానున్నాయి.
బడ్జెట్ కింగ్ 'రియల్మి P3 5G' పై ఆఫర్ల వర్షం
మీ బడ్జెట్ రూ. 16 వేల లోపు ఉంటే, ప్రస్తుతం రియల్మి P3 5G ఒక గొప్ప ఎంపిక. గతంతో పోలిస్తే ఇప్పుడు ఈ ఫోన్ ధరలు ఫ్లిప్కార్ట్లో గణనీయంగా తగ్గాయి.
ధరల వివరాలు (ప్రస్తుతం):
6GB + 128GB: రూ. 15,999
8GB + 128GB: రూ. 16,999
8GB + 256GB: రూ. 18,499
బ్యాంక్ ఆఫర్లను ఉపయోగించుకుంటే ఈ ధర ఇంకా తగ్గే అవకాశం ఉంది. ఈ ఫోన్ నెబులా పింక్, స్పేస్ సిల్వర్, కామెట్ గ్రే అనే మూడు ఆకర్షణీయమైన రంగుల్లో లభిస్తోంది.
మూడు కలర్ వేరియంట్స్:
దీంతోపాటు ఎంపిక చేసిన బ్యాంకు కార్డులపై డిస్కౌంట్ను కూడా పొందవచ్చు. ఈ రియల్మి P3 5G స్మార్ట్ఫోన్ నెబులా పింక్, స్పేస్ సిల్వర్, కామెట్ గ్రే, కలర్ వేరియంట్స్లో లభిస్తోంది. ఈ హ్యాండ్సెట్ IP66, IP68, IP69 రేటింగ్తో డస్ట్, వాటర్ రెసిస్టెంట్గా ఉంది.
డిస్ప్లే వివరాలు:
ఈ ఫోన్ 120Hz రీఫ్రెష్ రేట్తో 6.67 అంగుళాల FHD+ అమోలెడ్ డిస్ప్లేను కలిగి ఉంది. ఈ డిస్ప్లే 2000 నిట్స్ గరిష్ఠ బ్రైట్నెస్, 1500Hz టచ్ శాంప్లింగ్ రేట్ను కలిగి ఉంది. AI Eye ప్రొటెక్షన్, ProXDR సపోర్టును కలిగి ఉంది.
3 సంవత్సరాల వరకు అప్డేట్స్:
ఈ రియల్మి ఫోన్ స్నాప్డ్రాగన్ 6 జెన్ 4 ప్రాసెసర్, ఆండ్రాయిడ్ 15 ఆధారిత రియల్మి UI 6.0 పైన పనిచేస్తోంది. ఈ హ్యాండ్సెట్ 2 ఆండ్రాయిడ్ OS అప్డేట్స్, 3 సంవత్సరాల వరకు సెక్యూరిటీ అప్డేట్స్ను పొందుతుంది. ఈ ఫోన్ ఏరో స్పేస్ కూలింగ్ సిస్టమ్ను కలిగి ఉంది.
50MP ప్రైమరీ కెమెరా:
కెమెరా విభాగం పరంగా వెనుక వైపు డ్యూయల్ కెమెరా యూనిట్ ఉంది. ఇందులో 50MP ప్రైమరీ కెమెరా, 2MP డెప్త్ సెన్సర్ ఉన్నాయి. సెల్ఫీ, వీడియో కాల్స్ కోసం ముందు వైపు 16MP కెమెరాను కలిగి ఉంది. ఈ హ్యాండ్సెట్ AI Snap Mode, AI Best Face, Live Photo వంటి ఫీచర్లు ఉన్నాయి.
6000mAh బ్యాటరీ:
రియల్మి P3 స్మార్ట్ఫోన్ 45W ఫాస్ట్ ఛార్జింగ్ సపోర్టుతో 6000mAh బ్యాటరీని కలిగి ఉంది. ఈ ఫోన్ గేమింగ్ కోసం GT బూస్ట్, 90fps తో BGMI ను సపోర్టు చేస్తుంది. కనెక్టివిటీ పరంగా 5G, 4G, వైఫై, బ్లూటూత్, USB-C ఛార్జింగ్ పోర్టును కలిగి ఉంది. డ్యూయల్ స్టీరియో స్పీకర్లు ఉన్నాయి.
ఏది కొనాలి?
మీకు అత్యాధునికమైన ఫీచర్లు, ప్రీమియం కెమెరా కావాలంటే మరో రెండు రోజులు ఆగి రియల్మి 16 ప్రో సిరీస్ను చూడండి. లేదు, మీకు బడ్జెట్ ధరలో మంచి డిస్ప్లే, భారీ బ్యాటరీ ఉన్న నమ్మకమైన ఫోన్ కావాలంటే వెంటనే రియల్మి P3 5G ని సొంతం చేసుకోండి.
