Papam Prathap: తిరువీర్ 'పాపం ప్రతాప్' ఓటీటీ డేట్ ఫిక్స్... ఎప్పటినుంచంటే?
Papam Prathap: ఈ సినిమా మే 7, 2026 నుంచి 'ఈటీవీ విన్'లో స్ట్రీమింగ్ కానుంది. థియేటర్లలో విడుదలైన మూడు వారాలకే ఈ సినిమా ఓటీటీలోకి రాబోతుండటం విశేషం.
Entertainment- పెళ్లి తర్వాత పంచాయితీ కథ.. ఓటీటీ ప్రేక్షకులను పలకరించనున్న 'పాపం ప్రతాప్'.
తిరువీర్ మార్క్ విలేజ్ డ్రామా.. మే 7 నుంచి మీ మొబైల్ స్క్రీన్స్ లో!
అజయ్ ఘోష్ కామెడీ, తిరువీర్ నటన.. పాపం ప్రతాప్ ఓటీటీ రిలీజ్ కి అంతా సిద్ధం…
Papam Prathap: 'మసూద', 'పరేషాన్' వంటి చిత్రాలతో ఆకట్టుకున్న నటుడు తిరువీర్ హీరోగా నటించిన విలేజ్ ఫ్యామిలీ డ్రామా 'పాపం ప్రతాప్'. ఎస్.పి. దుర్గా నరేష్ దర్శకత్వంలో తెరకెక్కిన ఈ చిత్రం ఏప్రిల్ 17న థియేటర్లలో విడుదలై విమర్శకుల ప్రశంసలు అందుకుంది. ఇప్పుడు ఈ సినిమా డిజిటల్ ప్రేక్షకులను అలరించేందుకు సిద్ధమైంది. ప్రముఖ ఓటీటీ ప్లాట్ఫామ్ 'ఈటీవీ విన్' (ETV Win) ఈ సినిమా డిజిటల్ హక్కులను సొంతం చేసుకుంది.
ఈ సినిమా మే 7, 2026 నుంచి 'ఈటీవీ విన్'లో స్ట్రీమింగ్ కానుంది. థియేటర్లలో విడుదలైన మూడు వారాలకే ఈ సినిమా ఓటీటీలోకి రాబోతుండటం విశేషం. పక్కా గోదావరి జిల్లా నేపథ్యంలో, పెళ్లి తర్వాత ఒక దంపతుల మధ్య తలెత్తే ఒక చిన్న సమస్య ఎలాంటి పంచాయితీకి దారితీసింది అనే కథాంశంతో ఈ సినిమా రూపొందింది.
ఈ సినిమాలో తిరువీర్ సరసన పాయల్ రాధాకృష్ణ హీరోయిన్గా నటించగా.. అజయ్ ఘోష్, రాశి, శ్రీనివాస్ అవసరాల, ప్రసాద్ బెహరా ఇతర కీలక పాత్రలు పోషించారు. కె.ఎమ్. రాధాకృష్ణన్ అందించిన సంగీతం మరియు విలేజ్ అట్మాస్ఫియర్ ఈ సినిమాకు ప్రధాన బలంగా నిలిచాయి. థియేటర్లలో ఈ సినిమాను మిస్ అయిన వారు, గ్రామీణ నేపథ్యం ఉన్న ఎమోషనల్ కథలను ఇష్టపడే వారికి ఓటీటీలో ఇది ఒక మంచి ఆప్షన్ కానుంది.
Be the first to react
