డేటా భయంతో యాప్ అప్డేట్స్ ఆపేస్తున్నారా…
మొబైల్ సెక్యూరిటీ పెరగాలంటే అప్డేట్ చేయడం తప్పనిసరి…
సాఫ్ట్వేర్ అప్డేట్ వల్ల కలిగే 5 ప్రధాన లాభాలు ఇవే…
మొబైల్ సాఫ్ట్వేర్ మరియు యాప్ అప్డేట్స్ ఎందుకు చేయాలి? కొత్త ఫీచర్లు మరియు వెర్షన్లు: మొబైల్ కంపెనీలు సాఫ్ట్వేర్ అప్డేట్స్ ఇచ్చినప్పుడు అందులో సరికొత్త ఫీచర్లు యాడ్ అవుతుంటాయి. మీరు పాత వర్షన్ వాడుతుంటే ఈ కొత్త సదుపాయాలను కోల్పోయే అవకాశం ఉంది. అందుకే మొబైల్ అనుభవాన్ని మెరుగుపరుచుకోవడానికి లేటెస్ట్ సాఫ్ట్వేర్ అప్డేట్ చేసుకోవడం చాలా అవసరం.
బగ్ ఫిక్సింగ్ (Bugs Fixing): పాత సాఫ్ట్వేర్ లేదా యాప్ వర్షన్లలో ఏవైనా సాంకేతిక లోపాలు (Bugs) ఉంటే, డెవలపర్లు వాటిని గుర్తించి కొత్త అప్డేట్ ద్వారా సరిచేస్తారు. అప్డేట్ చేయడం వల్ల మొబైల్ హ్యాంగ్ కావడం, యాప్స్ మధ్యలో ఆగిపోవడం వంటి సమస్యలు పరిష్కారం అవుతాయి.
మొబైల్ పనితీరు మెరుగుదల: మీ మొబైల్ స్లోగా పనిచేస్తున్నా, యాప్స్ సరిగ్గా ఓపెన్ కాకపోయినా లేదా బ్యాటరీ త్వరగా అయిపోతున్నా.. దానికి కారణం పెండింగ్లో ఉన్న అప్డేట్స్ కావచ్చు. సాఫ్ట్వేర్ అప్డేట్ చేయడం వల్ల మొబైల్ వేగం పెరుగుతుంది మరియు బ్యాటరీ బ్యాకప్ కూడా మెరుగుపడుతుంది.
సెక్యూరిటీ అప్డేట్స్: సెక్యూరిటీ అప్డేట్స్ అనేవి మీ మొబైల్ భద్రతకు ఎంతో కీలకం. మీ డేటా హ్యాకర్ల బారిన పడకుండా ఉండటానికి, మీ వ్యక్తిగత సమాచారం సురక్షితంగా ఉండటానికి కంపెనీలు పంపే సెక్యూరిటీ ప్యాచెస్ (Security Patches) ను వెంటనే ఇన్స్టాల్ చేయాలి.
చాలామంది డేటా అయిపోతుందని లేదా సమయం వృధా అవుతుందని యాప్స్ అప్డేట్ చేయరు. కానీ, మీరు క్రమం తప్పకుండా వాడే యాప్స్ కు డెవలపర్లు భద్రత మరియు పనితీరు పరంగా ఎప్పటికప్పుడు అప్డేట్స్ ఇస్తుంటారు. వీటిని అప్డేట్ చేయడం వల్ల యాప్స్ సురక్షితంగా మరియు వేగంగా పనిచేస్తాయి.
