- పాచిపెంటలో టీడీపీ ప్రభంజనం: మంత్రి సంధ్యారాణి సమక్షంలో 100 గిరిజన కుటుంబాల చేరిక!
- చంద్రబాబు నాయకత్వంపై నమ్మకం.. అభివృద్ధే లక్ష్యం: గిరిజన గూడాల్లో మారిన రాజకీయ ముఖచిత్రం..
Minister Gummidi Sandhyarani: పాచిపెంట మండలం, రాయిగుడివలస గిరిజన పంచాయతీ పరిధిలోని 100 గిరిజన కుటుంబాలు తెలుగుదేశం పార్టీ (టీడీపీ)లో చేరారు. ఈ చేరిక కార్యక్రమం రాష్ట్ర మంత్రి గుమ్మిడి సంధ్యారాణి గారి ఆధ్వర్యంలో ఘనంగా నిర్వహించబడింది.
ఈ కార్యక్రమానికి పలువురు టీడీపీ నాయకులు, ప్రజాప్రతినిధులు, కార్యకర్తలు, గిరిజనులు పెద్ద సంఖ్యలో హాజరయ్యారు. కొత్తగా పార్టీలో చేరిన వారికి మంత్రి గుమ్మిడి సంధ్యారాణి గారు కండువాలు కప్పి, వారిని సాదరంగా ఆహ్వానించారు.
ఈ సందర్భంగా మంత్రి గుమ్మిడి సంధ్యారాణి గారు మాట్లాడుతూ, "టీడీపీ ప్రభుత్వం ప్రజలకు మంచి పాలన అందించేందుకు కట్టుబడి ఉంది. ప్రజా సంక్షేమం, అభివృద్ధి, యువత భవిష్యత్ బాగుండేలా నిర్ణయాలు తీసుకోవడమే మా లక్ష్యం. చంద్రబాబు నాయుడు గారి నాయకత్వంలో రాష్ట్రం అభివృద్ధి చెందుతుందని ప్రజలు గట్టి నమ్మకంతో టీడీపీలో చేరుతున్నారు." అని అన్నారు.
