ఇక్కడ ఒక భారతీయ రైల్వే ప్రయాణికుడు Reddit లో తన అనుకోని అనుభవాన్ని పంచుకున్నాడు. అతనితో పాటు RAC సీట్ ను మరో మహిళా ప్రయాణికురాలికి కేటాయించినప్పటి కథ, 15 గంటల ప్రయాణాన్ని స్నేహం, హాస్యం, సంభాషణతో నిండిన అద్భుతమైన అనుభవంగా మార్చింది.
ఆ వ్యక్తి రెడ్డిట్లో “RAC 39 M2 Female traveller assigned with me in RAC” అనే పోస్టులో తన కథను పంచుకున్నారు. “నేను ఇటీవల నా ఊరు వెళ్ళడానికి టికెట్ బుక్ చేసుకున్నాను. భారతీయ రైల్వేలు ఉపయోగించే సీటు కేటాయింపు అల్గోరిథం కారణంగా మగవారికి ఆడవారికి పక్క పక్కన సీటు లు కేటాయించడం జరగని పని, కానీ నాకు ఒక మహిళా ప్రయాణికురాలితో బెర్త్ కేటాయించబడింది,” అని అతను వ్రాశాడు. “మొదట్లో కొంచెం ఇబ్బందిగా అనిపించింది. నేను ఇంట్రోవర్ట్ వ్యక్తి, సాధారణంగా లాంగ్ జర్నీ సమయంలో ఇయర్ ఫోన్స్ పెట్టుకుని నిద్రపోతున్నట్లు నటిస్తాను.”
కానీ “ఆమె చాలా ఫ్రెండ్లీగా ఉన్నారు, మరియు కొద్దిసేపటి తర్వాత ఆమె స్నేహితులు కూడా సంభాషణలో చేరారు. చిన్న మాటల నుండి జీవితం, ప్రయాణం, ఆహారం గురించి లోతైన చర్చలు మొదలయ్యాయి. 15 గంటలు ఎప్పుడో గడిచిపోయాయో కూడా తెలియలేదు,” అని అతను తెలిపాడు. Reddit వినియోగదారులు ఈ కథను స్వచ్ఛమైనదిగా, హృదయాన్ని తాకే విధంగా అభినందించారు.
ఒక వినియోగదారు, “ఇది ‘How I Met Your Mother’ ఎపిసోడ్లా అనిపిస్తుంది,” అని కామెంట్ చేశారు. మరొకరు, “ఇది నిజంగా మంచి సందర్భం, మనం ఫోన్లలో స్క్రోల్ చేసుకోకుండా ప్రయాణ సమయంలో మరింత మాటలు చెప్పినప్పుడు ఇలాంటి అనుభవాలు జరుగుతాయి.” అని జోడించారు.
మరో వినియోగదారు ఈ క్షణాన్ని సాదాసీదాగా వర్ణిస్తూ, “సంప్రదింపులు లేకుండా విడిపోవడం మంచిదే. మంచి జ్ఞాపకాలు సమస్యలేకుండా మన వెంట ఉంటాయి” అని అభినందించారు.
ఇక మరొకరు తన అనుభవాన్ని పంచుకుంటూ, “నాకు కూడా ఒక RAC సీట్లో మహిళా సహప్రయాణికురి ఉన్నారు. కానీ సిబ్బంది ఆమెకు మరో సీట్ ఏర్పాటు చేశారు. మీ కథ చక్కగా ముగిశిందని తెలుసుకొని సంతోషించాను” అన్నారు.
కొన్ని సందర్భాల్లో, తెలియని వ్యక్తులు కూడా మన జీవితంలో స్నేహపూర్వక, మరచిపోలేని జ్ఞాపకాలను అందించవచ్చని ఈ కథ మనకు గుర్తు చేస్తుంది,.
