ఏపీ రైతులు బర్లీ పొగాకు పంటపై ఎక్కువ ఆసక్తి చూపిస్తున్నారు. ప్రభుత్వం నిషేధాలు సూచనలు ఇచ్చినా రైతులు వెనక్కి తగ్గడం లేదు. ఖరీఫ్ సీజన్‌లో మొత్తం 21,000 ఎకరాల విస్తీర్ణంలో పొగాకు పంట సాగింది. అత్యధికంగా ప్రకాశం జిల్లాలో 11,400 ఎకరాలు, పల్నాడు జిల్లాలో 4,600 ఎకరాలు, కర్నూలులో 4,000 ఎకరాలు ఉన్నాయి.
ఈ మొత్తం విస్తీర్ణంలో 15,000 ఎకరాలు సాధారణ బర్లీ రకాలకు, 6,000 ఎకరాలు ఫుల్‌ క్యూయర్డ్‌ వర్జీనియా (FCV) రకానికి చెందినవి. ఏడు జిల్లాల్లోనే కొద్దిగా FCV సాగింది. రైతులు ఎక్కువగా బర్లీ వైపే దృష్టి పెట్టడం, ఎవరూ కొనుగోలు చేస్తారో, ధరలు ఎంత ఉంటాయో స్పష్టత లేక ఉండడం, వారి ఆందోళనను పెంచుతోంది.
గత ఏడాదిలో బ్లాక్ మరియు వైట్ బర్లీ క్వింటాకు ₹15,000 వద్ద విక్రయించబడినప్పటికీ, ఈ సంవత్సరం ధరలు ₹12,000–₹15,000 మధ్యే ఉన్నాయి. మార్క్‌ఫెడ్ ద్వారా ప్రభుత్వం 19.73 మిలియన్ కిలోల బ్లాక్ బర్లీని కొనుగోలు చేసింది. క్వింటాకు ₹12,000 ధర నిర్ణయించబడినప్పటికీ, అనేక రైతులకు ఈ ధర కూడా అందలేదు. ప్రైవేట్ వ్యాపారులు కూడా కొంత కొనుగోలు చేస్తున్నారు, అయినప్పటికీ ఇంకా చాలా రైతుల పొగాకు అమ్మకానికి రాలేదు.
కర్నూలు, నంద్యాల, పల్నాడు, ప్రకాశం జిల్లాల్లో ఈ సమస్య ఎక్కువగా కనిపిస్తోంది. ప్రభుత్వం, రైతుల పంటల రకాలపైన నియంత్రణ కోసం, హై డెన్సిటీ బ్లాక్ బర్లీ హై డెన్సిటీ బర్లీ , బ్లాక్ బర్లీ వంటి రకాల సాగును జిల్లా కలెక్టర్లు, డివిజన్ RDOలు, మండల తహసీల్దార్‌లతో ఏర్పాటైన ప్రత్యేక టాస్క్‌ఫోర్స్‌లు పర్యవేక్షిస్తున్నారు.
ఏపీ ప్రజలు ఎదుర్కొంటున్న ఆర్థిక ఇబ్బందులు పంట అమ్మకాల్లో అస్పష్టత వ్యాపారుల ఆలస్య కొనుగోలు వంటి సమస్యలపై ప్రభుత్వం తక్షణ చర్యలు తీసుకోవడం అవసరం అని పంట విశ్లేషకులు సూచిస్తున్నారు
