అత్యవసర ఖర్చులకు ఫోన్పే లోన్… 72 గంటల్లో డబ్బు మీ ఖాతాలో…
అన్సెక్యూర్డ్ లోన్స్లో ఫోన్పే దూకుడు… బంగారం అవసరం లేదు…
రూ.10 వేల నుంచి రూ.5 లక్షల వరకు… ఫోన్పే పర్సనల్ లోన్స్ ఎలా?
ప్రస్తుత కాలంలో ఏ చిన్న ఆర్థిక అవసరం వచ్చినా వెంటనే గుర్తొచ్చేది లోన్. ఒకప్పుడు లోన్ కోసం బ్యాంకుల చుట్టూ తిరగడం, రోజులు తరబడి ఎదురుచూడడం తప్పనిసరి కాగా… ఇప్పుడు పరిస్థితి పూర్తిగా మారిపోయింది. చేతిలో ఒక స్మార్ట్ఫోన్ ఉంటే చాలు, కొన్ని నిమిషాల్లోనే లోన్ అకౌంట్లోకి వస్తోంది. డిజిటల్ చెల్లింపుల్లో విప్లవం సృష్టించిన ఫోన్పే ఇప్పుడు లోన్ల రంగంలోనూ సామాన్యులకు సులభమైన పరిష్కారంగా మారింది. వివిధ బ్యాంకులు, NBFCలతో భాగస్వామ్యం చేసుకుని, అత్యవసర ఆర్థిక అవసరాల కోసం ఇన్స్టంట్ లోన్లను అందిస్తోంది.
ఫోన్పే ద్వారా అన్సెక్యూర్డ్ పర్సనల్ లోన్లు పొందవచ్చు. అంటే బంగారం, ఇల్లు లేదా ఇతర ఆస్తులను తాకట్టు పెట్టాల్సిన అవసరం లేదు. మీ క్రెడిట్ ప్రొఫైల్ ఆధారంగా కనీసం రూ.10,000 నుంచి గరిష్టంగా రూ.5 లక్షల వరకు లోన్ తీసుకునే అవకాశం ఉంటుంది. లోన్ అప్లికేషన్ ఆమోదం పొందిన తర్వాత గరిష్టంగా 72 గంటల్లోపు డబ్బు నేరుగా మీ బ్యాంక్ ఖాతాలో జమ అవుతుంది. తిరిగి చెల్లింపునకు 12 నెలల నుంచి 60 నెలల వరకు కాలపరిమితిని ఎంచుకునే సౌలభ్యం కూడా ఉంది.
వడ్డీ రేట్లు వార్షికంగా సుమారు 11.30 శాతం నుంచి 35 శాతం వరకు ఉంటాయి. ఇవి పూర్తిగా మీ సిబిల్ స్కోర్, ఆదాయం, రుణ చరిత్రపై ఆధారపడి ఉంటాయి. ఈ లోన్కు అప్లై చేసుకోవాలంటే 21 నుంచి 60 ఏళ్ల మధ్య వయస్సు ఉండాలి. నెలవారీ కనీస ఆదాయం రూ.15,000 ఉండాలి. సిబిల్ స్కోర్ 650 కంటే ఎక్కువగా ఉంటే లోన్ మంజూరు అయ్యే అవకాశం మరింత పెరుగుతుంది. ఫోన్పేలో ప్రాసెసింగ్ ఫీజు, EMI వివరాలు అన్నీ ముందుగానే స్పష్టంగా చూపిస్తారు. అందువల్ల హిడెన్ ఛార్జీల భయం ఉండదు.
ఈ మొత్తం ప్రక్రియ పూర్తిగా డిజిటల్ విధానంలో జరుగుతుంది. ఆధార్ కార్డు, పాన్ కార్డు, గత ఆరు నెలల బ్యాంక్ స్టేట్మెంట్, శాలరీ స్లిప్స్ ఉంటే సరిపోతుంది. ఫోన్పే యాప్ ఓపెన్ చేసి ‘Loans’ విభాగంలోకి వెళ్లి, మీ వివరాలు నమోదు చేసి అర్హతను చెక్ చేసుకోవాలి. తర్వాత లోన్ మొత్తం, కాలపరిమితిని ఎంచుకుని డాక్యుమెంట్లు అప్లోడ్ చేస్తే సరిపోతుంది. సకాలంలో EMIలు చెల్లిస్తే క్రెడిట్ స్కోర్ మెరుగుపడి, భవిష్యత్తులో మరింత పెద్ద లోన్లు సులభంగా పొందే అవకాశం ఉంటుంది. అత్యవసర వైద్య ఖర్చులు, కుటుంబ అవసరాలు లేదా చిన్న వ్యాపార అవసరాలకు ఇది ఒక సురక్షితమైన, వేగవంతమైన మార్గంగా నిలుస్తోంది.
