- Samsung S25 Offers: ధర మరియు ఆఫర్ వివరాలు.. S25 అల్ట్రాను ఇప్పుడే ఎందుకు కొనాలి?
- S26 అల్ట్రా కోసం ఆగాలా?
Samsung Galaxy S25 Ultra Offers: టెక్ ప్రియులకు, ముఖ్యంగా ప్రీమియం స్మార్ట్ఫోన్ల కోసం వేచి చూసే వారికి శాంసంగ్ ఒక అద్భుతమైన వార్త చెప్పింది. గతేడాది విడుదలైన శాంసంగ్ ఫ్లాగ్షిప్ మోడల్ Samsung Galaxy S25 Ultra పై అమెజాన్ ఇండియాలో కళ్లు చెదిరే డిస్కౌంట్లు అందుబాటులోకి వచ్చాయి. ఫిబ్రవరి 25న Galaxy S26 సిరీస్ లాంచ్ కాబోతున్నట్లు కంపెనీ అధికారికంగా ప్రకటించిన నేపథ్యంలో, పాత స్టాక్ను క్లియర్ చేసేందుకు ఈ భారీ ఆఫర్లను అందిస్తున్నట్లు తెలుస్తోంది.
మీరు ఒక హై-ఎండ్ ఆండ్రాయిడ్ ఫోన్ కొనాలని ప్లాన్ చేస్తుంటే, ఈ డీల్ ఎందుకు లాభదాయకమో ఇక్కడ వివరంగా తెలుసుకుందాం.. శామ్సంగ్ గెలాక్సీ S25 అల్ట్రా (12GB RAM, 256GB స్టోరేజ్) వేరియంట్ భారత మార్కెట్లో రూ. 1,29,999 ప్రారంభ ధరకు విడుదలైంది. అమెజాన్ ప్రస్తుత సేల్లో ఈ ఫోన్ ధర నేరుగా రూ. 1,11,990కి తగ్గింది. అంటే సుమారు రూ. 18,000 పైగా తగ్గింపు లభిస్తోంది. అమెజాన్ పే ICICI క్రెడిట్ కార్డ్ ద్వారా కొనుగోలు చేస్తే అదనంగా రూ. 3,359 వరకు ఇన్స్టంట్ డిస్కౌంట్ లభిస్తుంది. అన్ని ఆఫర్లు కలిపితే వినియోగదారులకు దాదాపు రూ. 21,000 వరకు ప్రయోజనం చేకూరుతోంది. ముఖ్యంగా 'టైటానియం గ్రే' కలర్ వేరియంట్పై ఈ గరిష్ట డిస్కౌంట్ అందుబాటులో ఉంది.
వచ్చే వారం S26 అల్ట్రా రాబోతున్నప్పటికీ, S25 అల్ట్రా ఇప్పటికీ ఒక పవర్హౌస్ అని చెప్పవచ్చు. దీనిలో ఉన్న కొన్ని కీలక ఫీచర్లు.. 200MP మెయిన్ సెన్సార్తో పాటు క్వాడ్ రియర్ కెమెరా సిస్టమ్ వృత్తిపరమైన ఫోటోగ్రఫీ అనుభవాన్ని ఇస్తుంది. 100x వరకు జూమ్ చేసే సామర్థ్యం దీని సొంతం. గేమింగ్ లేదా మల్టీటాస్కింగ్ ఏదైనా సరే.. స్నాప్డ్రాగన్ 8 ఎలైట్ ఫర్ గెలాక్సీ చిప్సెట్ వేగవంతమైన పర్ఫార్మెన్స్ను అందిస్తుంది. లైవ్ ట్రాన్స్లేట్, సర్కిల్ టు సెర్చ్, ఫొటో ఎడిటింగ్ అసిస్ట్ వంటి స్మార్ట్ ఫీచర్లు మీ పనులను సులభతరం చేస్తాయి. 6.9 ఇంచుల డైనమిక్ LTPO AMOLED 2X స్క్రీన్, 2600 నిట్స్ బ్రైట్నెస్తో వెలుగులో కూడా స్పష్టంగా కనిపిస్తుంది.
శాంసంగ్ కొత్తగా లాంచ్ చేయబోయే S26 అల్ట్రాలో 60W ఫాస్ట్ ఛార్జింగ్ మరియు 3,000 నిట్స్ బ్రైట్నెస్ వంటి అప్గ్రేడ్లు ఉండే అవకాశం ఉంది. అయితే, దాని ధర సుమారు రూ. 1.50 లక్షల పైనే ఉండే అవకాశం ఉంది. మీకు బడ్జెట్ పరిమితులు ఉండి, బెస్ట్ ప్రీమియం ఫోన్ తక్కువ ధరకు కావాలనుకుంటే.. ఇప్పుడు లభిస్తున్న S25 అల్ట్రా డీల్ ఖచ్చితంగా లాభదాయకమే. ఐఫోన్తో పోటీపడే నమ్మకమైన బ్రాండ్ కావాలనుకునే వారు ఈ అవకాశాన్ని అస్సలు వదులుకోకండి!
