కౌంటింగ్ సెంటర్ల కాడ గత్తర గత్తర!
పీఠం ఎక్కేది ఎవరో?
ఫామ్ హౌస్లకు అభ్యర్థుల తరలింపు
తెలంగాణ రాష్ట్రవ్యాప్తంగా ఉత్కంఠ రేకెత్తించిన మున్సిపల్ ఎన్నికల తుది ఘట్టం మొదలైంది
పొద్దుగాల ఎనిమిది గంటల నుంచే రాష్ట్రవ్యాప్తంగా ఉన్న 116 మున్సిపాలిటీలు, 7 కార్పొరేషన్ల ఓట్ల లెక్కింపు పక్కా బందోబస్తు మధ్య స్టార్ట్ అయ్యింది. గెలుపు ఎవరిది? పీఠం ఎక్కేది ఎవరు? అని జనం అందరూ చాయ్ కొట్ల కాడ తెగ ముచ్చట్లు పెట్టుకుంటున్నరు.
రాష్ట్రవ్యాప్తంగా 136 సెంటర్లలో కౌంటింగ్ నడుస్తుంది. మొదటగా పోస్టల్ బ్యాలెట్ ఓట్లను లెక్క పెడుతున్నరు. ఆఫీసర్లు ఒక్కో బ్యాలెట్ బాక్సును తీస్తుంటే అభ్యర్థులకు చెమటలు పడుతున్నాయని చెప్పుకోవాలి. ఇటు ఆధిక్యం అటు ఆధిక్యం ఇటు మారుతుంటే కౌంటింగ్ సెంటర్ల బయట ఉన్న కార్యకర్తలు ఒకటే అరుపులు, కేకలతో అదరగొడుతున్నరు. ఎక్కడ గొడవలు కాకుండా పోలీసులు గట్టి నిఘా పెట్టారు.
ఎన్నికల ప్రచారంలో పైసలు బాగానే ఖర్చు పెట్టిన్రు ఇక ఇప్పుడు గెలిచినోళ్లను కాపాడుకునే పనిలో పడ్డరు పెద్ద నేతలు. మెజారిటీ తక్కువొస్తే గెలిచినోళ్లు ఎక్కడ జంప్ అవుతారో అని పార్టీలన్నీ హడలిపోతున్నయి. అందుకే క్యాంప్ రాజకీయాలు మస్తు జోరుగా సాగుతున్నయి.
గెలిచే ఛాన్స్ ఉన్నోళ్లను, గెలిచినోళ్లను ఎమ్మటే ఎక్కించుకుని హైదరాబాద్ ఫామ్ హౌస్లకు పంపిస్తున్నారని జరా వినికిడి వినిపిస్తుంది. మేయర్ సీటు, చైర్మన్ సీటు దక్కించుకోవాలని లీడర్లు మస్తు పైరవీలు చేస్తున్నరు. గెలిచినోళ్లు చేజారకుండా కార్లల్లేసుకొని సీక్రెట్ ప్లేస్లకు తరలిస్తున్నరు.
బస్తీల్లో, గల్లీల్లో ఎవరి జెండా ఎగురుతదో అని అందరూ ఆశగా ఎదురుచూస్తున్నరు. కొన్ని చోట్ల గట్టి పోటీ ఉండటంతో ఒక ఓటు అటు ఇటు అయినా సీన్ మారిపోయేటట్టు ఉంది. మధ్యాహ్నం వరకు ఊళ్లల్లో ఎవరి హవా నడిచిందో ఒక క్లారిటీ వచ్చేస్తది. అప్పటిదాకా ఈ మున్సిపల్ లొల్లి ఇట్లనే సాగుతది.
