లులు మాల్ భూముల కేటాయింపుపై హైకోర్టులో విచారణ జరగడంతో ఆంధ్రప్రదేశ్ ప్రభుత్వానికి సమస్యలు మొదలయ్యాయి. విశాఖపట్నం, విజయవాడలలో లులు గ్రూప్కు భూముల కేటాయింపును సవాలు చేస్తూ దాఖలైన ప్రజాప్రయోజన వ్యాజ్యంపై హైకోర్టు బుధవారం విచారణ చేపట్టింది.
ఈ పిల్లో మార్పులు చేయడానికి పిటిషనర్కు అనుమతి ఇచ్చిన ధర్మాసనం, విచారణను వారం రోజుల పాటు వాయిదా వేసింది. విశాఖలో 13.83 ఎకరాల భూమిని లులుకు నామమాత్ర ధరకు కేటాయించడం సరికాదని లాయర్ పాక సత్యనారాయణ పిల్ దాఖలు చేశారు.
ఇంతకముందు లులుకు కేటాయించిన భూమిని రద్దు చేసి, ఇప్పుడు బిడ్లు లేకుండానే మళ్లీ ఇవ్వడంపై అభ్యంతరం వ్యక్తం చేశారు. 2018లో బిడ్డింగ్ ద్వారా లులుకు భూమిని అప్పటి ప్రభుత్వం కేటాయించగా, 2019లో వైసీపీ ప్రభుత్వం దాన్ని రద్దు చేసింది. తర్వాత పునరాయణా బిడ్డింగ్ లేకుండా, సంస్థ చైర్మన్ లేఖ ఆధారంగా మళ్లీ భూమిని కేటాయించారని న్యాయవాది అశోక్ రామ్ కోర్టులో తెలిపారు.
ప్రస్తుతం స్థితి:
విశాఖలో బీచ్ రోడ్ వద్ద 13.74 ఎకరాల భూమిని లులుకు 99 ఏళ్ల లీజుకు ప్రభుత్వం కేటాయించింది. లులు ఇంటర్నేషనల్ షాపింగ్ మాల్ నిర్మించనున్నది.
విజయవాడలో 4.15 ఎకరాల భూమిని మాల్ కోసం కేటాయించేందుకు ప్రభుత్వం సూత్రప్రాయంగా అంగీకరించింది.
ఆర్టీసీ భవనాలను వేరే చోటకు మార్చి, భూమిని పర్యాటక శాఖకు అప్పగించాలని ఆదేశాలు జారీ అయ్యాయి.
ఈ ప్రాజెక్టులను త్వరగా పూర్తి చేయాలని పరిశ్రమల శాఖ, వాణిజ్య శాఖ, ఏపీఐఐసీకి ప్రభుత్వం ఆదేశాలు జారీ చేసింది. అయితే, కోర్టులో కేసు ఉండటంతో లులు ప్రాజెక్టులపై కొనసాగింపు ఎలా ఉంటుందో వేచి చూడాలి.
