మీ మొబైల్ హ్యాక్ అవ్వకూడదు అని అనుకుంటున్నారా... అయితే ఈ సెట్టింగ్స్ మార్చండి!

క్రెడిట్ కార్డ్ వివరాలు హ్యాక్ అవ్వకుండా..

మొబైల్ యూజర్లు వెంటనే ఆఫ్ చేయాల్సిన 2 ముఖ్యమైన సెట్టింగ్స్…

పాస్వర్డ్‌లు మరియు బ్యాంక్ వివరాల భద్రత…

నేటి కాలంలో మనం సోషల్ మీడియా నుండి బ్యాంకింగ్ వరకు అన్నిటికీ మొబైల్ వాడుతున్నాం. అయితే, గూగుల్ క్రోమ్‌లో కొన్ని సెట్టింగ్స్ ఆఫ్ చేయకపోతే మీ ఇన్‌స్టాగ్రామ్, ఫేస్‌బుక్, జిమెయిల్‌తో పాటు మీ క్రెడిట్ కార్డ్ వివరాలు మరియు ఫోన్ పే, గూగుల్ పే వంటివి కూడా హ్యాక్ అయ్యే ప్రమాదం ఉంది.

ముందుగా మీ ఫోన్ లో గూగుల్ క్రోమ్ ఓపెన్ చేసి, కుడివైపు పైన ఉన్న మూడు చుక్కలను ప్రెస్ చేసి సెట్టింగ్స్‌లోకి వెళ్ళాలి. అందులో 'పాస్వర్డ్ మేనేజర్' (Password Manager) అనే ఆప్షన్ కనిపిస్తుంది. దానిలోకి వెళ్ళిన తర్వాత మళ్ళీ సెట్టింగ్స్ ఎంచుకుని, అక్కడ ఉన్న 'ఆఫర్స్ టు సేవ్ పాస్వర్డ్' (Offer to save passwords) మరియు 'ఆటో సైన్ ఇన్' (Auto Sign-in) అనే రెండు ఆప్షన్లను వెంటనే ఆఫ్ చేయాలి.

ఈ సెట్టింగ్స్ ఎందుకు ఆఫ్ చేయాలంటే, ఒకవేళ మీ మొబైల్‌లోకి ఏదైనా మాల్వేర్ లేదా స్పైవేర్ వచ్చినప్పుడు, హ్యాకర్లు మీ బ్రౌజర్ లోని కుకీస్ (Cookies) ద్వారా మీ సమాచారాన్ని దొంగిలించే అవకాశం ఉంటుంది. ఈ ఆప్షన్లు ఆన్ లో ఉంటే మీ పాస్వర్డ్‌లు సులభంగా వారికి దొరికిపోతాయి.

కేవలం పాస్వర్డ్‌లే కాకుండా, క్రోమ్ సెట్టింగ్స్‌లో 'పేమెంట్ మెథడ్స్' (Payment methods) అనే ఆప్షన్ ఉంటుంది. అందులో 'సేవ్ అండ్ ఫిల్ పేమెంట్ మెథడ్స్' (Save and fill payment methods) అనే ఆప్షన్‌ను కూడా ఆఫ్ చేయాలి. ఇది ఆన్ లో ఉంటే మీ క్రెడిట్ కార్డు లేదా డెబిట్ కార్డు వివరాలు బ్రౌజర్‌లో సేవ్ అయి ఉంటాయి, దీనివల్ల మీ డేటా హ్యాక్ అయ్యే ఛాన్స్ ఉంది.

చివరగా, ఇలాంటి చిన్న మార్పులు చేయడం ద్వారా మీ వ్యక్తిగత వివరాలను మరియు కష్టపడి సంపాదించిన డబ్బును హ్యాకర్ల బారిన పడకుండా కాపాడుకోవచ్చు. మీ మొబైల్‌లో స్పైవేర్ ఉన్నా కూడా, ఈ సెట్టింగ్స్ ఆఫ్ చేయడం వల్ల మీ సమాచారం సురక్షితంగా ఉంటుంది.