ఆంధ్రప్రదేశ్ రాష్ట్ర విద్య, ఐటి, ఎలక్ట్రానిక్స్ శాఖల మంత్రి నారా లోకేష్ గూగుల్ సీఈవో సుందర్ పిచాయ్ను కలిశారు. ఈ భేటీలో గూగుల్ క్లౌడ్ సీఈవో థామస్ కురియన్, వైస్ ప్రెసిడెంట్ బికాష్ కోలే (గ్లోబల్ నెట్వర్కింగ్ & ఇన్ఫ్రాస్ట్రక్చర్) పాల్గొన్నారు. సమావేశంలో విశాఖపట్నంలో $15 బిలియన్ విలువైన పెట్టుబడులు, ఏపీ ప్రభుత్వతో భాగస్వామ్య అంశాలు, మరియు భవిష్యత్ AI ప్రాజెక్టులు పై చర్చలు జరిగాయి. మంత్రి లోకేష్ గూగుల్ ఉన్నతస్థాయి బృందానికి ఈ భారీ పెట్టుబడికి కృతజ్ఞతలు తెలిపారు.
విశాఖపట్నంలో ప్రారంభం కానున్న AI డేటా సెంటర్ ప్రాజెక్ట్ అమలు కాలం, పనుల విధానం, భవిష్యత్ పరిధి గురించి చర్చ జరిగింది. నారా లోకేష్ డేటా సెంటర్–సర్వర్ తయారీ ఎకోసిస్టమ్ను విస్ట్రాన్ న్యూ వెబ్ కార్పోరేషన్ ద్వారా ప్రోత్సహించాలని సూచించారు. ఈ ప్రాజెక్ట్ రాష్ట్రంలో సాంకేతిక పరిశ్రమ అభివృద్ధికి దోహదపడనుందని మంత్రి చెప్పారు.
ఆంధ్రప్రదేశ్లో రాబోయే డ్రోన్ సిటీ ప్రాజెక్టుకు సంబంధించి డ్రోన్ అసెంబ్లీ, కేలిబ్రేషన్, టెస్టింగ్ యూనిట్ను ఏర్పాటు చేయాలని లోకేష్ విజ్ఞప్తి చేశారు. ఇది రాష్ట్రంలోని స్మార్ట్ పరిశ్రమలు, నూతన సాంకేతికతల పరిధిని విస్తరించడంలో కీలకంగా ఉంటుంది. గూగుల్ ద్వారా ఈ ప్రాంతంలో పరిశ్రమలు, R&D అవకాశాలు పెరుగుతాయని మంత్రి ఆశాభావం వ్యక్తం చేశారు.
భారత్లో క్లౌడ్ రీజియన్ల విస్తరణతో పాటు “గూగుల్ ఫర్ స్టార్టప్స్ యాక్సిలరేటర్” ద్వారా స్టార్టప్లకు మద్దతు అందిస్తున్నామని. విశాఖపట్నంలో ప్రారంభించనున్న $15 బిలియన్ AI డేటా సెంటర్ అమెరికా వెలుపల గరిష్ఠ FDI ప్రాజెక్ట్గా ఉంటుంది. చెనైలో ఫాక్స్కాన్ ద్వారా కాంట్రాక్ట్ మాన్యుఫాక్చరింగ్ ద్వారా గూగుల్ డ్రోన్లు “వింగ్స్” తయారవుతున్నాయని వివరించారు.
గూగుల్ ఉత్పత్తులను నెలకొల్పిన సంఖ్య, గ్లోబల్ వినియోగంలో ఉన్నత స్థాయి సేవల వివరాలను పంచుకున్నారు. ప్రతీ నెలా 500 మిలియన్లకు పైగా ఇంటర్నెట్ వినియోగదారులు గూగుల్ ఉత్పత్తులను ఉపయోగిస్తున్నారు. ఆంధ్రప్రదేశ్ ప్రభుత్వ ప్రతిపాదనలపై సంస్థ ఉన్నత బృందంతో చర్చించి తుది నిర్ణయం తీసుకుంటుందని సుందర్ పిచాయ్ తెలిపారు. ఈ సమావేశంలో బికాష్ కోలే, థామస్ కురియన్ కూడా పాల్గొన్నారు.
