స్మార్ట్ఫోన్ మార్కెట్లో యువతనే ప్రధాన లక్ష్యంగా చేసుకుని ముందుకెళ్తున్న రియల్మీ (realme), మరో కొత్త ఆవిష్కరణకు సిద్ధమవుతోంది. త్వరలో విడుదల కానున్న ‘రియల్మీ P4 పవర్’ స్మార్ట్ఫోన్ ఈసారి కేవలం అధునాతన ఫీచర్లకే పరిమితం కాకుండా, డిజైన్ పరంగా కూడా కొత్త ట్రెండ్ను ప్రారంభించనుంది. ముఖ్యంగా నేటి Gen Z యువత ఆలోచనలు, అభిరుచులకు అద్దం పట్టేలా ‘ఫర్ జెన్ Z, బై జెన్ Z’ అనే ప్రత్యేక ఫిలాసఫీతో ఈ ఫోన్ను రూపొందించింది. యువతకు స్మార్ట్ఫోన్ ఒక గాడ్జెట్ మాత్రమే కాకుండా, వారి వ్యక్తిత్వాన్ని ప్రతిబింబించే సాధనమనే భావనతో రియల్మీ ఈ డిజైన్ ప్రయాణాన్ని మొదలుపెట్టింది.
ఈ కొత్త స్మార్ట్ఫోన్లో రియల్మీ ప్రవేశపెట్టిన ‘ట్రాన్స్వ్యూ డిజైన్’ కాన్సెప్ట్ ప్రత్యేక ఆకర్షణగా నిలుస్తోంది. సాధారణంగా ఫోన్ లోపలి సాంకేతిక భాగాలను పూర్తిగా దాచిపెడతారు. కానీ రియల్మీ మాత్రం వాటినే డిజైన్కు ప్రేరణగా తీసుకుంది. ఫోన్ పైభాగంలో సర్క్యూట్ ప్యాటర్న్లతో కూడిన క్రిస్టల్ క్లియర్ ప్యానెల్, కనిపించే స్క్రూలతో టెక్-లుక్ను హైలైట్ చేస్తుంది. ఇక కింది భాగంలో మ్యాట్ ఫినిషింగ్తో రూపొందించిన బ్యాక్ ప్యానెల్, ఫోన్ పట్టుకునే సమయంలో సౌకర్యవంతమైన గ్రిప్ను అందిస్తుంది. ఈ విధంగా టెక్నాలజీకి స్టైల్ను జోడించి, వినియోగదారుడికి ప్రీమియం అనుభూతిని అందించడమే లక్ష్యంగా ఈ డిజైన్ రూపొందింది.
ఈ డిజైన్ ప్రయాణంలో రియల్మీ మరో వినూత్న అడుగు వేసింది. ప్రముఖ డిజైన్ సంస్థ పెరల్ అకాడమీ విద్యార్థులతో కలిసి పనిచేసి, వారి సృజనాత్మకతకు నేరుగా వేదిక కల్పించింది. వర్క్షాప్లు నిర్వహించి, విద్యార్థుల నుంచి వచ్చిన ఆలోచనలు, స్కెచ్లను పరిశీలించి, వాటిలో ఉత్తమమైన కాన్సెప్ట్ను తుది ఉత్పత్తిలో భాగం చేసింది. ఇందులో సంకల్ప్ పాంచాల్ అనే విద్యార్థి అందించిన డిజైన్ ఐడియా రియల్మీ P4 పవర్ ఫోన్ రూపకల్పనకు ప్రేరణగా మారింది. ఒక మాస్ మార్కెట్ స్మార్ట్ఫోన్ డిజైన్లో విద్యార్థుల ఆలోచనలను నేరుగా అమలు చేయడం భారతీయ మొబైల్ ఇండస్ట్రీలో ఇదే తొలిసారి కావడం విశేషం.
నేటి Gen Z యువతకు స్మార్ట్ఫోన్ అనేది కేవలం కాల్స్, సోషల్ మీడియాకే పరిమితం కాదు. అది వారి ఆలోచనా విధానం, క్రియేటివిటీ, స్టైల్కు ప్రతీక. పనితీరు ఎంత ముఖ్యమో, డిజైన్ కూడా అంతే కీలకం అనే భావనతో వారు నిర్ణయాలు తీసుకుంటున్నారు. ఈ మార్పును ముందుగానే గుర్తించిన రియల్మీ, తన P సిరీస్ను భారతీయ యువత అభిరుచులకు అనుగుణంగా రూపుదిద్దుతోంది. రియల్మీ P4 పవర్ ద్వారా యువతను కేవలం వినియోగదారులుగా కాకుండా, ఉత్పత్తుల రూపకల్పనలో భాగస్వాములుగా చూస్తున్నామని కంపెనీ స్పష్టం చేసింది. ఈ కొత్త ఆవిష్కరణతో రియల్మీ యువత బ్రాండ్గా తన గుర్తింపును మరింత బలపరుచుకునే దిశగా అడుగులు వేస్తోంది.
