రియల్మి తన కొత్త Narzo 90 5G సిరీస్ స్మార్ట్ఫోన్లను అధికారికంగా విడుదల చేసింది. ఈ సిరీస్లో Narzo 90 5G మరియు Narzo 90x 5G మోడళ్లు అందుబాటులోకి వచ్చాయి. ముఖ్యంగా Narzo 90x 5G బడ్జెట్ సెగ్మెంట్లో అధిక ఫీచర్లతో ఆకట్టుకుంటోంది. 144Hz రీఫ్రెష్ రేట్, భారీ బ్యాటరీ, ఫాస్ట్ ఛార్జింగ్ వంటి ఫీచర్లు ఈ ఫోన్ ప్రత్యేకత.
Realme Narzo 90x 5G ఫోన్ 6.8 అంగుళాల LCD డిస్ప్లేతో వస్తోంది. ఇది 144Hz రీఫ్రెష్ రేట్తో పాటు 1200 నిట్స్ గరిష్ఠ బ్రైట్నెస్ను అందిస్తుంది. ఈ ఫోన్కు IP65 రేటింగ్ ఉండటంతో డస్ట్, వాటర్ రెసిస్టెంట్గా పనిచేస్తుంది. పెద్ద డిస్ప్లే, స్మూత్ స్క్రోలింగ్ అనుభవం కోసం ఈ ఫోన్ అనువైనదిగా ఉంటుంది.
పర్ఫార్మెన్స్ విషయానికి వస్తే, ఈ ఫోన్లో 6nm MediaTek Dimensity 6300 ఆక్టాకోర్ ప్రాసెసర్ అమర్చారు. ఇది Android 15 ఆధారిత Realme UI 6.0 పై పనిచేస్తుంది. 60W ఫాస్ట్ ఛార్జింగ్ సపోర్టుతో 7000mAh టైటాన్ బ్యాటరీ ఇవ్వబడింది. ఒక్కసారి ఛార్జ్ చేస్తే దీర్ఘకాలం బ్యాటరీ బ్యాక్అప్ అందించగలదు.
కెమెరా విభాగంలో Narzo 90x 5G వెనుక భాగంలో 50MP Sony IMX852 ప్రైమరీ కెమెరా ఉంది. సెల్ఫీ, వీడియో కాల్స్ కోసం 8MP ఫ్రంట్ కెమెరా అందించారు. ఈ కెమెరాలతో 1080p వీడియోలను 30fps వద్ద రికార్డ్ చేయవచ్చు. కనెక్టివిటీ కోసం డ్యూయల్ బ్యాండ్ వైఫై, బ్లూటూత్ 5.3, GPS వంటి ఫీచర్లు ఉన్నాయి.
ధర విషయానికి వస్తే, 6GB RAM + 128GB స్టోరేజ్ వేరియంట్ ధర రూ.13,999 కాగా, 8GB RAM + 128GB స్టోరేజ్ వేరియంట్ ధర రూ.15,499గా నిర్ణయించారు. ఈ ఫోన్ డిసెంబర్ 23 నుంచి Realme India వెబ్సైట్, Amazon ద్వారా అమ్మకాలు ప్రారంభం కానున్నాయి. ఫ్లాష్ బ్లూ, నిట్రో బ్లూ కలర్ వేరియంట్స్లో లభిస్తుంది. ఈ సిరీస్లోని Narzo 90 5G ఫోన్ AMOLED డిస్ప్లే, 50MP సెల్ఫీ కెమెరాతో మరింత ప్రీమియం అనుభవాన్ని అందిస్తుంది.
