మంత్రి నారా లోకేశ్ అమెరికా పర్యటనకు సంబంధించిన ఏర్పాట్లు పూర్తి అయ్యాయి. రాష్ట్ర ఆర్థికాభివృద్ధిని వేగవంతం చేయాలనే లక్ష్యంతో, ప్రపంచవ్యాప్తంగా ఉన్న ఐటీ, స్టార్టప్, మాన్యుఫాక్చరింగ్, హైటెక్ కంపెనీలతో భాగస్వామ్యాలు పెంచేందుకు ఆయన విదేశీ విజిట్ను ప్రణాళిక చేశారు. ఈ నేపథ్యంలో, డిసెంబర్ 6న అమెరికాలోని టెక్సాస్ రాష్ట్రం డల్లాస్ నగరంలో ఆయన పర్యటనకు ప్రవాసాంధ్రులు పెద్దఎత్తున రెడీ అవుతున్నారు.
డల్లాస్లో జరిగే కార్యక్రమం గార్లాండ్ కర్టిస్ కల్వెల్ సెంటర్లో అత్యంత భారీ స్థాయిలో జరుగనుంది. ప్రవాసాంధ్రుల సంఘాలు, ఎన్ఆర్ఐ అసోసియేషన్లు, ఐటీ మిలినియర్లు, స్టార్టప్ ఫౌండర్లు విశేషంగా ఆసక్తి చూపుతున్నారని సమాచారంతో తెలుస్తోంది. ఈ భారీ సభకు అమెరికా, కెనడా దేశాల నుంచి సుమారు 8,000 మంది హాజరవుతారని నిర్వాహకులు అంచనా వేస్తున్నారు. రాష్ట్ర అభివృద్ధి దిశగా ప్రభుత్వం చేపడుతున్న కార్యక్రమాలు, భవిష్యత్ విజన్, ప్రపంచ పెట్టుబడులను ఆహ్వానించే విధానాలను ఈ సభలో లోకేశ్ వివరిస్తారని తెలుస్తోంది.
ఈ సందర్బంగా మంత్రి లోకేశ్, ప్రవాసాంధ్రులను రాష్ట్ర అభివృద్ధిలో భాగస్వాములుగా మారాలని కోరనున్నారు. ముఖ్యంగా స్టార్టప్స్, స్కిల్ డెవలప్మెంట్, గ్లోబల్ ఇన్వెస్ట్మెంట్, హై టెక్ జాబ్స్ సృష్టి వంటి అంశాలకు సంబంధించిన ప్రతిపాదనలు ఆయన ప్రవాస భారతీయుల ముందుంచనున్నారని సమాచారం. ఏపీ యువతకు ఉద్యోగ అవకాశాలు, కొత్త పరిశ్రమలకు మార్గదర్శనం, విదేశీ కంపెనీలతో భాగస్వామ్యాలు ప్రధాన చర్చాంశాలుగా ఉండనున్నాయని అధికారులు చెబుతున్నారు.
డల్లాస్ సభ అనంతరం, డిసెంబర్ 8 మరియు 9 తేదీల్లో మంత్రి లోకేశ్ శాన్ఫ్రాన్సిస్కోలో పలు ప్రపంచ ప్రఖ్యాత కంపెనీల CEOలతో, హైటెక్ ఇండస్ట్రీ ప్రతినిధులతో వేర్వేరు సమావేశాలు నిర్వహించనున్నారు. ముఖ్యంగా AI, సెమికండక్టర్స్, గ్రీన్ ఎనర్జీ, రోబోటిక్స్, బ్లాక్చైన్, డిజిటల్ ఎడ్యుకేషన్ వంటి రంగాల్లో పెట్టుబడులను ఆహ్వానించేందుకు కీలక చర్చలు జరగనున్నాయి.
ఈ పర్యటన ద్వారా ఆంధ్రప్రదేశ్లో పెట్టుబడుల అవకాశాలు మరింత విస్తరించనున్నాయని, రాష్ట్రానికి గ్లోబల్ కనెక్టివిటీ మరింత బలపడుతుందని పరిశ్రమ వర్గాలు భావిస్తున్నాయి. డల్లాస్లో జరగబోయే ఈ సభకు ఇప్పటికే భారీ ఆసక్తి నెలకొనగా, ప్రవాసాంధ్రుల్లో ఈ వేడుక పండగ వాతావరణాన్ని సృష్టిస్తుంది.
