ఎయిర్ ఇండియా ఎక్స్ప్రెస్ తన దేశీయ విమాన సర్వీసులను మరింత బలోపేతం చేయాలని నిర్ణయించింది. ఈ నిర్ణయం ద్వారా సంస్థ దేశీయ మార్కెట్లో తన వాటాను పెంచుకోవాలని లక్ష్యంగా పెట్టుకుంది. ఎయిర్ ఇండియా ఎక్స్ప్రెస్ మేనేజింగ్ డైరెక్టర్ మరియు సీఈఓ ఆలోక్ సింగ్ మాట్లాడుతూ , రాబోయే సంవత్సరాల్లో దేశీయ సర్వీసుల పెరుగుదల అంతర్జాతీయ షార్ట్హాల్ సర్వీసుల కంటే వేగంగా ఉంటుందని తెలిపారు.
ఆలోక్ సింగ్ ముంబై విమానాశ్రయంలో కొత్తగా రీఫర్బిష్ చేసిన విమానాన్ని ఆవిష్కరించిన సందర్భంగా మాట్లాడుతూ, రెండు సంవత్సరాల క్రితం వరకు సంస్థ నెట్వర్క్లో సుమారు 60% అంతర్జాతీయ షార్ట్హాల్ సర్వీసులు ఉండగా, మిగిలిన 40% దేశీయ సర్వీసులే ఉన్నాయని తెలిపారు. కానీ ప్రస్తుతం ఆ నిష్పత్తి 50-50గా మారిందని, దేశీయ మార్కెట్లో వేగంగా ఎదుగుతున్నామని చెప్పారు.
అలాగే "దేశీయ మార్కెట్లో వృద్ధి వేగంగా జరుగుతోంది. మేము అంతర్జాతీయ సేవలను కూడా పెంచుతున్నాము కానీ దేశీయ విభాగంలో పెరుగుదల రేటు మరింత ఎక్కువగా ఉంది. ఈ ధోరణి కొనసాగుతుంది," అని అన్నారు.
సంస్థ తమ 50 విమానాలను 2026 జూన్ నాటికి కొత్త సీట్లు మరియు ఆధునిక ఇంటీరియర్ డిజైన్తో రీఫర్బిష్ చేయాలని ప్రకటించింది. టాటా గ్రూప్ ఆధీనంలోని ఈ ఎయిర్లైన్ తన ప్రయాణికుల కోసం కొత్త ఆన్బోర్డ్ మెను కూడా ప్రవేశపెట్టింది. అయితే ఈ ఆహారం ముందుగానే బుక్ చేసుకోవాలి మరియు చెల్లింపు చేయాలి.
ఆలోక్ సింగ్, “దేశీయ నెట్వర్క్ విస్తరణలో మా వ్యూహం ఉన్న రూట్లలో మరిన్ని సర్వీసులు పెంచడం ద్వారా స్థిరమైన వృద్ధిని సాధించాలనేది మా ప్రణాళిక.” అని తెలిపారు.
ప్రస్తుతం ఎయిర్ ఇండియా ఎక్స్ప్రెస్ వద్ద 110 విమానాల ఫ్లీట్ ఉంది. వీటిలో ఎయిర్బస్ 320/321, బోయింగ్ 737-800 మరియు 737 మాక్స్ మోడల్స్ ఉన్నాయి. రాబోయే 2026లో మరో 20 కొత్త విమానాలను తమ ఫ్లీట్లో చేర్చనుంది.
ఈ చర్యలతో ఎయిర్ ఇండియా ఎక్స్ప్రెస్ దేశీయ విమాన మార్కెట్లో తన స్థిరత్వాన్ని బలపరచడమే కాకుండా, ప్రయాణికులకు మరింత సౌకర్యవంతమైన మరియు ఆధునిక సేవలను అందించాలనే లక్ష్యాన్ని ముందుకు తీసుకెళ్తోంది.
